Jang 10:27 - Sră Goh 2018

²⁷ Belàt Añ kơno jơnau Añ, Añ git bol gơ mơ bol gơ jat Añ.

Jang 10:27 Mawu Ofanana

I Ală Bơtau 18:21

Gen Eli tus rềp làng bol mơ đơs lah: “Bol mê lòt bàr đah jơl tus di tŭ lơi taih? Dilah Yàng Jehôwa la Yàng Tom Trồ, gen jat tĕ Kơnràñ; dilah Baal gen jat tĕ gơ.” Mơya làng bol ò ho dô jơnau lơi.

Esai 66:22

Yàng Jehôwa đơs lah: “Kung be ală tap trồ pa mơ plai ù pa, mơ Añ rơp lơh gơs kư̆ gam sùm di đap Añ, gen sơnđan mơ jơi bơtiàn bol mê dê kung rơp kư̆ gam sùm behơ̆ sơl.”

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 25:12

Mơya cau tòmho lah: ‘Di ngan añ đơs mơ bol ai, añ ò git bol ai ò.’

Mathiơ 7:23

Tŭ hơ̆ Añ rơp yal loh bol khai in git lah: ‘Ơ ală cau lơh bơta tồi glài iơh bơsak, Añ ò tŭ lơi git bol mê ò, lik lòt tĕ bơh di Añ.’”

Jơnau Niam Jat Mak 10:21

Yàng Jesu sền di khai mơ kòñ gơboh, gen đơs lah: “Mê gam siơ̆u dô bơta lơm. Lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Jơnau Niam Jat Mak 8:34

Chòp Kơnràñ hòi mpồl làng bol bal mơ cau bơtê tus mơ đơs lah: “Dilah cau lơi jat Añ, gen pơndang sang tĕ să he, tui chi pơng he mơ jat Añ.

Luka 13:27

Kơnràñ rơp ho tai lah: ‘Ơ jơh ală bol mê la cau lơh bơta iơh bơsak, Añ đơs mơ bol mê, Añ ò git bol mê bơh ntềng đah tus; lik lòt tĕ bơh di añ!’

Luka 9:23

Chòp Kơnràñ đơs mơ tơl nă cau lah: “Dilah cau lơi kòñ jat Añ, gen pơndang sang tĕ să he, kòp ngai tui chi pơng he dê mơ jat Añ.

Jang 10:14

Añ la cau ê lơbơn niam. Añ git belàt Añ jê mơ belàt Añ git Añ,

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Jang 10:8

Jơh ală cau neh lòt tus lài mơ Añ hơ̆ la ală cau ntung, cau kơñau, mơya belàt ò iat bol khai.

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 21:22

Yàng Jesu đơs lah: “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă di mê taih? Ai mê, jat tĕ Añ.”

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Jang 8:43

Ñchi bơh tài bol mê ò rgơi git wă bơta Añ đơs taih? Tài bơh bol mê ò rgơi dòp jơnau Añ jê.

Broă 3:23

Dilah cau lơi ò iat jơnau Cau gơnoar hwơr hơ̆ gen rơp kòl tă tơlik mơ kong tơnroh bơh di làng bol Yàng Tom Trồ dê.’

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Hebrơ 3:7

Gen tàng, be Yàng Hwềng Goh đơs lah: “Ngai do dilah bol mê kơno jơnau đơs Kơnràñ dê,

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.