I Samuel 5:4 - Sră Goh 2018

⁴ Mơya tòm tŭ bol khai guh gòñ àng drim ngai tơnơ̆ tai, bol khai gŏ rùp yàng Dagôn neh gơpừ blup mat tòm ù di đap Đài Yàng Jehôwa dê! Bồ mơ bàr nơm tê gơ neh pă ơm di bơr mpồng, gam mìng dô nơm să lơm.

I Samuel 5:4 Mawu Ofanana

Esai 27:9

Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Esai 40:20

Dô nă cau rƀah ò rgơi ơn phan ơn behơ̆, gen khai sac rwah chi kră ò ồm. Khai jòi cau chài pac sềr nàng mòn gơs dô nơm rùp ràk ò gơpừ.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Jeremi 10:14

Kòp nă cau la bơrngơl mơ ò git wă; Cau chài lơh màh kòl ƀàssìl bơh ală rùp ràk khai dê; bơh ală rùp ràk bol khai la ma blac, Ò gơs nhơm tă tòm gơ;

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Daniel 11:8

Tòm tŭ rê wơl, khai kung cèng tus tòm lơgar Ejiptơ ală rùp duh khoai kas màng bal mơ ală phan ngui mơ màh mơ priă tai sơl. Tòm dô êt nam, khai dơh wơl ò brồ lơh bơtau đah đang.

Mice 1:7

Jơh ală rùp ràk khai dê rơp kong pòng bơcah rpot rpet, jơh ală jền tơngai khai dê rơp kòl chu tòm ồs; mơ Añ rơp tơnroh jơh ală rùp ràk khai dê; bơh khai pơjum tơrgòm jền tơngai ală cau ùr dri dê, mơ jền tơngai ală cau ùr dri dê bol khai rơp geh ngui tai.”

I Samuel 6:5

Behơ̆ lơh tĕ ală rùp kòp pluh as bal mơ ală rùp đe neh tơnroh ƀòn lơgar, mơ ai bơta gơklŏ Yàng Israel in. Digơlan Kơnràñ rơp lơh nggòc tê Kơnràñ dê hơđang bol mê mơ hơđang ală yàng bol mê dê mơ lơgar bol mê dê.