I Samuel 4:19 - Sră Goh 2018

¹⁹ Ƀan khai dê la bau ùr Phineas bun mòr deh. Tòm tŭ khai kơno la Đài Yàng Tom Trồ dê neh cau kup cèng, po bèp khai mơ bau klau khai neh chơt jơh gen nisơna khai jê deh mơ deh kòn.

I Samuel 4:19 Mawu Ofanana

Sơnròp Gơlik Gơs 3:16

Kơnràñ đơs mơ cau ùr lah: “Añ rơp bơtơl bơta bòl glar tòm tŭ ai gơs bun, ai rơp gơs jê sồt kòp dơ̆ ai deh kòn. Bơta gơboh ai dê rơp gơtơmut đah bau klau ai, mơ bau klau ai rơp at bồ ai.”

Sơnròp Gơlik Gơs 35:17

Tòm tŭ Racel deh, cau đơng deh đơs lah: Bañ rngòt, bơh ai rơp gơs dô nă kòn klau tai.

I Ală Bơtau 14:1

Tòm tŭ hơ̆, Abijah kòn klau Jerôbôam kòp jê.

Đơs Crih 78:64

Ală cau gơnoar ơn phan duh khoai bol khai dê kong chơt mơ đào, Mơ ală cau ùr bơnrau ò ñìm rac.

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

I Samuel 4:18

Tòm tŭ khai yal bơh Đài Bơta Ho Bal Yàng Tom Trồ dê, gen Heli gơpừ sơrplàng bơh di cơnòng khai dê di gah mpồng mut tòm ƀòn. Khai pă ngko mơ chơt, bơh khai neh kra mơ lơmă. Khai neh tề làm Israel tòm poan jơt nam.

I Samuel 4:20

Tòm tŭ khai mòr chơt, ală cau ùr ơm dong khai tềng hơ̆ đơs lah: “Bañ kơlôi rngòt, bơh ai neh deh dô nă kòn klau.” Mơya khai ò ho wơl hala ơn nùs di jơnau hơ̆.