I Samuel 8:5 - Sră Goh 2018

⁵ Bol khai đơs mơ khai lah: “Ồng neh kra rau mơ ală kòn klau ồng ò jat ală gùng ồng dê; tŭ do dan pồ bơtào bol hi in dô nă bơtau nàng tề lam bol hi kung be ală làng bol ndai.”

I Samuel 8:5 Mawu Ofanana

Khà Làng Bol 23:9

Bơh hơđang bồ mơnơm lŭ, añ sền gŏ bol khai; bơh di hơđang ală dòr añ neh gŏ bol khai. Añ gŏ dô nơm làng bol ơm kis cah is, mơ ò kòp să tòm bol khai la dô nơm làng bol tòm ală làng bol.

Broă 13:21

Tŭ hơ̆ bol khai dan dô nă bơtau, behơ̆ tàng Yàng Tom Trồ ai bol khai in Sol, kòn klau Kis dê, tòm jơi bơtiàn Benjamin, at bồ bol khai tòm poan jơt nam.

Ală Kwang Cahrña 8:22

Gen cau Israel đơs mơ Gideôn lah: “At bồ tĕ bol hi, ồng, kòn mơ sau ồng di sơl, tài bơh ồng neh dong tă bol hi klàs bơh di làng bol Midian.”

I Samuel 10:19

Mơya tŭ do bol mê neh pơndang sang Yàng Tom Trồ bol mê dê la Bơtau neh dong tă bol mê bơh di jơh ală bơta rung rài mơ bòl glar. Mơ bol mê neh đơs lah: ‘Ò, dan bơtào dô nă bơtau hơđang bol hi.’ Behơ̆ tŭ do tơlik tĕ mat di đap Yàng Jehôwa jat ală jơi bơtiàn bol mê dê mơ jat mpồl hìu nhă bol mê dê.”

I Samuel 12:13

Sền tĕ do la cau bơtau mơ bol mê neh sac rwah, la cau mơ bol mê neh dan. Sền ne, Yàng Jehôwa neh bơtào dô nă bơtau hơđang bol mê.

I Samuel 12:17

Tŭ do ò di la kơnhai toès kòi mi ò ơ? Añ rơp hòi dan mơ Yàng Jehôwa nàng Kơnràñ rơp ai ntơr kơnàs mơ mìu; mơ bol mê rơp đal git bơta iơh bơsak mơ bol mê neh lơh di đap mat Yàng Jehôwa la dờng ngan, bơh neh dan dô nă bơtau bol mê in.”

I Samuel 12:2

Tŭ do bol mê gơs dô nă bơtau la cau lam bồ bol mê. Ai đah pơnah mơ añ gen să kra mơ kò sŏ, mơya ală kòn klau añ jê gam ơm mơ bol mê. Añ neh tề lam bol mê bơh tŭ añ gam pơnu jơl tus di ngai do.

I Samuel 9:20

Ai ală alàng mê dê neh roh pe ngai rau, bañ kơlôi rcang bơh bol gơ, bơh neh jòi bàn rau. Mơ tai, jơh ală bơta dờng màng tòm Israel neh geh lòi ñcau in taih? Hơ̆ ò di la lòi mê mơ jơh hìu bèp mê dê ò ơ?”