I Timôthe 2:11 - Sră Goh 2018

¹¹ Cau ùr pal ơm mŏ mŏ nàng bơtê, mơ pal dòn duh tòm jơh ală bơta.

I Timôthe 2:11 Mawu Ofanana

Sơnròp Gơlik Gơs 3:16

Kơnràñ đơs mơ cau ùr lah: “Añ rơp bơtơl bơta bòl glar tòm tŭ ai gơs bun, ai rơp gơs jê sồt kòp dơ̆ ai deh kòn. Bơta gơboh ai dê rơp gơtơmut đah bau klau ai, mơ bau klau ai rơp at bồ ai.”

Este 1:20

Gen tòm tŭ jơnau lơh nền bơtau dê neh geh yal tơlik tòm làm jơh lơgar dờng ơnàng, jơh ală cau ùr rơp ki ngàm di bau klau bol khai dê, bơh cau dềt rhền tus di cau dờng màng rlau jơh kung behơ̆ sơl.”

I Kôrintô 11:3

Bulah behơ̆ añ kòñ ală oh mi git lah: Bơtau Krist la bồ kòp nă cau klau dê, mơ cau klau la bồ cau ùr dê, mơ Yàng Tom Trồ la bồ Bơtau Krist dê.

Kôlôse 3:18

Ơ cau la bau ùr, dòn duh tĕ bau klau ai dê, bơta hơ̆ la di pal tòm Yàng.

I Timôthe 2:10

mơya ai broă niam nàng sơmpô să, sồng di pal mơ cau ùr sơnđan is să he la cau ùr duh rngòt di Yàng Tom Trồ.

Sră Pơyoa Pol Dê Pơyoa Tit In 2:5

gơs nùs kràñ cê, ơm song mơ bau klau, rcang broă tòm hìu nhă, kơ̆ dơn, dòn duh bau klau, tồ jơnau Yàng Tom Trồ dê ò gơkòl cau đơs bơrsèl tơnhial.

I Pier 3:1

Kung behơ̆ sơl, ơ ală cau la bau ùr, dòn duh tĕ bau klau ai di, tồ dilah gơs bau klau lơi ò dòn jat jơnau Yàng, bulah bol ai ò ai jơnau Yàng nàng bơto bol khai, mơya bol khai kung rgơi kơnòm di bơta lơh lòt bol ai dê mơ gơlik gơs cau dòn,