Jakơ 1:1 - Sră Goh 2018

¹ Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.

Jakơ 1:1 Mawu Ofanana

I Ală Bơtau 18:31

Khai ai jơt bàr nơm pơnai lŭ, jat khà jơt bàr jơi bơtiàn ală kòn klau Jakôp dê, la cau mơ jơnau Yàng Jehôwa neh yal lah: “Israel rơp la sơnđan mê.”

Ejra 6:17

Tòm bơta ơn hìu do Yàng Tom Trồ in, bol khai ơn dô rhiang nơm kơnrồ dam, bàr rhiang nơm belàt dam, poan rhiang nơm belàt kòn, mơ jat be khà jơi bơtiàn Israel dê, bol khai ơn jơt bàr nơm be dam lơh gơs phan ơn duh khoai tơwài glài jơh Israel in, jat be khà jơi bơtiàn Israel dê.

Este 3:8

Gen Haman đơs mơ bơtau Ahasuerus lah: “Gơs dô nơm làng bol gơprah ơm nrah nring digùl ală làng bol tòm jơh ală kơnhwàl lơgar bơtau dê. Ală bơta boh lam bol khai dê la krơi is mơ jơh ală làng bol ndai dê, mơ bol khai ò lơh jat ală bơta boh lam bơtau dê; gen tàng ò di pal ngan bơtau in kong ơt di bol khai.

Lik Ejiptơ 24:4

Môise cih wơl jơh ală bơta Yàng Jehôwa neh đơs. Àng drim hìng khai guh gòñ mơ bơt bơtào dô nơm cơnòng duh khoai di jơng mơnơm, mơ bơtào jơt bàr pơnai lŭ lơh gơs jrong sơnio bơh jơt bàr jơi bơtiàn Israel.

Lik Ejiptơ 28:21

Gơs jơh ală la jơt bàr nơm lŭ màng, kòp nơm gơs dô sơnđan dô nă tòm ală kòn klau Israel dê; kòp sơnđan geh pac kung be dô nơm ƀang kì gơs sơnđan dô jơi tòm jơt bàr jơi bơtiàn Israel dê.

Lik Ejiptơ 39:14

Gơs jơt bàr nơm lŭ màng, dô nơm pac dô sơnđan kòn klau Israel dê, pac kung be cau pac ƀang kì hơđang kòp nơm dô sơnđan tòm jơt bàr sơnđan jơi bơtiàn dê.

Ejekiel 12:15

Tòm tŭ Añ lơh gơprah bol khai digùl ală làng bol, mơ rsìh bol khai tòm ală lơgar, bol khai rơp git Añ la Yàng Jehôwa.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Mathiơ 10:3

Philip mơ Bathelemi; Thôma mơ Mathiơ la cau dar dia; Jakơ kòn Alphe mơ Thade;

Mathiơ 13:55

Cau do ò di la kòn cau chài lơh chi ò ơ? Mè khai ò di sơnđan la Mari, mơ ală oh khai ò di la Jakơ, Jôsep, Simôn mơ Jude ò ơ?

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Jơnau Niam Jat Mak 3:18

Andre, Philip, Bathelemi, Mathiơ, Thôma, Jakơ kòn Alphe, Thade, Simôn cau Kanaan,

Luka 22:30

bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”

Luka 6:15

Mathiơ mơ Thôma, Jakơ kòn Alphe dê, Simôn kung gơs sơnđan la Selôt,

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 7:35

Behơ̆ ală cau Juda đơs bal lah: “Ntềng đah Khai rơp lòt mơ he jòi ò bàn taih? Khai rơp lòt tus hơ ală cau Juda nrah nring tòm ƀòn cau Grek mơ bơto làng bol Grek sơl ơ?

Broă 1:13

Tòm tŭ neh tus tòm ƀòn dờng, bol khai guh tòm dô nơm ơdŭ tap hơđang la tiah Pier, Jang, Jakơ, Andre, Philip, Thôma, Bathelemi, Mathiơ, Jakơ kòn Alphe, Simôn Selôt, mơ Juda kòn Jakơ òs ơm.

Broă 12:17

Mơya khai ai tê lơh tềl sồr ală bol hơ̆ ơm mŏ mŏ, lồc behơ̆ khai yal wơl ală bol hơ̆ in mbe lơi Yàng neh dong khai klàs bơh hìu jàm, mơ khai đơs lah: “Yal tĕ Jakơ mơ ală oh mi in git bơta do.” Lồc behơ̆, khai lik lòt tiah ndai.

Broă 15:13

Tòm tŭ bol khai đơs sir rau, gen Jakơ đơs lah: “Ơ oh mi, dan iat tĕ añ!

