Jang 12:25 - Sră Goh 2018

²⁵ Cau lơi kòñ gơboh bơta kis he gen rơp roh; ai cau lơi gơjrañ kơuềng bơta kis he tòm rài do, gen rơp geh prap wơl bơta kis gam sùm sùm in.

Jang 12:25 Mawu Ofanana

Cau Bơto 2:17

Behơ̆, añ gơjrañ rài kis, tài bơh ală broă lơh gơs hơđơm mattơngai la jê sồt bòl glar añ in, bơh jơh ală la roh lơm, jat dô ròs càl khồm.

Mathiơ 10:39

Cau lơi jòi bàn bơta kis he, gen rơp roh; ai cau lơi tài bơh Añ mơ roh bơta kis he, gen rơp jòi bàn wơl.”

Mathiơ 16:25

Bơh cau lơi kòñ dong klàs bơta kis he gen gơ rơp roh, ai cau lơi tài bơh Añ mơ roh bơta kis he gen rơp bàn wơl.

Mathiơ 19:29

Dilah cau lơi bơh sơnđan Añ mơ sang hìu đam, oh mi, ruh lŏ, mè bèp, oh kòn, hala sre brê, gen cau hơ̆ rơp dòp leng dô rhiang dơ̆ rlau mơ hơ̆, mơ pơrdòn bơta kis gam sùm sùm.

Jơnau Niam Jat Mak 8:35

Bơh dilah cau lơi kòñ dong klàs bơta kis he gen gơ rơp roh, ai cau lơi tài bơh Añ mơ Jơnau Niam mơ roh bơta kis he gen rơp geh dong klàs.

Luka 14:26

“Dilah cau lơi lòt tus hơ Añ mơ ò kòñ gơboh di Añ rlau mơ mè bèp, kòn bau, oh mi, ruh lŏ he dê, mơ bơta kis să tòm he dê sơl, gen ò rgơi lơh gơs cau bơtê Añ jê.

Luka 17:33

Cau lơi jòi bơta nàng gàr bơta kis he gen rơp roh, ai cau lơi roh bơta kis he gen rơp geh wơl.

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

Hebrơ 11:35

Gơs ală cau ùr neh dòp cau chơt bol khai dê kis wơl, gơs ală cau ndai kong cau lơh bòl glar jê sồt mơ ò bài cau hồ toh, bơh bol khai kòñ geh bơta kis wơl niam rlau.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.