I Samuel 7:14 - Sră Goh 2018

¹⁴ Ală ƀòn dờng cau Philistin neh tòmpìt bơh cau Israel neh geh ai wơl Israel in bơh Ekrôn tus hơ Gat, mơ Israel dong tă ƀòn lơgar gùt dar klàs bơh di gơnoar at bồ cau Philistin dê. Mơ kung gơs bơta ring lơngai digùl cau Israel mơ cau Amôrit sơl.

I Samuel 7:14 Mawu Ofanana

I Yal Yau 18:1

Tơnơ̆ mơ hơ̆, Dabit tòmlơh pha rlau cau Philistin mơ at bồ bol khai, khai tòmpìt ai Gat mơ ală ƀòn dềt gùt dar gơ bơh di gơnoar at bồ cau Philistin dê.

Đơs Crih 106:34

Bol khai ò tơnroh ală làng bol, Be Yàng Jehôwa neh sồr bol khai,

Khà Làng Bol 13:29

Ală cau Amalek ơm đah đơm; ală cau Hetit, cau Jebusit mơ cau Amôr ơm tòm tiah kơh mơnơm; ală cau Kanaan ơm rềp dàlềng mơ rò gah Jordan.”

Yal Wơl 7:16

Bol mê pal tơnroh jơh ală làng bol mơ Yàng Jehôwa jào tòm tê bol mê dê. Bañ gơs nùs nđàc sơngit di bol khai mơ bañ duh khoai ală yàng bol khai dê, bơh bơta hơ̆ rơp kung be dô nơm dă bol mê in.

Yal Wơl 7:2

mơ tòm tŭ Jehôwa Yàng Tom Trồ bol mê dê neh jào bol khai bol mê in mơ bol mê neh lơh alah bol khai, gen bol mê pal tơnroh jơh hir bol khai. Bañ bơtào jơnau tòmho bal lơi mơ bol khai, mơ bañ gơs bơta nđàc sơngit dê bol khai.

Jôsue 10:5

Gen pram nă cau bơtau làng bol Amôr dê, hơ̆ la ală bơtau Jerusalem, Hebrôn, Jarmut, Lakis mơ Eglôn pơjum jơh ală mpồl ling bol khai dê. Bol khai guh bal mơ jơh ală mpồl ling bol khai dê mơ bơtào sàl nàng tòmdră mơ brồ lơh cau Gabaôn.

Jôsue 15:11

Nhàr gơ lòt tus hơ kơh mơnơm đah đang Ekrôn, gen lòt wơl hơ đah Sikerôn, lòt gan rò gah mơnơm Baalah mơ tus hơ Japneel. Nhàr gơ lồi di dàlềng.

Ală Kwang Cahrña 4:17

Sisera ntoat dô mơ jơng tus hơ sàl Jael, bau ùr Heber cau Kenit dê; tài bơh gơs bơta ring lơngai be oh mi digùl Jabin bơtau Hajor dê mơ hìu Heber cau Kenit dê.