I Samuel 6:3 - Sră Goh 2018

³ Bol khai ho lah: “Dilah bol mê kòñ pơyoa wơl Đài Yàng Tom Trồ Israel dê, gen bañ mìng pơyoa dô nơm gơ lơm, mơya pal jòi gùng nàng pơyoa Kơnràñ in dô nơm phan ơn duh khoai bơh tồi glài. Gen bol mê rơp geh bòi, mơ bol mê rơp git ñchi bơh tài Kơnràñ òhềt lòi tê bơh di bol mê.”

I Samuel 6:3 Mawu Ofanana

Sră Jop 10:2

Añ rơp đơs mơ Yàng Tom Trồ lah: ‘Dan bañ lơh nền glài añ; Mơya dan yal añ in git ñchi bơh tài Yàng tòmdră mơ añ.

Lik Ejiptơ 23:15

Pơjum sa tĕ ngai wèr Piang Lă Ò Gơs Kañ jat be jơnau Añ neh sồr bol mê; sa tĕ piang lă ò gơs kañ tòm poh ngai. Lơh tĕ behơ̆ tòm jơ neh lơh nền tòm kơnhai Abip, bơh tòm kơnhai hơ̆ bol mê lik klàs bơh di Ejiptơ. Bañ gơs cau lơi tơlik mat di đap Añ mơ mpàng tê gòi.

Lik Ejiptơ 34:20

Tơwài tĕ alàng deh sơnròp mơ dô nơm belàt kòn, mơya dilah mê ò tơwài gơ gen dơrpă tĕ ngko gơ. Tơwài tĕ jơh ală kòn klau tơnhoa mê dê. Bañ gơs cau lơi lòt tơlik mat di đap Añ mơ mpàng tê gòi.

Lik Ejiptơ 8:15

Mơya tòm tŭ Pharaôn gŏ khai neh geh ơm lơngai rau, gen kơldang nùs, ò iat jơnau Môise mơ Arôn dê, tòm toh jat be jơnau Yàng Jehôwa neh đơs.

Lebi 5:6

mơ bơta lơh glài bơh glài khai neh tìs la khai pal cèng tus hơ Yàng Jehôwa dô nơm belàt kòn dra hala be dra bơh di mpồl belàt nàng lơh gơs phan ơn tơwài glài; mơ cau gơnoar ơn phan duh khoai rơp lơh bơta tơwài glài khai in bơh tồi glài khai dê.

Lebi 6:6

Mơ khai pal cèng tus hơ cau gơnoar ơn phan duh khoai, be la phan ơn tơwài glài khai dê nàng ơn Yàng Jehôwa in, dô nơm belàt dam ò sồt rmàñ bơh di mpồl belàt khai dê, mơ kas màng di pal.

Yal Wơl 16:16

Kòp nam pe dơ̆, jơh ală cau klau bol mê dê pal gơs mat di đap Jehôwa Yàng Tom Trồ bol mê dê di tiah Kơnràñ rơp sac rwah; di ngai pơjum sa Piang Lă Ò Gơs Kañ, ngai pơjum sa Ală Poh mơ ngai pơjum sa Sàl Ing. Bañ gơs cau lơi tus di đap Yàng Jehôwa mơ mpàng tê gòi.

I Samuel 5:11

Behơ̆ bol khai hòi pơjum jơh kwang at bồ làng bol Philistin dê mơ đơs lah: “Cèng tĕ Đài Yàng Tom Trồ Israel dê lik ngài bơh di bol hi, mơ ơn tĕ gơrê wơl hơ tiah tòm gơ dê, nàng gơ rơp ò tơnchơt bol hi mơ làng bol bol hi dê!” Bơh bơta chơt neh cèng bơta rngòt rngơt làm jơh tòm ƀòn dờng hơ̆; tê Yàng Tom Trồ dê klơn kơnjơ̆ ngan hơđang tềng hơ̆.

I Samuel 5:7

Tòm tŭ làng bol ơm tòm Asdot gŏ bơta neh gơlik gơs gen bol khai đơs lah: “Đài Yàng Tom Trồ Israel dê ò di ơm mơ bol he; bơh tê Kơnràñ klơn kơnjơ̆ hơđang bol he mơ hơđang Dagôn la yàng bol he dê.”

I Samuel 5:9

Mơya tòm tŭ bol khai neh cèng gơ rau, gen tê Yàng Jehôwa dê tòmdră mơ ƀòn dờng hơ̆; Kơnràñ lơh gơlik bơta rngòt rngơt mơ dơrcul dờng ngan, Kơnràñ lơh jơh tơl nă cau kơnòm mơ cau kra, behơ̆ kòp pluh gơlik as iơh mơ as bòm.

I Samuel 6:8

Gen ai Đài Yàng Jehôwa dê mơ ơn gơ hơđang rơndeh, mơ tòm dô nơm hồp di gah gơ gen ơn tĕ ală rùp mơ màh mơ bol mê pơyoa wơl Yàng Jehôwa in lơh gơs phan ơn duh khoai bơh tồi glài. Pơyoa tĕ gơ mơ lòi gơ lòt gùng gơ dê.

I Samuel 6:9

Mơya kơp sền tĕ, dilah gơ lòt guh hơ đah lơgar tòm gơ dê hơ̆ la đah Bet Semes, gen hơ̆ la Yàng Jehôwa neh đùh bơta rung rài dờng do hơđang bol he. Mơya dilah ò di behơ̆ gen bol he rơp git la ò di tê Kơnràñ neh lơh glài bol he, bơta hơ̆ neh tus is gơ dê lơm.”