Jang 12:42 - Sră Goh 2018

⁴² Bulah behơ̆, tòm ală cau kwang gơs oă cau dòn Kơnràñ; mơya tài bơh ală cau Pharisi gen tàng bol khai ò khin yal tơlik Kơnràñ, rngòt kòl bơtrơh tơlik bơh hìu jum,

Jang 12:42 Mawu Ofanana

Jơnau Pơnđik 29:25

Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jeremi 38:19

Bơtau Jedekia đơs mơ Jeremi lah: “Añ rngòt cau Juda neh kong alah mơ cau Kalde, rơp phi añ tòm tê bol khai, mơ añ pal kong bol khai dơñŏ tơnhial sơl.”

Mathiơ 10:32

Cau lơi yal tơlik Añ di đap cau, gen Añ kung rơp yal tơlik khai di đap Bèp Añ ơm hơđang trồ.

Luka 12:8

Añ kung đơs mơ bol mê, dilah cau lơi yal tơlik Añ di đap cau, gen Kòn mơnus kung rơp yal tơlik khai di đap cau gơnrơh Yàng Tom Trồ dê sơl;

Luka 23:13

Pilat hòi tơrgòm ală cau gơnoar lam bồ ơn phan duh khoai, ală kwang bàng mơ làng bol pơjum wơl,

Luka 6:22

Lơngai bol mê in tòm tŭ bơh Kòn Mơnus mơ cau gơjrañ kơuềng di bol mê, ò dòp rò bol mê, bơtat bơtròh di bol mê, sang sơnđan bol mê be phan ƀơ̆!

Jang 11:45

Oă cau Juda neh tus hơ Mari mơ gŏ bơta Yàng Jesu neh lơh, gen dòn Kơnràñ.

Jang 12:11

tài bơh Lasarơ mơ gơs oă cau Juda neh sang bol khai mơ dòn Yàng Jesu.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 19:38

Tơnơ̆ mơ hơ̆ Jôsep cau Arimathe, la cau bơtê Yàng Jesu dê dô bă ndơp ndơr, bơh rngòt di cau kwang Juda, khai dan mơ Pilat nàng ai ƀồc Yàng Jesu; gen Pilat ai gơnoar. Behơ̆ khai lòt tus nàng ai ƀồc Kơnràñ.

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 7:13

Mơya ò gơs cau lơi khin đơs loh làng bơh Kơnràñ tài bơh rngòt di cau Juda.

Jang 7:31

Mơya tòm làng bol gơs oă cau dòn Kơnràñ, mơ đơs lah: “Tŭ Bơtau Krist tus, rơp lơh oă tềl krơi rlau mơ cau do neh lơh sơl ơ?”

Jang 9:22

Mè bèp cau jơngo đơs behơ̆ tài bơh rngòt di cau Juda: bơh cau Juda neh ho lah cau lơi yal tơlik Yàng Jesu la Bơtau Krist, gen pal kong bơtrơh tơlik bơh di hìu jơnum.

Jang 9:34

Bol khai ho lah: “Jơh să jan mê deh tòm tồi glài, mơ kòñ bơto bol hi ơ?” Gen bol khai bơtrơh tơlik khai di tiah.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Rôma 10:10

Bơh cau lơi ai nùs dòn gen geh bơta song ring, cau lơi ai bơr yal tơlik gen geh bơta dong klàs.

I Jang 4:15

Dilah cau lơi yal tơlik Yàng Jesu la Kòn Yàng Tom Trồ dê, gen Yàng Tom Trồ ơm sùm tòm khai, mơ khai ơm sùm tòm Yàng Tom Trồ.

I Jang 4:2

Bơh bơta do oh mi rgơi đal git Hwềng Goh Yàng Tom Trồ dê: Hwềng lơi yal tơlik Yàng Jesu Krist ai poac mhàm mơ lik lìng hwềng hơ̆ la bơh Yàng Tom Trồ;