I Samuel 7:3 - Sră Goh 2018

³ Samuel đơs mơ jơh hìu Israel lah: “Dilah ală bol mê jơh nùs rê wơl hơ Yàng Jehôwa, gen sang tĕ ală yàng lơgar bơdìh mơ Astarte bơh digùl bol mê, ơn tĕ song nùs bol mê dê Yàng Jehôwa in, mơ mìng duh broă Kơnràñ lơm, gen Kơnràñ rơp dong tă bol mê bơh di tê cau Philistin.”

I Samuel 7:3 Mawu Ofanana

Sơnròp Gơlik Gơs 35:2

Gen Jakôp đơs mơ hìu nhă khai dê mơ jơh ală cau lòt bal mơ khai lah: “Tơlik sang tĕ ală yàng ndai bơh digùl ală bol mê, lơh bol mê in gơs sàng goh mơ bơsoh ào.

I Ală Bơtau 11:33

Bơta do la tài bơh khai neh sang lòi Añ, lòt duh khoai Astarte yàng ùr Sidôn dê, Kemôs yàng lơgar Môap dê, mơ Milkôm yàng làng bol Ammôn dê. Khai ò lòt tòm ală gùng dà Añ jê, ò lơh ală bơta song ngan di đap Añ, mơ kung ò prap gàr bơta sồr lam mơ bơta boh lam Añ jê, be Dabit bèp khai neh lơh.

I Ală Bơtau 8:48

mơ dilah bol khai jơh nùs jơh hwềng soàn git gơjrañ sang glài tòm lơgar cau sò tơm neh kup cèng nàng lơh gơs dĭ, hòi dan mơ Yàng, wèt mat hơ lơgar mơ Yàng neh ai ồng pàng bol khai in, bơh ƀòn dờng mơ Yàng neh sac rwah, mơ bơh hìu duh khoai mơ añ neh bơt sơnđan Yàng in,

II Ală Bơtau 17:39

mơya bol mê pal duh khoai Jehôwa Yàng Tom Trồ bol mê dê, Kơnràñ rơp dong tă bol mê klàs bơh tê ală cau sò tơm.”

II Ală Bơtau 23:15

Rlau mơ hơ̆, cơnòng duh khoai tòm Betel, tiah jơnhoa neh geh bơt bơtào bơh bơtau Jerôbôam kòn klau Nebat, la cau neh lơh Israel in tìs glài — bơtau sòr tơrlah cơnòng duh khoai hơ̆ bal mơ tiah jơnhoa. Bơtau chu jơh tiah jơnhoa, tơnlề gơ gơs bùh, khai kung chu jrong duh khoai Asera sơl.

I Yal Yau 22:19

Tŭ do, ơn tĕ nùs nhơm mơ hwềng soàn bol mê dê nàng jòi jat Jehôwa Yàng Tom Trồ bol mê dê. Lòt tĕ bơt hìu sàng goh Jehôwa Yàng Tom Trồ dê, tồ Đài Ho Bal Yàng Jehôwa dê mơ ală phan sàng goh Yàng Tom Trồ dê geh cèng tơmut tòm dô nơm hìu neh bơt sơnđan Yàng Jehôwa in.”

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 19:3

Bulah behơ̆, gơs dô êt bơta niam tòm bơtau, bơh bơtau neh tă sang ală jrong duh khoai Asera bơh di lơgar, mơ bơtau neh ơn nùs jòi jat Yàng Tom Trồ.”

II Yal Yau 20:33

Bulah behơ̆, ală tiah jơnhoa duh khoai òhềt tă sang, mơ làng bol òhềt ơn jơh nùs duh khoai Yàng Tom Trồ ală ồng pàng bol khai dê.

II Yal Yau 30:19

neh wèt nùs jòi jat Yàng Tom Trồ, la Jehôwa Yàng Tom Trồ ală ồng pàng bol khai dê, bulah khai ò geh sàng goh jat be bơta boh lam bơh bơta lơh sàng goh dê.”

Jơnau Pơnđik 16:1

Bơta kơlôi bơyai tòm nùs gơrê bal mơ kòn mơnus; Ai bơta ho wơl lơmpiat dê tus bơh Yàng Jehôwa.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 36:3

Tồ cau Juda rơp git ală bơta rung rài lơh nền dùh hơđang bol khai, nàng kòp nă rê wơl sang gùng iơh he, tồ Añ in rgơi toh bơta iơh bơsak mơ tồi glài bol khai dê.”

Jeremi 4:1

Yàng Jehôwa đơs: “Ơ Israel, dilah mê rê wơl, Dilah mê rê wơl mơ Añ, Mơ dilah mê sang ală phan cù kìr ngài bơh di đap Añ, Mơ ò wañ lơnggơr.

