I Samuel 4:3 - Sră Goh 2018

³ Tòm tŭ cau ling tòmlơh rê wơl hơ sàl, gen ală cau kwang kra Israel dê lùp lah: “Ñchi bơh tài Yàng Jehôwa neh lòi bol he kong alah tòm ngai do di đap cau Philistin taih? Bol he lòt lă cèng Đài Bơta Ho Bal Yàng Jehôwa dê bơh Silô, tồ Kơnràñ lòt bal mơ bol he mơ dong klàs bol he bơh bơta pràn ală cau sò tơm bol he dê.”

I Samuel 4:3 Mawu Ofanana

II Samuel 15:25

Gen bơtau đơs mơ Jadôk lah: “Cèng wơl tĕ Đài Bơta Ho Bal Yàng Tom Trồ dê tus hơ ƀòn dờng. Dilah añ geh bơta nđàc di đap Yàng Jehôwa, Kơnràñ rơp cèng añ rê wơl, lòi añ in sền gơ bal mơ tiah ơm gơ dê,

I Yal Yau 17:1

Tơnơ̆ mơ tŭ Dabit neh ơm lơngap lơngai tòm gơlang khai dê rau, khai đơs mơ cau gơnoar hwơr Nathan lah: “Do, añ ơm tòm dô nơm gơlang bơt mơ chi pơnàng tòm tŭ Đài Bơta Ho Bal Yàng Jehôwa dê ơm hơđơm dô nơm sàl.”

Đơs Crih 74:1

Ơ Yàng Tom Trồ, ñchi bơh tài Kơnràñ sang lòi bol hi sùm sùm taih? Ñchi bơh tài bơta gơjrañ Kơnràñ dê gơguh be ñhŭ tòmsò di mpồl belàt tòm ƀlàng ñhơt Kơnràñ dê taih?

Đơs Crih 74:11

Ñchi bơh tài Kơnràñ ruc wơl tê taih? Ñchi bơh tài Kơnràñ ơn tê ma Kơnràñ di ntơh taih?

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Esai 58:3

Bol khai đơs lah: ‘Ñchi bơh tài bol hi ơt sa mơ Yàng ò sền gŏ taih? Ñchi bơh tài bol hi pơndêt să bol hi dê mơ Yàng ò cih kah taih?’ Sền ne, bol mê duh broă ală bơta nùs bol mê hàm kòñ tòm ngai bol mê ơt sa, mơ rồn bơklơn jơh ală cau lơh broă bol mê dê.

Esai 59:1

Ne, tê Yàng Jehôwa dê ò liah ir nàng ò dong tă, hala tồr Kơnràñ dê kung ò tĭ nàng ò kơno.

Esai 59:2

Mơya ală bơta tồi glài iơh bơsak bol mê dê neh cah digùl bol mê mơ Yàng Tom Trồ bol mê dê; mơ tồi glài bol mê dê neh cang kìng mat Kơnràñ bơh di bol mê, tian gơs Kơnràñ ò iat.

Jeremi 3:16

Yàng Jehôwa đơs: “Tòm tŭ bol mê neh tơnggơs bơtơl oă tòm ù, tòm ngai hơ̆ cau rơp ò đơs bơh Đài Bơta Ho Bal Yàng Jehôwa dê tai! Cau rơp ò kơlôi sơnơng tai, ò kah tai, ò pơlai tai, mơ ò lơh dô nơm Đài ndai tai.

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”

Khà Làng Bol 10:33

Behơ̆ bol khai lik lòt bơh di mơnơm Yàng Jehôwa dê mơ lòt gùng tòm pe ngai. Đài Bơta Ho Bal Yàng Jehôwa dê lòt di đap bol khai tòm pe ngai hơ̆ nàng jòi bol khai in dô bă tiah ơm rlô bòl.

Khà Làng Bol 10:35

Tŭ lơi Đài Bơta Ho Bal lik lòt, Môise đơs lah: “Ơ Yàng Jehôwa, dan guh tĕ! Dan ală cau sò tơm di Kơnràñ rơp gơkòl dô gơprah gơpring; dan ală cau sò tơm Kơnràñ dê ntoat dô di đap Kơnràñ.”

