Jang 10:14 - Sră Goh 2018

¹⁴ Añ la cau ê lơbơn niam. Añ git belàt Añ jê mơ belàt Añ git Añ,

Jang 10:14 Mawu Ofanana

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Nahum 1:7

Yàng Jehôwa la niam, la theng kơ̆ cê tòm ngai bòl glar. Kơnràñ sền gàr ală cau in kìng crŭ di Kơnràñ.

Jang 10:11

Añ la cau ê niam. Cau ê niam bơh mpồl belàt mơ phi bơta kis he.

Jang 10:13

Tài bơh khai la cau ê ơpah, gen tàng ò kơlôi bơh belàt dô êt lơi.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.

Yal Tơlik 2:19

‘Añ git ală broă mê dê, bơta kòñ gơboh, bơta dòn, bơta duh broă, bơta kong ơt, mơ ală broă mê lơh tơnơ̆ la lin rlau mơ ală broă sơnròp sơl.

Yal Tơlik 2:2

‘Añ git ală broă mê dê, bơta duh broă bòl glar mê dê, mơ bơta kong ơt mê dê; Añ git mê ò bài kong ală cau iơh bơsak, mơ mê neh lòng ală cau sơnđan is să he la cau gơnoar bơto dờng mơya ò di la cau gơnoar bơto dờng; mê neh gŏ bol khai la ală cau ma blac.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

Yal Tơlik 3:1

“Cih tĕ cau gơnrơh Hìu Jum Goh Sardis in lah: Do la ală jơnau đơs Bơtau gơs poh Hwềng Yàng Tom Trồ dê mơ poh nơm sơmañ: ‘Añ git ală broă mê dê, mê gơs sơnđan la kis mơya la chơt.

Yal Tơlik 3:15

‘Añ git ală broă mê dê, mê ò ngềt mơ kung ò duh sơl. Añ kơp kòñ mê ngềt hala duh!

Yal Tơlik 3:8

‘Añ git ală broă mê dê. Do Añ neh pò di đap mê dô nơm mpồng ò gơs cau lơi rgơi til; Añ git mê gơs mìng dô êt pràn, bulah behơ̆ mê neh prap gàr jơnau Añ jê mơ mê ò pơndang sang sơnđan añ.