I Samuel 7:6 - Sră Goh 2018

⁶ Behơ̆ bol khai neh pơjum bal tòm Mispa, mơ bơ̆ dà mơ tuh gơ di đap Yàng Jehôwa. Bol khai ơt sa tòm ngai hơ̆, mơ đơs lah: “Bol hi neh tìs glài tòmdră mơ Yàng Jehôwa.” Mơ Samuel la cau cahrña Israel tòm Mispa.

I Samuel 7:6 Mawu Ofanana

Sơnròp Gơlik Gơs 31:49

Mơ kung ai sơnđan gơ la Mispa, bơh Laban đơs tai lah: “Tŭ bol he ơm is, dan Yàng Jehôwa sền gàr añ mơ mê.

II Samuel 14:14

Bol he pal chơt jơh, bol he be dà neh gơtuh hơđang ù mơ ò geh tơrgòm wơl. Mơya Yàng Tom Trồ rơp ò tă tơlik bơta kis; sơlơ̆u wơl, Kơnràñ pò gùng nàng dô nă cau kong bơtrơh tơlik ò ơm ngài sùm sùm bơh di đap Kơnràñ.

I Ală Bơtau 8:47

dilah tòm lơgar mơ bol khai kong jàm, bol khai kơlôi sơnơng wơl, gơjrañ sang glài, mơ rac dan mơ Yàng lah: ‘Bol hi neh tìs glài, lơh bơta iơh bơsak, mơ lơh dô bă iơh rmơh;’

I Yal Yau 11:18

Behơ̆ pe nă cau hơ̆ lòt gan sàl mpồl ling cau Philistin dê, bơ̆ dà bơh di tơrlung rềp di mpồng Betlehem mơ cèng brê Dabit in. Mơya Dabit ò bài hùc dà hơ̆, khai tuh dà hơ̆ di đap Yàng Jehôwa mơ đơs lah:

II Yal Yau 20:3

Jehôsaphat rngòt rngơt, să tòm khai jòi jat Yàng Jehôwa, mơ khai yal tơnggit bơta ơt sa tòm làm jơh Juda.

Nehemi 9:27

Tài bơh hơ̆, Kơnràñ neh jào bol khai tòm tê cau sò tơm bol khai dê. Gen cau sò tơm hơ̆ rồn bơklơn bol khai. Mơ tòm tŭ kòl tòm bơta jê sồt bòl glar gen bol khai neh rac dan mơ Kơnràñ. Bơh đang trồ Kơnràñ neh kơno bol khai, mơ jat bơta nđàc dờng Kơnràñ dê, gen Kơnràñ sồr ală cau dong klàs tus nàng dong tă bol khai klàs bơh di ală cau sò tơm bol khai dê.

Sră Jop 16:20

Cau bơyô añ jê dơñŏ tơnhial di añ, mat añ gơhòr dà tus hơ Yàng Tom Trồ.

Sră Jop 3:24

Bơh bơta tă nhơm jòng añ jê tus be phan sa, Mơ bơta rơnđơh añ jê hòr lik kung be dà.

Sră Jop 33:27

Cau hơ̆ đơs chò bal mơ ală cau ndai mơ đơs lah: ‘Añ neh tìs glài, mơ lơh rkwet rkwe bơta song ngan, mơ ò di tơm wơl di añ.

Sră Jop 40:4

Mê gơs dô nơm tơwòr tê kung be Yàng Tom Trồ sơl? Mơ mê rgơi lơh ntơr kơnàs be Kơnràñ sơl?

Sră Jop 42:6

Gen tàng, añ ai lơh cù kìr bơh să tòm añ, Mơ gơjrañ sang glài tòm kơmbuh ù mơ bùh.”

Đơs Crih 106:6

Bol hi mơ ồng pàng bol hi neh tìs glài; Bol hi tìs tòm bơta tồi glài iơh bơsak mơ lơh bơta jàñ bơsak.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 42:3

Tòm tŭ cau lùp sùm lah: “Ntềng đah Yàng Tom Trồ mê dê taih?” Gen dà mat lơh gơs phan sa añ jê ngai mơ mang.

Đơs Crih 6:6

Añ bòl glar tài bơh añ rac ròc; Kòp mang añ ñìm oă ngan hơđang cơnòng bic añ jê, Lơh gơ in sùh mơ dà mat.

Đơs Crih 62:8

Ơ ală làng bol, kơnòm tĕ di Kơnràñ sùm sùm, Tuh tơlik jơh ală bơta bơh nùs bol mê di đap Yàng; Yàng Tom Trồ la tiah kìng crŭ bol he dê. (Selah)

Jeremi 31:19

Bơh tơnơ̆ mơ tŭ añ lòt tìs nrah, añ neh gơjrañ sang glài; Tơnơ̆ mơ tŭ añ neh git wă, añ tur di ntơh añ jê. Añ neh kong ƀàssìl ƀàsso mơ sền òsơp, Añ kong sền òsơp bơh pah rài kơnòm să añ jê.’

