Jang 12:43 - Sră Goh 2018

⁴³ bơh bol khai hàm kòñ bơta gơklŏ kòn mơnus dê rlau mơ bơta gơklŏ Yàng Tom Trồ dê.

Jang 12:43 Mawu Ofanana

Đơs Crih 22:29

Ngan jơh ală cau pơnhừ să tòm dunnia rơp cùn khoai di đap Kơnràñ; Jơh ală cau òs chơt, la ală cau ò rgơi pleh klàs di bơta chơt, Rơp cùn khoai di đap Kơnràñ.

Jơnau Pơnđik 29:25

Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Luka 19:17

Cau tòm đơs lah: ‘Ơ cau dĭ lơbơn niam ne, niam ngan, bơh mê neh dòn song tòm broă dềt rhền, gen mê gơs gơnoar at bồ hơđang jơt nơm ƀòn dờng.’

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 5:41

Añ ò jòi bơta gơklŏ bơh di cau ò;

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Jang 7:18

Cau lơi đơs is jat nùs he, gen jòi jat bơta gơklŏ is he in, mơya cau lơi jòi jat bơta gơklŏ Bơtau neh sồr he lòt tus, gen la Cau song ngan, mơ tòm khai ò gơs bơta ma blac.

Jang 8:54

Yàng Jesu ho lah: “Dilah Añ lơh gơklŏ is Añ in, gen bơta gơklŏ Añ jê la ò gơlik lơ̆; să tòm Bèp lơh gơklŏ Añ in, Kơnràñ la Bơtau bol mê sơnđan la Yàng Tom Trồ bol mê dê.

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 10:18

Bơh ò di la cau yò tơngguh is să he geh dòp, mơya la cau Yàng yò tơngguh gơ dê geh dòp.

I Tesalônika 2:6

Bulah bol hi la cau gơnoar bơto dờng Bơtau Krist dê, gơs gơnoar dan oh mi sền bol hi la dờng màng, mơya kung ò dan bơta gơklŏ bơh di kòn mơnus, hala bơh di oh mi, hala bơh di cau ndai.

I Pier 3:4

mơya ai tĕ hwềng nùs niam lơnhơn mơ ring lơngai nàng sơmpô đah dơlam nùs, hơ̆ la bơta sơmpô ò ồm lề mơ màng ngan di đap Yàng Tom Trồ.

I Samuel 15:30

Gen Sol đơs lah: “Añ neh tìs glài, mơya tŭ do dan sền dờng màng añ di đap ală cau kwang kra làng bol añ jê mơ di đap Israel, mơ rê wơl tĕ mơ añ nàng añ duh khoai Jehôwa Yàng Tom Trồ ồng dê.”

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.