Jang 10:32 - Sră Goh 2018

³² Yàng Jesu đơs mơ bol khai lah: “Añ neh ràng tơlik bol mê in oă broă niam bơh di Bèp; behơ̆, bơh broă lơi ală bol mê cơm lŭ di Añ taih?”

Jang 10:32 Mawu Ofanana

Đơs Crih 35:12

Bol khai ai bơta iơh sal di bơta niam añ jê, Hwềng soàn añ jê gơkòl sang lòi.

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Jeremi 37:18

Tơnơ̆ mơ hơ̆, Jeremi đơs mơ bơtau Jedekia lah: “Añ neh tìs glài lơi tòmdră mơ bơtau, ală cau duh broă bơtau, mơ làng bol do, mơ jàm añ tòm hìu jàm taih?

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Jang 10:25

Yàng Jesu ho lah: “Añ neh yal bol mê in, mơya bol mê ò dòn; ală broă Añ neh lơh tòm sơnđan Bèp Añ lơh cơng Añ in lơm.

Jang 10:31

Ală cau Juda dòñ tai lŭ nàng cơm di Kơnràñ.

Jang 10:33

Ală cau Juda ho lah: “Bol hi ò cơm lŭ di ồng tài bơh broă niam, mơya bơh jơnau đơs tràl sơrbil; ồng la kòn mơnus mơ bơtào is să he la Yàng Tom Trồ.”

Jang 10:37

Dilah Añ ò lơh ală broă Bèp Añ jê, gen bol mê bañ dòn Añ;

Jang 5:36

Mơya Añ gơs bơta lơh cơng dờng rlau mơ bơta lơh cơng Jang dê, bơh ală broă Bèp neh jào Añ in lơh wil tơl, ală broă Añ lơh hơ̆ lơh cơng bơh Añ lah Bèp neh sồr Añ lòt tus.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 2:22

Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.