Jeremi 36:9

Tòm kơnhai sin, nam dơ̆ pram rài Jehôyakim, kòn klau Jôsia, bơtau Juda, jơh ală làng bol Jerusalem mơ jơh làng bol bơh ală ƀòn Juda tus hơ Jerusalem, yal bơta ơt sa di đap Yàng Jehôwa.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 3:49

Mat añ hòr dà mat sùm, ò dơh kung ò ơm,

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ejekiel 20:4

Ơ kòn mơnus, mê rơp cahrña bol khai, mê rơp cahrña bol khai ơ? Yal tĕ bol khai in git ală bơta cù kìr ồng pàng bol khai dê,

Sră Ôse 5:1

Ơ ală cau gơnoar ơn phan duh khoai, iat tĕ! Ơ hìu Israel, ai tĕ tồr iat! Ơ hìu nhă cau bơtau dê, ơm iat tĕ! Do la bơta cahrña gơrê mơ bol mê. Bol mê la dă pơt tòm Mispa, mơ la bơtơng dang hơđang Thabôr;

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Lebi 16:29

Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê,

Lebi 26:40

Mơya dilah bol khai rơp yal ală bơta tồi glài bol khai dê mơ ală bơta tồi glài ală ồng pàng bol khai dê, hơ̆ la bơta neh tòmdră mơ Añ mơ ală bơta neh sò tơm di Añ,

Luka 15:18

Añ rơp ntào rê wơl hơ hìu bèp, mơ đơs lah: Ơ bèp, añ neh tìs glài mơ Yàng Tom Trồ mơ bèp,

Jôsue 18:26

Mispa, Kephirah, Môsah,

Ală Kwang Cahrña 10:10

Behơ̆ làng bol Israel rac dan mơ Yàng Jehôwa lah: “Bol hi neh tìs glài tòmdră mơ Kơnràñ, tài bơh bol hi neh sang lòi Yàng Tom Trồ bol hi dê, mơ neh duh khoai ală yàng Baal.”

Ală Kwang Cahrña 10:15

Mơya làng bol Israel đơs mơ Yàng Jehôwa lah: “Bol hi neh tìs glài, dan Yàng lơh di bol hi bơta lơi Yàng sền gơlơh niam nùs Kơnràñ dê, mơya tŭ do dan dong tă bol hi.”

Ală Kwang Cahrña 2:4

Tòm tŭ cau gơnrơh Yàng Jehôwa dê neh sir đơs ală jơnau hơ̆ mơ jơh cau Israel gen làng bol nggà ñìm dờng,

Ală Kwang Cahrña 20:23

Bol khai guh ñìm di đap Yàng Jehôwa jơl tus di mho mơ hòi lùp Yàng Jehôwa lah: “Bol hi pal guh tòmlơh tai mơ cau Benjamin la oh mi bol hi dê sơl?” Yàng Jehôwa ho lah: “Guh tĕ tòmlơh mơ bol khai.”

Ală Kwang Cahrña 20:26

Gen cau Israel, jơh tơl nă guh tus hơ Betel, nggui tềng hơ̆ mơ ñìm di đap Yàng Jehôwa. Bol khai ñìm mơ ơt sa tòm ngai hơ̆ jơl tus mho mơ ơn ală phan ơn duh khoai chu pơrguc mơ ală phan ơn duh khoai ring lơngai Yàng Jehôwa in.

Ală Kwang Cahrña 3:10

Hwềng Yàng Jehôwa dê tus hơđang khai, khai cahrña Israel; mơ khai lik lòt tòmlơh. Yàng Jehôwa jào Kusan Risathaim bơtau Aram tòm tê Ôtniel; mơ tê khai geh pha lin rlau.

I Samuel 1:15

Anne ho lah: “Ò di behơ̆, ơ yàng! Añ la dô nă cau ùr gơs oă ngan bơta bòl glar mơ moat jrùng; añ ò ñô tơrnòm hala alak; mơya añ ơm tuh hwềng soàn añ di đap Yàng Jehôwa.

I Samuel 10:17

Samuel hòi làng bol Israel tus hơ Yàng Jehôwa tòm Mispa,

I Samuel 12:10

Gen bol khai rac dan mơ Yàng Jehôwa mơ đơs lah: ‘Bol hi neh tìs glài, bol hi neh sang lòi Yàng Jehôwa, mơ neh duh broă Baal mơ Astarte. Mơya tŭ do dan dong tă bol hi bơh di tê ală cau sò tơm di bol hi, gen bol hi rơp duh broă Kơnràñ.’

I Samuel 7:15

Samuel cahrña Israel jơl jơh rài kis khai dê.