Jang 12:48 - Sră Goh 2018

⁴⁸ Cau lơi sang Añ mơ ò dòp rò jơnau Añ, gen neh gơs kwang cahrña; jơnau Añ neh đơs rơp cahrña bol khai tòm ngai lồi dut.

Jang 12:48 Mawu Ofanana

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Mathiơ 21:42

Yàng Jesu đơs mơ bol khai lah: “Bol mê òhềt sền tòm Sră Goh lah: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu. Bơta hơ̆ la bơh Yàng lơh gơs, Mơ la dô bơta crih crài di đap mat bol he’ ơ?

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Jơnau Niam Jat Mak 12:10

Bol mê òhềt sền jơnau Sră Goh do: ‘Pơnai lŭ gơkòl ală cau bơt hìu sang tơlik. Neh gơlik gơs lŭ mum hìu dờng màng rlau jơh.

Jơnau Niam Jat Mak 16:16

Cau lơi dòn mơ gơs ƀaptem gen rơp geh dong klàs, mơya cau lơi ò dòn gen rơp gơkòl lơh nền glài.

Jơnau Niam Jat Mak 8:31

Tŭ hơ̆ Yàng Jesu sơntòm bơto bol khai lah: Kòn Mơnus pal kong oă bơta bòl glar, pal kong ală cau kwang kra, ală cau gơnoar lam bồ ơn phan duh khoai mơ ală cau gơnoar cih sang tơlik, mơ kong cau tơnchơt, tơnơ̆ mơ pe ngai gen kis wơl.

Luka 10:16

Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Luka 17:25

Mơya lài ngan Kơnràñ pal kong oă bơta bòl glar mơ gơkòl cau rài do sang lòi.

Luka 20:17

Yàng Jesu sền di bol khai mơ đơs lah: “Behơ̆ gen jơnau neh cih: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu,’ la ñchi taih?

Luka 7:30

Mơya ală cau Pharisi mơ ală cau bơto bơta boh lam ò kòñ Jang lơh ƀaptem, gen ò dòp bơta lơh nền Yàng Tom Trồ dê ơn is bol khai in.

Luka 9:22

mơ lah: “Kòn Mơnus pal kong oă bơta bòl glar, kong ală cau kwang kra, ală cau gơnoar lam bồ ơn phan duh khoai, mơ ală cau bơto bơta boh lam sang lòi, mơ kong cau tơnchơt, gen tus di ngai pe geh kis wơl.”

Luka 9:26

Bơh cau lơi ƀàssìl bơh Añ mơ jơnau Añ jê, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus tòm bơta gơklŏ Kơnràñ dê, Bèp dê, mơ ală cau gơnrơh sàng goh dê.

Jang 11:24

Mathe đơs lah: “Añ git lah bi añ rơp kis wơl tòm bơta kis wơl tòm ngai lồi dut.”

Jang 5:45

Bañ kơlôi lah Añ rơp yă bol mê di đap Bèp; cau rơp yă bol mê la Môise, la cau mơ bol mê gơn kơnòm.

Jang 6:39

Do la nùs kòñ Bơtau neh sồr Añ lòt tus: Hơ̆ la jơh ală cau Kơnràñ neh ai Añ in, gen Añ ò lòi roh dô nă lơi, mơya Añ pal lơh bol khai in kis wơl tòm ngai lồi dut.

Jang 8:47

Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Broă 3:23

Dilah cau lơi ò iat jơnau Cau gơnoar hwơr hơ̆ gen rơp kòl tă tơlik mơ kong tơnroh bơh di làng bol Yàng Tom Trồ dê.’

Rôma 2:16

Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.

II Kôrintô 4:3

Dilah Jơnau Niam bol hi dê gam kìng ndơp, la mìng kìng ndơp ală cau kòl roh rui in lơm.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

Hebrơ 10:25

Bañ sang lòi bơta pơjum bal be cau ƀà òs lơh, mơya pal bơto tơngkah bal mơ gơp, mơ sơlo pal lơh lin rlau tai, bơh oh mi gŏ ngai Yàng Jesu dê tus rềp.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.

II Pier 3:3

Sơnròp ngan, pal git lah tòm ală ngai lồi dut rơp tus ală cau jak dơñŏ tơnhial ai jơnau dơñŏ tơnhial, jat nùs hàm kòñ is bol khai dê,

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.

I Samuel 10:19

Mơya tŭ do bol mê neh pơndang sang Yàng Tom Trồ bol mê dê la Bơtau neh dong tă bol mê bơh di jơh ală bơta rung rài mơ bòl glar. Mơ bol mê neh đơs lah: ‘Ò, dan bơtào dô nă bơtau hơđang bol hi.’ Behơ̆ tŭ do tơlik tĕ mat di đap Yàng Jehôwa jat ală jơi bơtiàn bol mê dê mơ jat mpồl hìu nhă bol mê dê.”

I Samuel 8:7

Mơ Yàng Jehôwa đơs mơ khai lah: “Iat tĕ jơh ală jơnau mơ làng bol neh đơs mơ mê; hơ̆ ò di la bol khai sang lòi mê; mơya bol khai neh sang lòi Añ la Bơtau at bồ bol khai dê.