I Samuel 6:4 - Sră Goh 2018

⁴ Cau Philistin lùp lah: “Phan ơn bơh tồi glài la ñchi nàng bol he pal ơn Kơnràñ in taih?” Bol khai ho lah: “Pram nơm rùp kòp pluh as mơ màh, pram nơm rùp đe mơ màh jat be khà cau kwang at bồ làng bol Philistin dê, tài bơh bol mê bal mơ ală cau kwang at bồ bol mê dê neh kong ndròm bal dô bơta rung rài.

I Samuel 6:4 Mawu Ofanana

Lik Ejiptơ 12:35

Làng bol Israel neh lơh jat tòm toh be jơnau Môise neh sồr mơ dan cau Ejiptơ ală phan mơ priă, mơ màh bal mơ ồi ào.

Jôsue 13:3

Bơh hiòng Sihor đah mattơngai lik lơgar Ejiptơ tus di nhàr đah đang Ekrôn dê, jơh ù tiah hơ̆ la gơrê bal mơ làng bol Kanaan (gơs pram nă bơtau at bồ làng bol Philistin dê, hơ̆ la bơtau Gaja, Asdôt, Askalôn, Gat, mơ Ekrôn la ù tiah làng bol Abim dê),

Ală Kwang Cahrña 14:19

Gen Hwềng Yàng Jehôwa dê mù hơđang khai pràn ngan, mơ khai mù hơ Askalôn mơ tơnchơt pe jơt nă cau klau tòm ƀòn hơ̆, hồ tă phan mơna bol khai dê, mơ cèng ào soh tòm bơta pơjum ai ală cau neh yal tơlik gơtha jơnau pơnhồr in. Tòm bơta gơhào gơjrañ, khai rê wơl hơ hìu bèp khai dê.

Ală Kwang Cahrña 3:3

Pram nă cau kwang at bồ cau Philistin, mơ jơh ală cau Kanaan, ală cau Sidôn, mơ làng bol Hebit ơm tòm mơnơm Liban, bơh mơnơm Baal Hermôn tus hơ Lebô Hamat.

I Samuel 5:12

Cau lơi ò chơt gen kong jê sồt bơh kòp pluh as, mơ jơnau driau dờng tòm ƀòn neh guh tus hơ trồ.

I Samuel 5:6

Tê Yàng Jehôwa dê klơn kơnjơ̆ hơđang làng bol Asdot mơ Kơnràñ cèng tus bơta rngòt rngơt mơ bơta pluh plàng kòp as hơđang làng bol tòm Asdot bal mơ tòm kơnhwàl ù tiah gơ dê.

I Samuel 5:9

Mơya tòm tŭ bol khai neh cèng gơ rau, gen tê Yàng Jehôwa dê tòmdră mơ ƀòn dờng hơ̆; Kơnràñ lơh gơlik bơta rngòt rngơt mơ dơrcul dờng ngan, Kơnràñ lơh jơh tơl nă cau kơnòm mơ cau kra, behơ̆ kòp pluh gơlik as iơh mơ as bòm.

I Samuel 6:5

Behơ̆ lơh tĕ ală rùp kòp pluh as bal mơ ală rùp đe neh tơnroh ƀòn lơgar, mơ ai bơta gơklŏ Yàng Israel in. Digơlan Kơnràñ rơp lơh nggòc tê Kơnràñ dê hơđang bol mê mơ hơđang ală yàng bol mê dê mơ lơgar bol mê dê.

I Samuel 6:8

Gen ai Đài Yàng Jehôwa dê mơ ơn gơ hơđang rơndeh, mơ tòm dô nơm hồp di gah gơ gen ơn tĕ ală rùp mơ màh mơ bol mê pơyoa wơl Yàng Jehôwa in lơh gơs phan ơn duh khoai bơh tồi glài. Pơyoa tĕ gơ mơ lòi gơ lòt gùng gơ dê.