Jang 1:45 - Sră Goh 2018

⁴⁵ Philip bàn Nathanael gen đơs lah: “Bol hi neh tìp Bơtau mơ Môise neh cih tòm bơta boh lam, mơ ală cau gơnoar hwơr kung neh cih sơl, hơ̆ la Jesu, kòn Jôsep dê, cau Nasaret.”

Jang 1:45 Mawu Ofanana

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 53:2

Bơh Khai neh brồ dờng di đap Yàng Jehôwa kung be dô nơm sơmbut, mơ kung be dô nơm ryas gơcat bơh di ù rañ rsơh. Kơnràñ ò gơs rùp să hàng mơnĕ hala ryŭ ryơm tồ bol he sền di Kơnràñ, ò gơs bơta lơi tòm rùp să Kơnràñ lơh bol he in gơboh gơbài di Kơnràñ.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Sacari 6:12

Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 10:3

Philip mơ Bathelemi; Thôma mơ Mathiơ la cau dar dia; Jakơ kòn Alphe mơ Thade;

Mathiơ 13:55

Cau do ò di la kòn cau chài lơh chi ò ơ? Mè khai ò di sơnđan la Mari, mơ ală oh khai ò di la Jakơ, Jôsep, Simôn mơ Jude ò ơ?

Mathiơ 2:23

tus ơm tòm dô nơm ƀòn dờng sơnđan la Nasaret, nàng gơlik di ngan be jơnau ală cau gơnoar hwơr neh đơs lah: “Cau rơp sơnđan Kơnràñ la Cau Nasaret.”

Mathiơ 21:11

Mpồl hơ̆ ho lah: “Hơ̆ la cau gơnoar hwơr Jesu Cau Nasaret tòm Galile.”

Jơnau Niam Jat Mak 14:67

gŏ Pier ơm ñjơr ồs, gen sền di mat khai mơ đơs lah: “Mê kung ơm bal mơ Jesu Cau Nasaret!”

Jơnau Niam Jat Mak 6:3

Cau do ò di la cau chài lơh chi, kòn klau Mari dê, oh mi mơ Jakơ, Jôsep, Jude mơ Simôn dê ò ơ? Ò di ală oh ùr khai dê ơm digùl bol he ò ơ?” Gen bol khai ò dòp Kơnràñ.

Luka 18:37

Bol khai yal khai in git lah Yàng Jesu Cau Nasaret lòt gan.

Luka 2:4

Bơh Jôsep la bal mơ hìu nhă jơi bơtiàn Dabit dê, gen kung bơh Nasaret tòm Galile guh hơ Jude, tus hơ ƀòn dờng Dabit, sơnđan la Betlehem,

Luka 2:48

Dơ̆ mè bèp gŏ Kơnràñ gen ai lơh crih crài ngan, mơ mè Kơnràñ lùp lah: “Ơ kòn, ñchi bơh tài mê lơh bàr nă bol hi in be do taih? Do, bèp kòn mơ mè neh kơlôi moat ngan mơ jòi kòn.”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Luka 24:44

Mơ Kơnràñ đơs mơ bol khai lah: “Do la jơnau Añ neh đơs mơ bol mê tòm tŭ Añ gam ơm bal mơ bol mê, mbe lơi ală bơta neh cih bơh Añ tòm sră boh lam Môise dê, tòm sră ală cau gơnoar hwơr mơ tòm Sră Đơs crih pal gơlik gơs di ngan.”

Luka 3:23

Tŭ Yàng Jesu sơntòm gơnoar broă, gen neh gơs pơgap pe jơt sơnam. Kơnràñ la kòn Jôsep (jat be cau kơlôi) Jôsep kòn Heli,

Luka 4:22

Cau lơi kung lơh cơng niam bơh Kơnràñ, ai lơh krơi bơh ală jơnau bềng bơta nđàc lik bơh di bơr Kơnràñ, mơ đơs lah: “Hơ̆ ò di la kòn Jôsep ơ?”

Jang 1:44

Philip la cau Betsaida, dô ƀòn bal mơ Andre mơ Pier.

Jang 12:21

Ală cau hơ̆ tus hơ Philip, la cau ơm tòm ƀòn Betsaida gơrê bal mơ kơnhwàl Galile mơ đơs lah: “Ơ ồng, bol hi kòñ tìp mat mơ Yàng Jesu.”

Jang 14:8

Philip đơs lah: “Ơ Yàng, dan sơnio Bèp bol hi in, gen tơl rau.”

Jang 18:5

Bol khai ho lah: “Jesu Cau Nasaret.” Yàng Jesu đơs lah: “Să tòm Añ do!” Juda la cau pơrlơ̆ dră di Kơnràñ kung ntào bal mơ bol khai sơl.

Jang 18:7

Kơnràñ lùp dô dơ̆ tai lah: “Ñcau bol mê jòi taih?” Bol khai đơs lah: “Jesu Cau Nasaret.”

Jang 19:19

Pilat kung sồr cih dô nơm mpàn mơ yồng hơđang chi pơng lah: “JESU CAU NASARET, BƠTAU LÀNG BOL JUDA.”

Jang 21:2

Simôn Pier, Thôma sơnđan la Didim, Nathanael cau Kana kơnhwàl Galile, ală kòn klau Sebede mơ bàr nă cau bơtê ndai ơm bal.

Jang 6:42

lah: “Hơ̆ ò di la Jesu kòn Jôsep dê, bol he git mè bèp khai ò ơ? Behơ̆ mbe khai đơs lah: ‘Añ bơh đang trồ mù, taih’?”

Jang 6:5

Yàng Jesu pò mat tơnggòr, gŏ dô mpồl làng bol oă tus hơ Kơnràñ, gen đơs mơ Philip lah: “Ntềng đah bol he rwat piang lă tồ bol do in sa taih?”

Jang 6:7

Philip ho lah: “Bàr rhiang dơnie rwat piang lă pà kòp nă in dô êt kung ò tơl sơl.”

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 2:22

Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

Broă 22:8

Añ ho lah: ‘Ơ Yàng, Kơnràñ la ñcau?’ Yàng ho lah: ‘Añ la Jesu Cau Nasaret mơ mê kup kơryan.’

Broă 26:9

Ngan, să tòm añ neh kơlôi lah pal ngui oă bơta nàng tòmdră di sơnđan Jesu Cau Nasaret.

Broă 3:6

Mơya Pier đơs mơ khai lah: “Añ ò gơs dô êt lơi màh priă, mơya bơta añ gơs añ ai mê in: Ai sơnđan Yàng Jesu Krist Cau Nasaret, ntào lòt tĕ!”