Jang 12:6 - Sră Goh 2018

⁶ Khai đơs behơ̆, ò di tài bơh kơlôi bơh cau rƀah lơòi ò, mơya bơh khai la dô nă cau ntung kơñau, mơ prap kơldung priă, gen tàng khai òs kơñau priă mơ cau neh ơn tòm hơ̆.

Jang 12:6 Mawu Ofanana

Đơs Crih 14:1

Cau bơrngơl gơla đơs tòm nùs lah: “Ò gơs Yàng Tom Trồ.” Bol khai ƀơ̆ iơh lơm, bol khai lơh ală bơta ngkòr ngkàc, Ò gơs cau lơi lơh bơta niam.

Jơnau Pơnđik 29:7

Cau song ring git gơnoar pal dòp geh cau rƀah lơòi dê; ai cau iơh ò gơs dơngoh jak nàng ơn nùs tồr git wă.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Mathiơ 21:13

Kơnràñ đơs mơ bol khai lah: “Gơs jơnau cih lah: ‘Hìu Añ pal sơnđan la hìu hòi dan,’ mơya bol mê lơh hìu hơ̆ gơlik gơs trồm ală cau ntung kơñau.”

Luka 8:3

Jana bau ùr Cusa, la cau at bồ hìu Herôt dê, Susan, mơ oă cau ndai, la ală cau neh ngui phan mơna bol khai dê nàng duh broă Kơnràñ.

Jang 10:13

Tài bơh khai la cau ê ơpah, gen tàng ò kơlôi bơh belàt dô êt lơi.

Jang 12:5

“Ñchi bơh tài ò tac mơñà ƀô hơ̆ tồ geh pe rhiang dơnie nàng pà cau rƀah lơòi in taih?”

Jang 13:29

Gơs cau ƀà tồnlah tài bơh Juda gơs kơldung priă, gen tàng Yàng Jesu đơs mơ khai lah: Rwat tĕ phan bol he kòñ ngui tòm tŭ pơjum sa, hala pal pà phan lơi cau rƀah lơòi in.

I Kôrintô 6:10

cau ntung kơñau, cau hàm hà, cau bơñul lơmbè, cau lah sơrpah, cau sa kwà, jơh ală cau hơ̆ ò geh pơrdòn lơgar Yàng Tom Trồ.

Galati 2:10

Bol khai mìng nting bol hi pal kah di ală cau rƀah lơòi, la bơta añ kung neh jơh nùs lơh.

I Tesalônika 5:22

Pleh tĕ di jơh ală bơta gơlơh be iơh bơsak.

Jakơ 2:2

Dilah gơs dô nă cau dò sơmbiat màh, soh ào hàng mơnĕ, mut tòm hìu jum oh mi dê, mơ kung gơs cau rƀah, soh ào sut sèt, mut bal sơl;

Jakơ 2:6

Mơya oh mi lơh cau rƀah in ƀàssìl. Hơ̆ ò di la cau pas gơs rồn bơklơn oh mi, mơ hwài oh mi lòt tus di tiah cahrña ò ơ?