I Samuel 5:3 - Sră Goh 2018

³ Tòm tŭ làng bol Asdot guh gòñ àng drim ngai tơnơ̆, rùp yàng Dagôn neh gơpừ blup mat tòm ù di đap Đài Yàng Jehôwa dê! Behơ̆ bol khai yò rùp yàng Dagôn mơ ơn wơl di tiah gơ dê.

I Samuel 5:3 Mawu Ofanana

I Ală Bơtau 18:26

Behơ̆, bol khai kup dô nơm kơnrồ mơ cau neh lơh poac gơ; mơ hòi dan dê sơnđan yàng Baal bơh àng drim jơl tus nggùl ngai, mơ lah: “Ơ Baal! Dan ho jơnau bol hi.” Mơya ò gơs sap đơs lơi, kung ò gơs jơnau ho lơi; bol khai tòmya gùt dar cơnòng duh khoai bol khai neh bơt.

Đơs Crih 115:7

Gơs tê mơ ò git ƀư, Gơs jơng mơ ò git lòt, Rnồng dò gơ dê ò gơs ntas lơi.

Đơs Crih 97:7

Jơh ală cau duh khoai rùp pac sềr rơp kòl ƀàssìl, Bol khai jòng să bơh ală rùp ràk ò kwơ; Jơh ală yàng ndai cùn khoai di đap Kơnràñ.

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 40:20

Dô nă cau rƀah ò rgơi ơn phan ơn behơ̆, gen khai sac rwah chi kră ò ồm. Khai jòi cau chài pac sềr nàng mòn gơs dô nơm rùp ràk ò gơpừ.

Esai 41:7

Cau chài pac sềr chồl bơtrut nùs cau chài tiar màh, mơ cau chài drèp chồl bơtrut nùs cau chài tiar; bol khai đơs bơh tiah pơnđềt trà lah: “Niam ngan.” Khai ai đìn pơng nàng rùp ràk ò gơ ơwañ.

Esai 46:7

Bol khai yò ơn gơ hơđang pơnì mơ tui gơ, bol khai bơtào gơtòm tiah gơ dê, mơ gơ ntào tềng hơ̆. Bơh tềng hơ̆ gơ ò rgơi ơwañ. Dilah gơs dô nă cau hòi dan mơ gơ gen gơ ò ho wơl, gơ ò rgơi dong dô nă cau lơi klàs bơh ală bơta rung rài.

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Jơnau Niam Jat Mak 3:11

Kòp dơ̆ ală cà gŏ Kơnràñ gen tơmbic să dê jơng Kơnràñ mơ hòi driau lah: “Kơnràñ la Kòn Yàng Tom Trồ!”

I Samuel 6:1

Đài Yàng Jehôwa dê neh ơm poh kơnhai tòm ù tiah Philistin.

I Samuel 6:5

Behơ̆ lơh tĕ ală rùp kòp pluh as bal mơ ală rùp đe neh tơnroh ƀòn lơgar, mơ ai bơta gơklŏ Yàng Israel in. Digơlan Kơnràñ rơp lơh nggòc tê Kơnràñ dê hơđang bol mê mơ hơđang ală yàng bol mê dê mơ lơgar bol mê dê.