Jakơ 5:1 - Sră Goh 2018

¹ Tŭ do, ơ oh mi la ală cau pas sơm! Ñìm rac tĕ, hòi driau tài bơh ală bơta rung rài rơp tuh hơđang bol mê.

Jakơ 5:1 Mawu Ofanana

Jơnau Pơnđik 11:28

Cau lơi dòn kơnòm bơta pas sơm bol khai dê rơp gơkòl ro rañ; Ai cau song ring rơp be nha chi tơlir niam.

Jeremi 9:23

Yàng Jehôwa đơs be do: “Cau jak bañ jòng să bơh bơta jak chài bol khai dê; Cau pràn bañ jòng să bơh bơta pràn bol khai dê; Cau pas bañ jòng să bơh bơta pas bol khai dê.

Jơnau Pơnđik 11:4

Tòm ngai gơjrañ dờng, phan mơna ò kwơ dô êt lơi, Mìng bơta song ring dong klàs bơh bơta chơt.

Jakơ 1:11

Mattơngai lik, duh trơàl, gơlơh ñhơt ro, bơkào jrùh, bơta hàng mơnĕ gơ dê roh rui jơh. Cau pas gơs kung rơp ro jrùh tòm tŭ khai gam lơh lòt tòm rài kis khai dê behơ̆ sơl.

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Jakơ 4:13

Tŭ do, ơ oh mi la cau đơs lah: “Ngai do hala ngai hìng bol hi rơp lòt tus hơ ƀòn dờng ne, ơm tềng hơ̆ dô nam, kă bro mơ jòi cồng nha.”

Jakơ 2:6

Mơya oh mi lơh cau rƀah in ƀàssìl. Hơ̆ ò di la cau pas gơs rồn bơklơn oh mi, mơ hwài oh mi lòt tus di tiah cahrña ò ơ?

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.

Jôel 1:11

Ơ cau lơh mìr lơh sre, gơdô nùs tĕ; Ơ cau tam ño, ñìm pơt wòl tĕ, moat jrùng tĕ bơh kòi mơ kòi pràng, tài bơh kơnhai toès tòm ƀlàng neh gơkòl tơnroh.

Jôel 1:5

Ơ cau bơñul ñô, kah rngal tĕ mơ ñìm rac! Ơ jơh ală bol mê la cau jak ñô tơrnòm, ñìm rac tĕ bơh tơrnòm pa, bơh neh kong tă bơh di bơr bol mê dê.

Ejekiel 19:2

“Mè bol mê la dô nơm klìu triă me ơm digùl ală klìu triă dam! Gơ bic digùl ală klìu triă brồ dam mơ ròng siam ală kòn gơ dê.

Jeremi 4:8

Tài bơh bơta do, ală bol mê soh tĕ ƀào sơnò kiat, Ñìm rac mơ pơt wòl lah: Bơta gơhào gơjrañ dờng Yàng Jehôwa dê òhềt pleh ngài bơh di bol hi.”

Jakơ 4:9

Moat jrùng tĕ, rac ròc mơ ñìm rac tĕ; gơl tĕ bơta ñŏ gơlik bơta ñìm, gơl tĕ bơta hòn chò gơlik bơta moat jrùng.

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Đơs Crih 17:14

Ơ Yàng Jehôwa, dan ngui tê Kơnràñ dong tă añ klàs bơh di kòn mơnus, klàs bơh di kòn mơnus la cau gơs pơnah mìng tòm bơta kis tòm dunnia do; dan kơndul bol khai geh bềng ală phan Kơnràñ neh prap lòi bol khai in; dan kòn sau bol khai in kung dòp geh tơngkah tơngkañ, mơ lòi wơl ală pơnah gam tơngkah rài tơnơ̆ in.

Esai 15:3

Bol khai soh ào dur lòt tòm ală gùng, hơđang rkàng hìu mơ tòm ală hìu dờng, jơh tơl nă ñìm rac, lề lac tòm dà mat.

Ejekiel 30:2

“Ơ kòn mơnus, đơs hwơr tĕ lah: Jehôwa Yàng Tom Trồ đơs be do: ‘Ñìm rac tĕ! “Bòl glar ngan ngai hơ̆ in!”