I Samuel 6:5 - Sră Goh 2018

⁵ Behơ̆ lơh tĕ ală rùp kòp pluh as bal mơ ală rùp đe neh tơnroh ƀòn lơgar, mơ ai bơta gơklŏ Yàng Israel in. Digơlan Kơnràñ rơp lơh nggòc tê Kơnràñ dê hơđang bol mê mơ hơđang ală yàng bol mê dê mơ lơgar bol mê dê.

I Samuel 6:5 Mawu Ofanana

I Yal Yau 16:28

Ơ ală hìu nhă ală làng bol dê, ơn tĕ Yàng Jehôwa, Ơn tĕ Yàng Jehôwa in bơta gơklŏ mơ bơta pràn kơldang,

I Yal Yau 16:29

Ơn tĕ Yàng Jehôwa in bơta gơklŏ gơrê bal mơ sơnđan Kơnràñ. Cèng tĕ dô nơm phan ơn mơ lòt tus di đap Kơnràñ; Duh khoai tĕ Yàng Jehôwa tòm bơta gơklŏ bơta sàng goh Kơnràñ dê.

Đơs Crih 18:44

Tòm tŭ bol khai kơno đơs bơh añ gen bol khai dòn bơr añ; Ală cau làng bơdìh dòn duh añ dô bă rngòt.

Đơs Crih 32:4

Bơh ngai mơ mang tê Yàng dê klơn kơnjơ̆ hơđang añ; Bơta pràn añ jê gơhuc soat be kơnhai prang ro rañ. (Selah)

Đơs Crih 39:10

Dan Yàng bañ pù lơh añ tai; Añ kong lề lac tài bơh tê Yàng lơh glài.

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Lik Ejiptơ 8:17

Bol khai lơh behơ̆, mơ tòm tŭ Arôn pò tê mơ gai kwềt khai dê pòng thul di ù, gen gơlik gơs sơmac tus hơđang cau mơ phan poan jơng. Jơh ală thul tòm làm lơgar Ejiptơ neh gơlik gơs sơmac.

Lik Ejiptơ 8:24

Mơ Yàng Jehôwa neh lơh behơ̆. Ală mpồl rhài gal ngan gơ par tus kung be ală puk mhwal tus tòm gơlang Pharaôn dê, tòm hìu ơm ală cau kwang duh broă khai dê, mơ ù tiah làm lơgar Ejiptơ gơkòl rhài phà tơnroh jơh.

Lik Ejiptơ 8:5

Gen Yàng Jehôwa đơs mơ Môise lah: “Đơs tĕ mơ Arôn: ‘Pò tĕ tê at gai kwềt bi dê hơđang ală hiòng, ală croh, mơ ală tơnau, lơh oă ngan kit gơhào guh hơđang lơgar Ejiptơ.’”

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 42:12

Lòi bol khai ơn tĕ bơta gơklŏ Yàng Jehôwa in, mơ yal tơlik bơta jòng ro Yàng tòm ală bồt pơlào.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jôel 2:25

Añ rơp tơm wơl bol mê in bơh ală sơnam neh kong srah nting sa roh, srah nting dờng, srah nting dềt, srah nting ndai la mpồl ling dờng mơ Añ neh sồr tus digùl bol mê.

Jôna 3:9

Ñcau git taih? Digơlan Yàng Tom Trồ rơp tòmgơl nùs mơ tơnruc bơta gơjrañ dờng Kơnràñ dê, mơ bol he rơp ò chơt roh.”

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Khà Làng Bol 33:4

tòm tŭ ală cau Ejiptơ ơm tơp ƀồc ală kòn klau tơnhoa bol khai dê, la ală cau mơ Yàng Jehôwa neh tơnchơt digùl bol khai; bơh Yàng Jehôwa neh tơndùh bơta cahrña hơđang ală yàng bol khai dê.

Jang 9:24

Dô dơ̆ tai, ală cau Pharisi hòi wơl cau lài neh jơngo mơ đơs lah: “Jòng ro tĕ Yàng Tom Trồ, bol he git cau hơ̆ la cau gơs glài.”

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.

Yal Tơlik 14:7

Khai đơs jơnau dờng lah: “Duh rngòt tĕ di Yàng Tom Trồ mơ jòng ro Kơnràñ, bơh jơ cahrña Kơnràñ dê neh di rau; duh khoai tĕ Bơtau neh crơng gơs trồ, tiah, dàlềng mơ ală croh dà.”

Yal Tơlik 16:9

Mơ ală cau kòl hur mơ ồs duh ngan, gen bol khai đơs tràl sơrbil di sơnđan Yàng Tom Trồ la Bơtau gơs gơnoar hơđang ală bơta rung rài hơ̆, mơ bol khai kung ò gơjrañ sang glài mơ ò jòng ro bơta dờng ryŭ Yàng Tom Trồ sơl.

I Samuel 5:11

Behơ̆ bol khai hòi pơjum jơh kwang at bồ làng bol Philistin dê mơ đơs lah: “Cèng tĕ Đài Yàng Tom Trồ Israel dê lik ngài bơh di bol hi, mơ ơn tĕ gơrê wơl hơ tiah tòm gơ dê, nàng gơ rơp ò tơnchơt bol hi mơ làng bol bol hi dê!” Bơh bơta chơt neh cèng bơta rngòt rngơt làm jơh tòm ƀòn dờng hơ̆; tê Yàng Tom Trồ dê klơn kơnjơ̆ ngan hơđang tềng hơ̆.

I Samuel 5:9

Mơya tòm tŭ bol khai neh cèng gơ rau, gen tê Yàng Jehôwa dê tòmdră mơ ƀòn dờng hơ̆; Kơnràñ lơh gơlik bơta rngòt rngơt mơ dơrcul dờng ngan, Kơnràñ lơh jơh tơl nă cau kơnòm mơ cau kra, behơ̆ kòp pluh gơlik as iơh mơ as bòm.

I Samuel 6:8

Gen ai Đài Yàng Jehôwa dê mơ ơn gơ hơđang rơndeh, mơ tòm dô nơm hồp di gah gơ gen ơn tĕ ală rùp mơ màh mơ bol mê pơyoa wơl Yàng Jehôwa in lơh gơs phan ơn duh khoai bơh tồi glài. Pơyoa tĕ gơ mơ lòi gơ lòt gùng gơ dê.