Jang 10:16 - Sră Goh 2018

¹⁶ Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Jang 10:16 Mawu Ofanana

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Cau Bơto 12:11

Jơnau đơs cau jak chài dê be dô nơm mơng pù tơmàl; be dô nơm đìn pơng kơ̆ ngan ală jơnau rơndap ală sèng pơnđik dê, neh geh ai gơ bơh dô nă cau ê belàt.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 56:8

Yàng Jehôwa la Yàng Tom Trồ Bơtau pơjum tơrgòm wơl ală cau nrah nring tòm Israel, đơs lah: “Di gah bol khai la ală cau Añ neh pơjum tơrgòm, Añ rơp pơjum tơrgòm ală cau ndai tai tus bal mơ bol khai.”

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Ejekiel 34:23

Añ rơp bơtào hơđang bol gơ dô nă cau ê, hơ̆ la Dabit cau duh broă añ jê, khai rơp ròng siam bol gơ; mơ lơh gơs cau ê gàr bol gơ.

Ejekiel 34:6

Belàt Añ jê lòt nrah nring, bol gơ lòt lềng làng hơđang jơh ală mơnơm mơ tòm kòp nơm dòr jơnhoa, belàt Añ jê gơprah gơpring hơđang làm jơh plai ù, ò gơs dô nă cau lơi jòi, ò gơs cau jat bol gơ.’

Ejekiel 37:22

Añ rơp lơh bol khai in gơlik gơs mìng dô làng bol tòm lơgar, hơđang ală mơnơm Israel dê; dô nă bơtau rơp la bơtau hơđang jơh tơl nă bol khai. Bol khai rơp ò tŭ lơi gơs bàr nơm làng bol tai hala gơkòl cah is tòm bàr nơm lơgar.

Ejekiel 37:24

Cau duh broă Añ jê la Dabit rơp lơh gơs bơtau at bồ hơđang bol khai mơ jơh tơl nă bol khai rơp gơs mìng dô nă cau ê lơm. Bol khai rơp cơnđòa lòt jat ală bơta boh lam Añ jê mơ kơrhia prap gàr ală bơta sồr lam Añ jê.

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Luka 15:8

Hala gơs cau ùr lơi gơs jơt pet priă, dilah khai roh dô pet, mơ ò chu ồs đèng, pơs hìu, jòi nền cê jơl tus di tŭ bàn ò ơ?

Jang 10:11

Añ la cau ê niam. Cau ê niam bơh mpồl belàt mơ phi bơta kis he.

Jang 10:2

Mơya cau lơi mut bơh mpồng, hơ̆ la cau ê belàt.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 10:3

Cau kơp mpồng pò khai in, belàt kơno jơnau đơs cau ê dê; cau ê hòi sơnđan belàt khai dê mơ lam gơlik hơ tiah.

Jang 10:4

Tŭ neh tơlik jơh ală belàt khai dê, cau ê lòt lài; belàt jat bơh tơnơ̆, bơh belàt mòng di jơnau đơs khai dê.

Jang 10:5

Belàt ò jat cau crih mat, mơya gơ dô bơh di khai, tài bơh belàt ò mòng di jơnau đơs cau crih mat dê.”

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Jang 17:20

Hơ̆ ò di mìng bơh bol khai mơ Añ hòi dan lơm ò, mơya kung bơh ală cau rơp kơnòm di jơnau bol khai mơ dòn Añ sơl,

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Broă 15:14

Simôn neh yal wơl mbe lơi dơ̆ sơnròp Yàng Tom Trồ neh wèt sền làng bol bơdìh, nàng bơh bol khai gơlik gơs dô làng bol gơrê bal mơ Kơnràñ.

Broă 18:10

bơh Añ ơm bal mơ mê, ò gơs cau lơi sò tơm nàng lơh iơh di mê ò, bơh Añ gơs oă cau tòm ƀòn dờng do.”

Broă 22:14

Khai đơs mơ añ lah: ‘Yàng Tom Trồ ồng pàng bol he dê neh sac rwah bi in git nùs kòñ Kơnràñ dê, gŏ dĭ gơna Song Ring Kơnràñ dê, mơ kơno jơnau đơs bơh di bơr Kơnràñ.

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

II Tesalônika 2:13

Ơ oh mi kòñ gơboh Yàng dê, bol hi pal bơh oh mi mơ ưnngài Yàng Tom Trồ sùm sùm tài bơh Yàng Tom Trồ neh sac rwah oh mi, bơh sơnròp nàng oh mi geh dong klàs tòm bơta gơlik gơs sàng goh bơh Yàng Hwềng mơ bơh bơta dòn jơnau song.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

I Pier 2:10

Bơh yau òr oh mi ò di la dô nơm làng bol, mơya tŭ do la làng bol Yàng Tom Trồ dê, lài ò geh kòñ nđàc, mơya tŭ do neh geh kòñ nđàc rau.

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.