Jang 10:11 - Sră Goh 2018

¹¹ Añ la cau ê niam. Cau ê niam bơh mpồl belàt mơ phi bơta kis he.

Jang 10:11 Mawu Ofanana

II Samuel 24:17

Tòm tŭ Dabit gŏ cau gơnrơh tơnroh làng bol, gen đơs mơ Yàng Jehôwa lah: “Mìng dô nă añ la cau neh tìs glài, mơ mìng dô nă añ la cau neh lơh bơta iơh bơsak; mơya jơh ală belàt do, ñchi bol khai neh lơh? Añ hòi dan tê Yàng dê, tòmdră mơ añ mơ hìu bèp añ jê.”

Đơs Crih 23:1

Yàng Jehôwa la Bơtau ê gàr añ be cau ê belàt; añ rơp ò siơ̆u phan lơi ò.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Ejekiel 34:2

“Ơ kòn mơnus, đơs hwơr tĕ tòmdră mơ ală cau ê belàt Israel dê; đơs hwơr, mơ đơs tĕ mơ bol khai la ală cau ê belàt lah: ‘Jehôwa Yàng Tom Trồ đơs be do: Ơ bol mê la ală cau ê Israel dê, bol mê la cau mìng ròng siam să tòm! Ò di ală cau ê pal ròng siam mpồl belàt ò ơ?

Ejekiel 34:23

Añ rơp bơtào hơđang bol gơ dô nă cau ê, hơ̆ la Dabit cau duh broă añ jê, khai rơp ròng siam bol gơ; mơ lơh gơs cau ê gàr bol gơ.

Ejekiel 37:24

Cau duh broă Añ jê la Dabit rơp lơh gơs bơtau at bồ hơđang bol khai mơ jơh tơl nă bol khai rơp gơs mìng dô nă cau ê lơm. Bol khai rơp cơnđòa lòt jat ală bơta boh lam Añ jê mơ kơrhia prap gàr ală bơta sồr lam Añ jê.

Mice 5:4

Kơnràñ rơp ntào mơ ê gàr mpồl Kơnràñ dê kơnòm di pràn Yàng Jehôwa dê, bal mơ bơta ryŭ ryơm tòm sơnđan Jehôwa Yàng Tom Trồ Kơnràñ dê. Mơ bol khai rơp ơm lơngap lơngai, bơh tŭ hơ̆ Kơnràñ rơp la dờng làm jơh tus di ală tiah lồi plai ù dê.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Jang 10:2

Mơya cau lơi mut bơh mpồng, hơ̆ la cau ê belàt.

Jang 15:13

Ò gơs bơta kòñ gơboh lơi dờng rlau mơ bơta kòñ gơboh bơh bơyô he mơ phi bơta kis he.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

I Jang 3:16

Bơh bơta do bol he đal git bơta kòñ gơboh hơ̆ la Bơtau Krist neh phi bơta kis Kơnràñ dê bơh bol he; bol he kung pal phi bơta kis bơh oh mi he behơ̆ sơl.

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”