I Samuel 6:2 - Sră Goh 2018

² Gen làng bol Philistin hòi pơjum ală cau kơiang mơ ală cau bơjơu gru mơ đơs lah: “Ñchi bơta bol he pal lơh mơ Đài Yàng Jehôwa dê taih? Yal tĕ bol hi in git ñchi bol hi pal lơh nàng pơyoa wơl gơ hơ tiah gơ dê.”

I Samuel 6:2 Mawu Ofanana

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

Lik Ejiptơ 7:11

Gen Pharaôn sồr hòi ală cau jak chài, ală cau gru bơjơu, mơ ală cau juh proh Ejiptơ dê; bol khai kung lơh tòm toh behơ̆ kơnòm di ală bơta chài rgơi ndơp ndơr bol khai dê.

Esai 2:6

Yàng neh sang lòi làng bol Kơnràñ dê la hìu Jakôp, lơgar bềng lìu ală bơta juh proh bơh đah mattơngai lik, òs sền dà kung be cau Philistin, mơ at tê tòmsòr bal mơ ală cau làng bol bơdìh.

Daniel 2:2

Behơ̆, cau bơtau sồr hòi ală cau jak chài Babilôn dê, ală cau gru bơjơu, ală cau sền sơmañ, bal mơ ală cau git yal gơtha bơta ndơp ndơr nàng bol khai yal tơlik bơta mpau cau bơtau in. Tòm tŭ bol khai neh mut tus mơ ntào di đap bơtau.

Daniel 5:7

Khai hòi driau dờng, sồr pơjum ală cau jak chài, ală cau gru bơjơu, mơ ală cau sền sơmañ, mơ đơs mơ ală cau hơ̆ lah: “Cau lơi rgơi sền ală jơnau cih do, mơ yal tơlik jơnau gơtha gơ dê añ in, gen cau hơ̆ rơp geh soh ào dà gur cau bơtau, geh wan che rơnjài màh di ngko, mơ geh pồ bơtào gơs kwang dơ̆ pe tòm gơnoar broă at bồ lơgar dê.”

Mathiơ 2:4

Gen cau bơtau pơjum jơh ală cau gơnoar lam bồ ơn phan duh khoai mơ ală cau bơto bơta boh lam làng bol dê mơ lùp bol khai lah: “Ntềng đah Bơtau Krist pal deh?”

I Samuel 5:8

Behơ̆ bol khai hòi pơjum jơh ală cau kwang at bồ làng bol Philistin dê mơ lùp bol khai lah: “Ñchi bol he rơp lơh mơ Đài Yàng Tom Trồ Israel dê taih?” Làng bol Gat ho lah: “Pal cèng Đài Yàng Tom Trồ Israel dê tus hơ bol hi.” Behơ̆ bol khai cèng Đài Yàng Tom Trồ Israel dê tus hơ ƀòn cau Gat dê.

I Samuel 6:1

Đài Yàng Jehôwa dê neh ơm poh kơnhai tòm ù tiah Philistin.