Jakơ 1:12 - Sră Goh 2018

¹² Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Jakơ 1:12 Mawu Ofanana

Sơnròp Gơlik Gơs 22:1

Tòm tŭ ală broă hơ̆ neh sir rau, gen Yàng Tom Trồ lòng Abraham. Kơnràñ đơs lah: “Ơ Abraham!” Khai ho lah: “Do añ.”

Nehemi 1:5

Añ hòi dan be do: “Ơ Jehôwa Yàng Tom Trồ hơđang trồ dê, Yàng Tom Trồ dờng mơ pal duh rngòt, Bơtau prap gàr bơta ho bal mơ gơs nùs kòñ gơboh kơ̆ dơn gơwèt mơ ală cau kòñ gơboh di Kơnràñ mơ prap gàr bơta sồr lam Kơnràñ dê,

Sră Jop 2:10

Mơya khai ho wơl bau ùr khai lah: “Ai đơs kung be dô nă cau ùr bơrngơl gơla. Bol he dòp bơta niam bơh tê Yàng Tom Trồ, mơ ò bài dòp bơta iơh ơ?” Tòm jơh ală bơta hơ̆, Jop ò tìs glài bơh jơnau đơs khai dê.

Sră Jop 5:17

Lơngai cau lơi in geh Yàng Tom Trồ lah pơrhơng. Gen tàng bañ sền òsơp bơta lơh glài tơmàl Bơtau Gơnoar Dờng Làm Jơh dê,

Đơs Crih 11:5

Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

Đơs Crih 119:67

Lài mơ tŭ añ pơndêt să, añ neh lòt tìs nrah; mơya tŭ do añ prap gàr jơnau Kơnràñ dê.

Đơs Crih 119:71

Hơ̆ la niam añ in bơh añ neh pìn pơndêt să, tồ añ in rgơi bơtê jơnau sồr Yàng dê.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Đơs Crih 5:11

Mơya lòi jơh ală cau lơi in kìng crŭ să he tòm Kơnràñ gen geh hòn chò, Lòi bol khai đơs chò hòn chò sùm; Dan Yàng sền gàr bol khai, Nàng cau lơi kòñ gơboh di sơnđan Kơnràñ dê, rơp hòn chò tòm Kơnràñ.

Đơs Crih 94:12

Ơ Yàng Jehôwa, lơngai cau lơi in geh Kơnràñ lơh glài tơmàl, Mơ geh Kơnràñ bơto bơta boh lam Kơnràñ dê.

Lik Ejiptơ 20:6

mơya rơp yal tơlik bơta kòñ gơboh jơl tus rbô rài gơwèt hơ ală cau kòñ gơboh di Añ mơ prap gàr ală bơta sồr lam Añ jê.

Jơnau Pơnđik 17:3

Glah lòs ngui nàng tŏ tiar priă, bơnhă lòs ngui nàng tŏ tiar màh; Mơya Yàng Jehôwa lòng nùs kòn mơnus dê.

Esai 64:4

Bơh di ală rài yau òr, ò gơs cau lơi neh kơno, kung ò gơs tồr lơi neh iat, ò gơs gar mat lơi neh gŏ gơs Yàng Tom Trồ lơi ndai rlau mơ Kơnràñ, neh lơh gơs broă ală cau in kơp gơn di Kơnràñ.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Luka 6:22

Lơngai bol mê in tòm tŭ bơh Kòn Mơnus mơ cau gơjrañ kơuềng di bol mê, ò dòp rò bol mê, bơtat bơtròh di bol mê, sang sơnđan bol mê be phan ƀơ̆!

Rôma 5:4

bơta kơ̆ nùs tơnggơs nùs nhơm niam, nùs nhơm niam tơnggơs bơta gơn kơnòm.

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

I Kôrintô 9:25

Jơh ală cau pơrlòng pràn tòm bơta pơrlòng, bơtê git kơrmap bơta boh lam kràñ cê tòm jơh ală bơta. Bol khai lơh behơ̆ mìng dòp sơgơn ồm lề, mơya bol he lơh behơ̆ nàng dòp sơgơn ò ồm lề.

Yal Wơl 13:3

gen bol mê ò di iat ală jơnau cau gơnoar hwơr hala cau mpau hơ̆. Bơh Jehôwa Yàng Tom Trồ bol mê dê kòñ lòng bol mê nàng git bol mê jơh nùs mơ jơh hwềng soàn kòñ gơboh di Kơnràñ hala ò.

Yal Wơl 7:9

Gen tàng, dòp git tĕ Jehôwa Yàng Tom Trồ bol mê dê la Yàng Tom Trồ: Kơnràñ la Yàng Tom Trồ lơh jat jơnau ho Kơnràñ dê, prap gàr bơta ho bal kòñ gơboh Kơnràñ dê tus di rbô rài ală cau in kòñ gơboh di Kơnràñ mơ prap gàr ală bơta sồr lam Kơnràñ dê.

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

II Timôthe 2:15

Jơh nùs tĕ tơlik mat nàng niam nùs Yàng Tom Trồ, be dô nă cau lơh broă ò ƀàssìl yal tơlik jơnau song dê dô bă song ngan.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Hebrơ 10:32

Kah tĕ ală ngai lài òr, tơnơ̆ mơ tŭ oh mi neh geh pơnđàng sòl rau, gen kong jai tòm bơta tòmlơh dờng bơh ală bơta jê sồt bòl glar,

Hebrơ 11:17

Bơh bơta dòn Abraham, tòm tŭ kong lòng ơn Isak Yàng in, khai neh dòp geh jơnau ho pơgon mơ gơs nùs rcang sir nàng ơn kòn dùl khai dê,

Hebrơ 12:5

mơ oh mi neh hŭi jơnau bơto tơngkah kung be bơto tơngkah kòn lah: “Ơ kòn, bañ sền òsơp di bơta lơh glài tơmàl Yàng dê, Mơ bañ gơplơ̆ nùs tòm tŭ Kơnràñ lah pơrhơng;

Hebrơ 6:15

Behơ̆, Abraham neh kong ơt kơp gơn jŏ jòng, gen tàng khai dòp geh jơnau Yàng Tom Trồ neh ho pơgon.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

Jakơ 5:11

Do, bol he sơnđan ală cau neh kong ơt la cau gơs lơngai. Oh mi neh kơno bơh bơta kong ơt Jop dê, mơ neh gŏ mbe Yàng neh ai khai in tòm tŭ lồi dut, bơh Yàng bềng lìu nùs nđàc sơngit mơ bơta kòñ nđàc.

I Pier 3:14

Mơya dilah oh mi bơh bơta song ring mơ pal kong bòl glar jê sồt, gen gơs lơngai. Bañ rngòt, kung bañ dơrcul nùs bơh broă iơh bol khai lơh di he.

I Pier 4:13

Mơya oh mi gơs pơnah tòm bơta bòl glar jê sồt Bơtau Krist dê kàr lơi, gen hòn chò tĕ kàr hơ̆, tồ tus di ngai bơta gơklŏ Kơnràñ dê geh ràng tơlik, gen oh mi kung geh hòn chò ò git lơh.

I Pier 4:14

Dilah oh mi bơh sơnđan Bơtau Krist mơ kong bơtat bơtròh, gen oh mi geh lơngai, tài bơh Hwềng gơklŏ Yàng Tom Trồ dê ơm hơđang oh mi.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

I Jang 4:19

Bol he kòñ gơboh tài bơh Kơnràñ neh kòñ gơboh di bol he lài.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.