Jakơ 4:1 - Sră Goh 2018

¹ Mbơh tus ală bơta kơlìn mơ bơta tòmlơh tòm oh mi taih? Hơ̆ ò di la bơh nùs hàm kòñ is òs tòmlơh tòm ală pơnah să jan oh mi dê ò ơ?

Jakơ 4:1 Mawu Ofanana

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Rôma 7:23

mơya añ git ngan tòm să jan añ gơs dô bơta boh lam ndai tòmlơh mơ bơta boh lam tòm nùs kơlôi añ, kup añ jàm lơh gơs dĭ gơna bơta boh lam tồi glài dê, hơ̆ la bơta boh lam tòm să jan añ jê.

Rôma 7:5

Tòm tŭ bol he gam jat poac să, gen ală bơta hàm kòñ iơh tồi glài dê bơh bơta boh lam tơnggit, lơh broă tòm să jan bol he, mơ gơlik plai bơta chơt in.

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

Galati 5:17

Bơh poac să hàm kòñ tòmdră mơ Yàng Hwềng, mơ Yàng Hwềng tòmdră mơ poac să, bàr đah gơtòmdră sùm behơ̆, gen tàng oh mi ò rgơi lơh bơta he kòñ lơh.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

II Timôthe 2:23

Tòmdră tĕ mơ ală jơnau tòm pơndang bơrngơl gơla ò kwơ bơh git lah ală bơta hơ̆ mìng gơlik gơs bơta tòmpìt tòmhà lơm.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Sră Pơyoa Pol Dê Pơyoa Tit In 3:9

Mơya pal pleh di ală bơta tòm pơndang tùl gơla, ală jơnau jòi yau jat jơi, ală bơta pơndang mơ tòm pơndang bal bơh bơta boh lam, bơh ală bơta hơ̆ la ò kwơ mơ roh lơm.

Jakơ 1:14

Mơya kòp nă cau kòl tòm bơta ơniai tòm tŭ gơs bơta hàm kòñ is chồl bơtrut he.

Jakơ 4:3

Oh mi hòi dan mơ ò dòp geh tài bơh dan tìs jơnau, nàng ngui jat nùs hàm kòñ is he dê.

I Pier 1:14

Oh mi be kòn sau jak dòn bơr, gen bañ đòm jat ală bơta hàm kòñ is lài òr, la tŭ oh mi gam bơrngơl gơla.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

II Pier 3:3

Sơnròp ngan, pal git lah tòm ală ngai lồi dut rơp tus ală cau jak dơñŏ tơnhial ai jơnau dơñŏ tơnhial, jat nùs hàm kòñ is bol khai dê,