I Samuel 8:19 - Sră Goh 2018

¹⁹ Mơya làng bol ò bài iat Samuel; bol khai đơs lah: “Ò! Mơya bol hi lơh nền pal gơs dô bơtau at bồ hơđang bol hi,

I Samuel 8:19 Mawu Ofanana

II Ală Bơtau 21:9

Mơya bol khai ò bài iat; Manase neh lam bol khai lơh bơta iơh bơsak rlau mơ ală làng bol mơ Yàng Jehôwa neh tơnroh bơh di đap làng bol Israel.

Đơs Crih 81:11

Mơya làng bol Añ jê ò iat jơnau Añ; Israel ò bài gơs pơnah lơi bal mơ Añ.

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Esai 66:4

Behơ̆ Añ kung rơp sac rwah bơta bơrsèl tơnhial bol khai, mơ cèng hơđang bol khai bơta bol khai rngòt rngơt. Tài bơh tòm tŭ Añ neh hòi, ò gơs cau lơi neh ho wơl; Tòm tŭ Añ neh đơs, bol khai ò bài iat. Bol khai lơh bơta iơh di đap mat Añ, mơ sac rwah bơta Añ ò niam nùs.”

Jeremi 44:16

“Bơh bơta ồng ai sơnđan Yàng Jehôwa đơs mơ bol hi, gen bol hi ò bài iat ò.

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Yal Wơl 17:14

“Tòm tŭ bol mê mut tòm lơgar mơ Jehôwa Yàng Tom Trồ bol mê dê, ai bol mi in lơh gơs sre brê mơ ơm tơn tềng hơ̆, mơ bol mê đơs lah: ‘Bol he bơtào tĕ dô nă cau bơtau at bồ hơđang bol he kung be jơh ală làng bol ndai ơm gùt dar bol he,’

I Samuel 12:12

Mơya tòm tŭ bol mê gŏ Nahas bơtau làng bol Ammôn dê lòt tus tòmdră mơ bol mê, gen bol mê neh đơs mơ añ lah: ‘Ò, bol hi kòñ gơs dô nă bơtau at bồ hơđang bol hi,’ bulah Jehôwa Yàng Tom Trồ bol mê dê la Bơtau at bồ bol mê.