Ejekiel 14:6

Behơ̆ gen, đơs tĕ mơ hìu Israel lah: ‘Jehôwa Yàng Tom Trồ đơs be do: “Gơjrañ sang glài tĕ! Pơrlac ngài tĕ muh mat bol mê bơh di ală rùp ràk bol mê dê, wèt tĕ muh mat bol mê ngài bơh ală broă lơh cù kìr bol mê dê.

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Mathiơ 15:8

‘Làng bol do ai sơndồi mơ dòn duh Añ; Mơya nùs bol khai ngài ngan bơh Añ;

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.

Luka 4:8

Yàng Jesu đơs mơ gơ lah: “Gơs jơnau cih tòm Sră Goh lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Jang 4:24

Yàng Tom Trồ la hwềng, gen tàng cau lơi duh khoai Kơnràñ pal ai tĕ hwềng nùs mơ jơnau song nàng duh khoai.”

Yal Wơl 10:20

Duh rngòt tĕ Jehôwa Yàng Tom Trồ bol mê dê mơ duh broă Kơnràñ. Đềt mềr tĕ mơ Kơnràñ mơ srat să tòm sơnđan Kơnràñ dê.

Yal Wơl 13:4

Jehôwa Yàng Tom Trồ la Bơtau bol mê pal lòt jat, mìng Kơnràñ bol mê pal rngòt, gơnoar sồr Kơnràñ dê bol mê pal prap, jơnau đơs Kơnràñ dê bol mê pal dòn bơr, bol mê rơp duh broă Kơnràñ, mơ ơm kơ̆ mơ Kơnràñ.

Yal Wơl 4:29

Mơya bơh tềng hơ̆ bol mê rơp jòi jat Jehôwa Yàng Tom Trồ bol mê dê, bol mê rơp jòi bàn Kơnràñ dilah bol mê jơh nùs jơh hwềng soàn jòi jat Kơnràñ.

Yal Wơl 6:13

Rngòt tĕ di Jehôwa Yàng Tom Trồ bol mê dê, duh broă mìng dô nă Kơnràñ lơm mơ ai sơnđan Kơnràñ dê srat să ho pơgon.

Jôsue 13:31

nggùl tiah Galaat mơ Astarôt, mơ Edrei, la ƀòn bơtau Ok tòm Basan. Hơ̆ la ù tiah neh jào cau Makir la kòn klau Manase dê jat kòp mpồl hìu nhă bol khai dê, mơ nggùl cau Makir dê.

Jôsue 24:14

Behơ̆ gen tàng duh rngòt tĕ dê Yàng Jehôwa, mơ duh broă tĕ Kơnràñ dô bă jơh nùs dòn song, sang tĕ ngài bơh di bol mê ală yàng mơ ală ồng pàng bol mê neh duh broă đah ne hiòng mơ tòm lơgar Ejiptơ; duh broă tĕ Yàng Jehôwa.

Jôsue 24:23

Gen Jôsue đơs lah: “Behơ̆, tŭ do sang tĕ ală yàng lơgar bơdìh bơh digùl bol mê, mơ ơn nùs bol mê Yàng Jehôwa in la Yàng Tom Trồ Israel dê.”

Ală Kwang Cahrña 10:16

Gen bol khai tă sang ală yàng lơgar bơdìh bơh digùl bol khai mơ duh broă Yàng Jehôwa. Kơnràñ ò jai kong tai sền bơta bòl glar Israel dê.

Ală Kwang Cahrña 10:6

Gen làng bol Israel lơh bơta iơh bơsak tai di đap Yàng Jehôwa. Bol khai duh broă ală yàng Baal mơ yàng Astarôt, ală yàng lơgar Aram, ală yàng lơgar Sidôn, ală yàng lơgar Môap, ală yàng lơgar Ammôn, mơ ală yàng lơgar Philistin dê. Mơ tài bơh làng bol Israel sang lòi Yàng Jehôwa mơ ò duh khoai Kơnràñ.

Ală Kwang Cahrña 2:11

Behơ̆ làng bol Israel lơh bơta iơh bơsak di đap Yàng Jehôwa mơ duh broă ală yàng Baal.

Ală Kwang Cahrña 2:13

Bol khai neh sang lòi Yàng Jehôwa mơ duh broă ală yàng Baal mơ Astarte.

I Samuel 31:10

Bol khai ơn ală phan tòmlơh Sol dê tòm hìu duh khoai Astarte dê, mơ yồng ƀồc khai di dơrñang Betsan dê.