I Samuel 7:10 - Sră Goh 2018

¹⁰ Tòm tŭ Samuel gam ơn phan ơn chu pơrguc hơ̆, gen cau Philistin tus rềp nàng brồ lơh Israel. Mơya Yàng Jehôwa lơh ntơr kơnàs nggồr dờng ngan tòm ngai hơ̆ tòmdră mơ cau Philistin, lơh bol khai in nsràng rngòt mơ bol khai ntoat dô bơh di đap Israel.

I Samuel 7:10 Mawu Ofanana

Đơs Crih 18:15

Ơ Yàng Jehôwa, bơh jơnau lah pơrhơng Kơnràñ dê, Bơh càl lik bơh di trồm muh Kơnràñ, Gen kơnàng dàlềng ràng tơlik, Mơ ală mơnàng dunnia gơtơlik gŏ jơh.

Đơs Crih 29:3

Sap đơs Yàng Jehôwa dê gơs hơđang ală dà; Yàng Tom Trồ bơta gơklŏ dê lơh gơs ntơr kơnàs, Yàng Jehôwa gơs hơđang ală dà dờng.

Đơs Crih 29:4

Sap đơs Yàng Jehôwa dê gơs bềng gơnap gơnoar ngan; Sap đơs Yàng Jehôwa dê gơs bềng bơta ryŭ ryơm.

Đơs Crih 78:66

Kơnràñ lơh gơprah ală cau sò tơm di Kơnràñ, Lơh bol khai in kong ƀàssìl sùm sùm.

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Yal Wơl 28:7

Yàng Jehôwa rơp lơh alah di đap bol mê ală cau sò tơm bơtào tơngguh sòdră mơ bol mê. Bol khai rơp bơh dô đah gùng lòt tus hơ bol mê mơ bol khai rơp ntoat dô tòm poh đah gùng.

Jôsue 10:10

Yàng Jehôwa lơh bol hơ̆ in gơnsràng rngòt mơ kong alah di đap Israel. Cau Israel geh pha dờng ngan tòm Gabaôn mơ ting jat bol hơ̆ tòm gùng kơh Bet Hôrôn mơ tơnchơt bol khai rò gùng jơl tus di Ajekah mơ Makedah.

Ală Kwang Cahrña 4:15

Tòm tŭ Barak lòt tus gen Yàng Jehôwa sơrbì Sisera mơ jơh ală rơndeh lòs tòmlơh bal mơ jơh mpồl ling khai dê tòm bơta rngòt rngơt di đap Barak; Sisera mù bơh rơndeh lòs tòmlơh khai dê mơ ntoat dô mơ jơng.

Ală Kwang Cahrña 5:20

Ală sơmañ bơh hơđang trồ neh tòmlơh bơh di ală gùng lòt bol gơ dê, bol gơtòmlơh mơ Sisera.

Ală Kwang Cahrña 5:8

Tòm tŭ bol khai sac rwah ală yàng pa, gen bơta kơlìn gơtoă tus di mpồng ƀòn, mơ cau ò gŏ dô nơm khèl hala dô nơm tà digùl poan jơt rbô nă cau tòm Israel.

I Samuel 12:17

Tŭ do ò di la kơnhai toès kòi mi ò ơ? Añ rơp hòi dan mơ Yàng Jehôwa nàng Kơnràñ rơp ai ntơr kơnàs mơ mìu; mơ bol mê rơp đal git bơta iơh bơsak mơ bol mê neh lơh di đap mat Yàng Jehôwa la dờng ngan, bơh neh dan dô nă bơtau bol mê in.”

I Samuel 14:15

Gơs bơta nsràng rngòt tòm sàl mpồl ling tòm ƀlàng, mơ digùl jơh làng bol; ală cau ơm tòm tiah kơp gàr mơ ală mpồl kơp òm rơm să rngòt, mơ ù tiah gơlơnggơr. Hơ̆ la dô bơta rngòt rngơt mơ Yàng Tom Trồ đùh hơđang bol khai.

I Samuel 2:10

Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”

I Samuel 7:11

Mơ ală cau Israel lik bơh Mispa, ting jat cau Philistin mơ tơnchơt bol khai rò gùng lòt tus hơ đah ne Betkar.