I Samuel 8:8 - Sră Goh 2018

⁸ Be bol khai neh lơh di Añ bơh ngai Añ neh cèng bol khai lik bơh Ejiptơ jơl tus di ngai do, sang lòi Añ mơ duh broă ală yàng ndai; gen bol khai kung rơp lơh di mê behơ̆ sơl.

I Samuel 8:8 Mawu Ofanana

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Lik Ejiptơ 16:3

Cau Israel đơs mơ bol khai lah: “Digơlan niam rlau la bol hi neh chơt bơh tê Yàng Jehôwa tòm Ejiptơ. Tềng hơ̆ bol hi nggui rềp di ală glah poac mơ sa jơh ală phan sa mơ bol hi kòñ sa, mơya bàr nă ồng neh cèng bol hi lik lòt mơ mut tòm ƀlàng ngềt ngơt do nàng lòi jơh dô mpồl jơnum do chơt jơgloh.”

Lik Ejiptơ 17:2

Behơ̆ bol khai jòi jơnau mơ Môise mơ đơs lah: “Ai tĕ dà bol hi in hùc.” Môise ho lah: “Ñchi bơh tài bol mê jòi jơnau mơ añ taih? Ñchi bơh tài bol mê kòñ lòng Yàng Jehôwa behơ̆ taih?”

Lik Ejiptơ 32:1

Tòm tŭ làng bol gŏ Môise ơm jŏ mơ ò mù bơh hơđang mơnơm, gen bol khai pơjum gùt dar Arôn mơ đơs lah: “Ơ ồng, lơh tĕ ală yàng nàng tề lam bol hi, bơh đah pơnah mơ Môise do, la cau neh tă cèng bol hi lik klàs bơh di Ejiptơ, bol hi ò git bơta lơi neh gơtơntus di khai rau.”

Jeremi 34:14

‘Tŭ neh jơh poh sơnam, tòm ală bol mê kòp nă pal hồ toh oh mi he, la cau Hebrơ, neh tac bol mê in mơ neh duh broă bol mê prau sơnam rau, mê pal hồ tơlik khai nàng geh khat gơboh.’ Mơya ồng pàng bol mê dê ò bài iat Añ, kung ò ơn tồr kơlôi sơnơng.

Ejekiel 2:3

Kơnràñ đơs lah: “Ơ kòn mơnus, Añ sồr mê lòt tus hơ làng bol Israel, tus hơ dô nơm làng bol jak tòmdră neh tòmdră di Añ; bol khai bal mơ ồng pàng bol khai dê neh tìs glài tòmdră mơ Añ jơl tus ngai do.

Khà Làng Bol 16:41

Ngai hìng jơh dô mpồl jơnum yoam joh tòmdră mơ Môise mơ Arôn, đơs lah: “Ală ồng neh tơnchơt làng bol Yàng Jehôwa dê.”

Yal Wơl 9:24

Bol mê sùm sùm bơtào tòmdră mơ Yàng Jehôwa bơh di ngai añ mòng git mơ bol mê.

Ală Kwang Cahrña 13:1

Làng bol Israel lơh bơta iơh bơsak tai di đap Yàng Jehôwa, gen Yàng Jehôwa jào phi bol khai tòm tê cau Philistin tòm poan jơt nam.

Ală Kwang Cahrña 2:20

Tài bơh hơ̆ tàng Yàng Jehôwa gơjrañ ngan di Israel mơ đơs lah: “Tài bơh làng bol do neh tìs mơ bơta ho bal mơ Añ neh lơh mơ ală ồng pàng bol khai dê, mơ ò iat jơnau Añ;

Ală Kwang Cahrña 4:1

Tơnơ̆ mơ tŭ Ehut neh chơt, gen làng bol Israel lơh tai bơta iơh bơsak di đap Yàng Jehôwa.

Ală Kwang Cahrña 6:1

Làng bol Israel lơh bơta iơh bơsak tai di đap Yàng Jehôwa, gen Kơnràñ jào bol khai tòm tê làng bol Midian tòm poh nam.

I Samuel 8:7

Mơ Yàng Jehôwa đơs mơ khai lah: “Iat tĕ jơh ală jơnau mơ làng bol neh đơs mơ mê; hơ̆ ò di la bol khai sang lòi mê; mơya bol khai neh sang lòi Añ la Bơtau at bồ bol khai dê.

I Samuel 8:9

Gen tŭ do iat tĕ bol khai, mơya mê mìng bơto pơhìn bol khai in dô bă kràñ cê mơ yal bol khai in git ală gùng dà cau bơtau at bồ rơp lơh hơđang bol khai.”