Khà Làng Bol 31:6

Môise sồr bol khai lik lòt tòmlơh, dô rbô nă bơh di kòp jơi bơtiàn lòt jat Phineas kòn klau Eleajar cau gơnoar ơn phan duh khoai, khai cèng bal mơ khai ală phan ngui tòm hìu duh khoai mơ ală kơlwòk ngui nàng lơh tềl ai jơnau sồr.

Yal Wơl 29:24

Jơh ală làng bol rơp lùp lah: ‘Ñchi bơh tài Yàng Jehôwa neh lơh bơta do lơgar hơ̆ in taih? Ñchi bơh tài gơs bơta gơjrañ dờng mơ sa roh behơ̆ taih?’

Yal Wơl 31:26

“Ai tĕ Sră Bơta Boh lam do mơ ơn gơ di gah Đài Bơta Ho Bal Jehôwa Yàng Tom Trồ bol mê dê. Tềng hơ̆ gơ rơp ơm kung be dô nơm cơng tàng tòmdră mơ bol mê.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

Hebrơ 9:4

gơs cơnòng màh chu kơlhô, mơ Đài Bơta Ho Bal ƀềp mơ màh; tòm đài gơs dô nơm gri màh ơn mana, gai jra cat sơmbut Arôn dê, mơ bàr nơm mpàn lŭ bơta ho bal dê;

Jôsue 4:7

Gen bol mê rơp ho bol khai lah dà hiòng Jordan gơkòl cah bàr đah di đap Đài Bơta Ho Bal Yàng Jehôwa dê. Tòm tŭ Đài Bơta Ho Bal tiă gan hiòng Jordan, gen dà hiòng gơkòl cah bàr đah. Ală pơnai lŭ do rơp lơh Israel in gơs dô bơta kah kirsơnre gam sùm sùm.”

Jôsue 6:6

Behơ̆ Jôsue kòn klau Nun hòi ală cau gơnoar ơn phan duh khoai mơ đơs mơ bol khai lah: “Tùng tĕ Đài Bơta Ho Bal Yàng Jehôwa dê mơ gơs poh nă cau gơnoar ơn phan duh khoai at poh nơm kơlwòk ngke belàt dam lòt hơđap Đài Yàng Jehôwa dê.”

Jôsue 7:7

Gen Jôsue đơs lah: “Ơ Jehôwa Yàng Tom Trồ, ñchi bơh tài Kơnràñ neh cèng jơh làng bol do tiă hiòng Jordan nàng jào bol hi tòm tê làng bol Amôr tơnroh bol hi taih? Digơlan niam rlau bol hi neh lơh nền ơm wơl đah ne hiòng Jordan!

Jôsue 7:8

Ơ Yàng Jehôwa, ñchi añ rgơi đơs tòm tŭ cau Israel neh wèt ngkòi bol khai di đap cau sò tơm bol khai dê taih?

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,

Jude 1:5

Añ kòñ tơngkah wơl oh mi in, bulah oh mi neh git tơl jơh rau, hơ̆ la Yàng neh dong làng bol lik klàs bơh lơgar Ejiptơ, gen tơnơ̆ neh tơnroh ală cau ò dòn.

I Samuel 1:24

Tòm tŭ khai neh sang pô rau, gen Anne cèng kòn klau hơ̆ guh bal mơ khai tus hơ hìu Yàng Jehôwa dê tòm Silô. Khai cèng bal dô nơm kơnrồ dam pe nam, dô thùng kơmbuh phe, mơ dô nhồng gơltau tơrnòm. Khai lam kòn dềt hơ̆ tus hơ hìu Yàng Jehôwa, mơ kòn hơ̆ gam dềt ngan.

I Samuel 14:18

Sol đơs mơ Ahija lah: “Cèng tus tĕ Đài Yàng Tom Trồ dê tềng do.” (Tòm tŭ hơ̆ Đài Yàng Tom Trồ dê ơm bal mơ cau Israel.)

I Samuel 4:2

Mpồl ling Philistin rơndap brồ lơh cau Israel; mơ tòm tŭ bơta tòmlơh bal bàr đah, gen cau Philistin lơh cau Israel kong alah, mơ cau Philistin neh tơnchơt pơgap poan rbô nă cau tòm tiah tòmlơh.