I Samuel 8:7 - Sră Goh 2018

⁷ Mơ Yàng Jehôwa đơs mơ khai lah: “Iat tĕ jơh ală jơnau mơ làng bol neh đơs mơ mê; hơ̆ ò di la bol khai sang lòi mê; mơya bol khai neh sang lòi Añ la Bơtau at bồ bol khai dê.

I Samuel 8:7 Mawu Ofanana

Lik Ejiptơ 16:8

Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”

Esai 66:4

Behơ̆ Añ kung rơp sac rwah bơta bơrsèl tơnhial bol khai, mơ cèng hơđang bol khai bơta bol khai rngòt rngơt. Tài bơh tòm tŭ Añ neh hòi, ò gơs cau lơi neh ho wơl; Tòm tŭ Añ neh đơs, bol khai ò bài iat. Bol khai lơh bơta iơh di đap mat Añ, mơ sac rwah bơta Añ ò niam nùs.”

Jeremi 34:14

‘Tŭ neh jơh poh sơnam, tòm ală bol mê kòp nă pal hồ toh oh mi he, la cau Hebrơ, neh tac bol mê in mơ neh duh broă bol mê prau sơnam rau, mê pal hồ tơlik khai nàng geh khat gơboh.’ Mơya ồng pàng bol mê dê ò bài iat Añ, kung ò ơn tồr kơlôi sơnơng.

Ejekiel 2:3

Kơnràñ đơs lah: “Ơ kòn mơnus, Añ sồr mê lòt tus hơ làng bol Israel, tus hơ dô nơm làng bol jak tòmdră neh tòmdră di Añ; bol khai bal mơ ồng pàng bol khai dê neh tìs glài tòmdră mơ Añ jơl tus ngai do.

Ejekiel 3:7

Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.

Khà Làng Bol 22:20

Tòm mang hơ̆ Yàng Jehôwa tus mơ Balaam mơ đơs lah: “Bơh ală cau do neh tus nàng jà mê, lòt tĕ mơ bol khai, mơya mìng lơh tĕ bơta lơi Añ sồr mê lơh.”

Mathiơ 10:40

“Cau lơi wă rò bol mê, hơ̆ la wă rò Añ, mơ cau lơi wă rò Añ, hơ̆ la wă rò Bơtau neh sồr Añ lòt tus.

Luka 10:16

Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Luka 19:14

Mơya làng bol khai dê gơjrañ kơuềng di khai, sồr cau kong sồr lòt jat mơ đơs lah: ‘Bol hi ò kòñ cau do at bồ bol hi.’

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

Jang 13:16

Di ngan, di ngan, Añ đơs mơ bol mê, cau dĭ ò di dờng rlau mơ cau tòm, cau geh sồr lòt kung ò dờng rlau mơ bơtau sồr khai lòt.

Ală Kwang Cahrña 8:23

Gideôn đơs mơ bol khai lah: “Añ rơp ò at bồ bol mê, kòn klau añ kung ò at bồ bol mê sơl. Yàng Jehôwa rơp at bồ bol mê.”

I Samuel 10:19

Mơya tŭ do bol mê neh pơndang sang Yàng Tom Trồ bol mê dê la Bơtau neh dong tă bol mê bơh di jơh ală bơta rung rài mơ bòl glar. Mơ bol mê neh đơs lah: ‘Ò, dan bơtào dô nă bơtau hơđang bol hi.’ Behơ̆ tŭ do tơlik tĕ mat di đap Yàng Jehôwa jat ală jơi bơtiàn bol mê dê mơ jat mpồl hìu nhă bol mê dê.”

I Samuel 12:1

Samuel đơs mơ jơh Israel lah: “Añ neh iat jơh ală jơnau bol mê neh đơs mơ añ, mơ añ neh bơtào dô nă bơtau hơđang at bồ hơđang bol mê.

I Samuel 12:12

Mơya tòm tŭ bol mê gŏ Nahas bơtau làng bol Ammôn dê lòt tus tòmdră mơ bol mê, gen bol mê neh đơs mơ añ lah: ‘Ò, bol hi kòñ gơs dô nă bơtau at bồ hơđang bol hi,’ bulah Jehôwa Yàng Tom Trồ bol mê dê la Bơtau at bồ bol mê.

I Samuel 8:22

Yàng Jehôwa ho lah: “Iat tĕ jơnau bol khai dê mơ ai bol khai in dô nă bơtau at bồ.” Gen Samuel đơs mơ ală cau Israel lah: “Kòp nă rê tĕ hơ hìu bol mê dê.”

I Samuel 8:8

Be bol khai neh lơh di Añ bơh ngai Añ neh cèng bol khai lik bơh Ejiptơ jơl tus di ngai do, sang lòi Añ mơ duh broă ală yàng ndai; gen bol khai kung rơp lơh di mê behơ̆ sơl.