I Samuel 4:4 - Sră Goh 2018

⁴ Behơ̆ làng bol sồr cau lòt tus hơ Silô mơ cèng bơh hơ̆ Đài Bơta Ho Bal Yàng Jehôwa Gơnap Gơnoar Dờng Làm Jơh dê la Bơtau nggui tòm sơbàn hơđang ceruƀim. Bàr nă kòn klau Heli dê la Hôpni mơ Phineas ơm tềng hơ̆, bal mơ Đài Bơta Ho Bal Yàng Tom Trồ dê.

I Samuel 4:4 Mawu Ofanana

II Samuel 15:24

Abiatha lòt lài, kung gơs Jadôk bal mơ jơh ală cau Lebi tùng Đài Bơta Ho Bal Yàng Tom Trồ dê. Bol khai ơn Đài Bơta Ho Bal Yàng Tom Trồ dê hơđang ù jơl tus di tŭ jơh làng bol neh lik bơh di ƀòn dờng.

II Samuel 6:2

Dabit mơ jơh ală cau ơm bal mơ khai lik lòt bơh Baale gơrê mơ Juda nàng cèng brê Đài Bơta Ho Bal Yàng Tom Trồ dê bơh tềng hơ̆, la đài geh tơmoh jat sơnđan Yàng Jehôwa Gơnap Gơnoar Dờng Làm Jơh, la Bơtau nggui hơđang ceruƀim.

II Ală Bơtau 19:15

Ejekia hòi dan Yàng Jehôwa lah: “Ơ Jehôwa Yàng Tom Trồ Israel dê! Kơnràñ gam ơm digùl ală ceruƀim, mìng dô nă Kơnràñ la Yàng Tom Trồ ală lơgar tòm dunnia dê. Să tòm Kơnràñ neh lơh gơs trồ mơ tiah.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Đơs Crih 80:2

Di đap Epraim, Benjamin mơ Manase. Dan ràng tơlik bơta pràn kơldang Kơnràñ dê, mơ lòt tus dong klàs bol hi!

Đơs Crih 99:1

Yàng Jehôwa at bồ; ală làng bol rngòt rơm să tĕ! Kơnràñ nggui hơđang sơbàn digùl ală ceruƀim; plai ù lơnggơr tĕ!

Esai 37:16

“Ơ Yàng Jehôwa Gơnap Gơnoar Dờng la Yàng Tom Trồ Israel dê, la Bơtau nggui hơđang sơbàn digùl ală ceruƀim, mìng dô nă Kơnràñ la Yàng Tom Trồ hơđang ală lơgar tòm ù. Kơnràñ neh crơng gơs trồ mơ tiah.

Malaci 1:9

“Tŭ do rac dan tĕ mơ Yàng Tom Trồ, bơh hơ̆ digơlan Kơnràñ rơp kòñ nđàc di bol he. Bol mê neh tìs, mơ Kơnràñ rơp yal tơlik bơta kòñ nđàc mơ dô nă cau lơi tòm bol mê sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 4:15

Tơnơ̆ mơ tŭ Arôn mơ ală kòn klau khai dê neh sir jơm tiah sàng goh mơ ală phan ngui sàng goh sir rau, tŭ hơ̆ sàl ơm neh rcang sir nàng tă cèng, ală cau Kôhat pal tus nàng tùng ală phan do. Mơya bol khai ò di ƀư ală phan sàng goh rngòt bol khai pal kong chơt mòn. Ală cau Kôhat pal tùng ală phan tòm Sàl Tòm Mat.

Khà Làng Bol 4:5

Tòm tŭ sàl mpồl ling pal tă cèng lòt, Arôn mơ ală kòn klau khai dê pal mut tòm Sàl mơ tă bài kơrnìng mơ jơm Đài Bơta Ho Bal.

Khà Làng Bol 7:89

Tòm tŭ Môise mut tòm Sàl Tòm Mat nàng tòmbơhbơr mơ Yàng Jehôwa, khai kơno sap đơs mơ khai bơh digùl bàr nơm ceruƀim hơđang bơnap bơta nđàc dơp hơđang Đài Bơta Cơng Tàng dê. Mơ khai tòmbơhbơr mơ Kơnràñ.

I Samuel 1:24

Tòm tŭ khai neh sang pô rau, gen Anne cèng kòn klau hơ̆ guh bal mơ khai tus hơ hìu Yàng Jehôwa dê tòm Silô. Khai cèng bal dô nơm kơnrồ dam pe nam, dô thùng kơmbuh phe, mơ dô nhồng gơltau tơrnòm. Khai lam kòn dềt hơ̆ tus hơ hìu Yàng Jehôwa, mơ kòn hơ̆ gam dềt ngan.

I Samuel 14:3

Tòm hơ̆ kung gơs dô nă cau soh ephot sơnđan la Ahija kòn klau Ahitup bi klau Ikabôt, la kòn klau Phineas, sau Heli, cau gơnoar ơn phan duh khoai Yàng Jehôwa dê tòm Silô. Ò gơs cau lơi git la Jônathan neh lik lòt.

I Samuel 2:22

Tŭ hơ̆ Heli neh kra ngan, khai neh kơno jơh ală bơta ală kòn klau khai dê lơh di jơh làng bol Israel, mơ mbe bol khai bic mơ ală cau ùr duh broă di mpồng mut hơ Sàl Tòm Mat.