Broă 15:21

Bơh rài yau bơta boh lam Môise dê neh geh sền tòm ală hìu jum cau Juda dê, kòp ngai Saƀat mơ jơnau Kơnràñ dê geh bơto yal tòm kòp nơm ƀòn dờng.”

Broă 15:23

Bal mơ sră pơyoa be tơnơ̆ do: “Bol hi, la cau gơnoar bơto dờng mơ ală cau kwang kra, mơ oh mi, oh mi dê pơyoa jơnau còp să ală oh mi cau làng bol bơdìh tòm Antiôt, Siri mơ Silisi.

Broă 2:5

Tŭ hơ̆ gơs ală cau Juda la cau duh rngòt tus bơh tòm jơh ală làng bol tòm dunnia mơ ơm tòm Jerusalem.

Broă 21:18

Ngai tơnơ̆, Pol lòt bal mơ bol hi tus còp Jakơ, jơh ală cau kwang kra gơs mat bal tềng hơ̆.

Broă 23:26

“Claudius Lisia pơyoa jơnau còp să Phelis la cau kwang đơng lơgar ryŭ ryơm ngan.

Broă 26:7

Bơh bơta ho pơgon hơ̆, mơ jơt bàr jơi bơtiàn bol hi dê kơp kòñ dòp geh, gen tàng duh khoai Yàng Tom Trồ sùm ngai mơ mang. Ơ bơtau, tài bơh bơta gơn kơnòm hơ̆, tàng añ kòl cau Juda yă wơn do.

Broă 8:1

Sol dô nùs bal tòm bơta tơnchơt Etien. Tòm ngai hơ̆, Hìu Jum Goh tòm Jerusalem gơtìp bơta kup kơryan dờng ngan; jơh ală cau dòn Yàng dô nrah nring tòm làm lơgar Jude mơ lơgar Samari, gam mìng ală cau gơnoar bơto dờng lơm.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Galati 1:19

mơya añ ò tìp dô nă cau gơnoar bơto dờng lơi ndai, mìng dô nă Jakơ la oh Yàng dê.

Galati 2:12

Hơ̆ la tài bơh lài mơ tŭ ală cau bơh Jakơ sồr lòt òhềt tus tềng hơ̆, gen khai sào bal mơ cau làng bol bơdìh; mơya tòm tŭ bol hơ̆ neh tus gen khai ruc ơm is dô đah, tài bơh rngòt di mpồl cau kòñ prap gàr bơta boh lam siat gơltau.

Galati 2:9

gen Jakơ, Sepha, Jang, la ală cau neh geh sền be ală cau gơnoar lam bồ, mơ bol khai git đal bơta nđàc neh ai añ in, at tê ma mơ añ bal mơ Banaba nàng gơs bơta tòmklac bal, tồ bol hi in lòt tus hơ làng bol bơdìh, ai bol khai gen lòt tus hơ ală cau siat gơltau.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Yal Wơl 30:3

gen Jehôwa Yàng Tom Trồ bol mê dê rơp tơm wơl phan mơna bol mê dê, mơ gơs nùs nđàc sơngit di bol mê, mơ pơjum tơrgòm bol mê bơh di ală lơgar mơ Kơnràñ neh rsìh bol mê.

Yal Wơl 32:26

Añ neh đơs lah Añ rơp rsìh bol khai mơ jùt sang bơta kirsơnre bol khai dê bơh di jơi kòn mơnus,

Yal Wơl 4:27

Yàng Jehôwa rơp rsìh bol mê digùl ală làng bol, mơ mìng dô pơnah dềt tòm bol mê rơp gam kis digùl ală làng bol mơ Yàng Jehôwa rơp cèng bol mê tus.

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

II Timôthe 4:21

Mê pơnđơl tĕ să tus lài mơ kơnhai mrềt. Ơbulus, Puden, Linus, Claudia mơ jơh ală oh mi còp să mê.

Sră Pơyoa Pol Dê Pơyoa Tit In 1:1

Pol, dĭ gơna Yàng Tom Trồ dê mơ la cau gơnoar bơto dờng bơh Yàng Jesu Krist, nàng lam ală cau geh sac rwah Yàng Tom Trồ dê tus hơ bơta dòn mơ git wă jơnau song, la dô bơta di pal mơ bơta dòn duh,

I Pier 1:1

Pier, la cau gơnoar bơto dờng Yàng Jesu Krist dê, pơyoa ală cau geh sac rwah ơm nrah nring in tòm lơgar Pontus, Galati, Kapadôs, Asia mơ Bithini,

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Yal Tơlik 7:4

Mơ añ neh kơno ntum khà ală cau geh tap ƀang kì, la dô rhiang poan jơt poan rbô nă cau bơh tòm jơh ală jơi bơtiàn kòn sau Israel dê.