I Samuel 8:20 - Sră Goh 2018

²⁰ nàng bol hi rơp gơlik be ală làng bol ndai, dô nă bơtau nàng at bồ bol hi mơ lik lòt hơđap bol hi tòm ală bơta tòmlơh.”

I Samuel 8:20 Mawu Ofanana

Đơs Crih 106:35

Mơya bol khai ơm bơcă bal mơ ală làng bol, Mơ bơtê lơh jat be làng bol hơ̆ lơh.

Lik Ejiptơ 33:16

Mbe rgơi cau rơp git lah añ bal mơ làng bol Kơnràñ dê geh niam nùs Kơnràñ dilah Kơnràñ ò lòt bal mơ bol hi taih? Rlau mơ bơta hơ̆ gen gơs bơta lơi ndai nàng lơh añ in mơ làng bol Kơnràñ in geh sền la krơi is mơ jơh ală làng bol ndai ơm hơđang ù sơl ơ?”

Khà Làng Bol 23:9

Bơh hơđang bồ mơnơm lŭ, añ sền gŏ bol khai; bơh di hơđang ală dòr añ neh gŏ bol khai. Añ gŏ dô nơm làng bol ơm kis cah is, mơ ò kòp să tòm bol khai la dô nơm làng bol tòm ală làng bol.

Jang 15:19

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

Philip 3:20

Mơya bol he la làng bol hơđang trồ, bơh hơ̆ bol he kơp gơn Yàng Dong klàs la Yàng Jesu Krist.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Samuel 12:12

Mơya tòm tŭ bol mê gŏ Nahas bơtau làng bol Ammôn dê lòt tus tòmdră mơ bol mê, gen bol mê neh đơs mơ añ lah: ‘Ò, bol hi kòñ gơs dô nă bơtau at bồ hơđang bol hi,’ bulah Jehôwa Yàng Tom Trồ bol mê dê la Bơtau at bồ bol mê.

I Samuel 12:2

Tŭ do bol mê gơs dô nă bơtau la cau lam bồ bol mê. Ai đah pơnah mơ añ gen să kra mơ kò sŏ, mơya ală kòn klau añ jê gam ơm mơ bol mê. Añ neh tề lam bol mê bơh tŭ añ gam pơnu jơl tus di ngai do.

I Samuel 8:5

Bol khai đơs mơ khai lah: “Ồng neh kra rau mơ ală kòn klau ồng ò jat ală gùng ồng dê; tŭ do dan pồ bơtào bol hi in dô nă bơtau nàng tề lam bol hi kung be ală làng bol ndai.”