I Samuel 4:17 - Sră Goh 2018

¹⁷ Cau cèng jơnau hơ̆ ho lah: “Israel neh dô bơh di đap cau Philistin, neh gơs bơta tơnchơt dờng ngan digùl mpồl ling; bàr nă kòn ồng dê la Hôpni mơ Phineas kung neh chơt sơl, mơ Đài Bơta Ho Bal Yàng Tom Trồ dê neh gơkòl cau kup cèng.”

I Samuel 4:17 Mawu Ofanana

Đơs Crih 78:61

Kơnràñ jào gơnap gơnoar Kơnràñ dê nàng gơkòl kup, Mơ phi bơta gơklŏ Kơnràñ dê tòm tê cau sò tơm.

Đơs Crih 78:64

Ală cau gơnoar ơn phan duh khoai bol khai dê kong chơt mơ đào, Mơ ală cau ùr bơnrau ò ñìm rac.

I Samuel 2:34

Bơta neh lơh nền rài kis bàr nă kòn klau mê dê, hơ̆ la Hôpni mơ Phineas, rơp lơh gơs tềl mê in, bàr nă bol khai rơp chơt bal tòm dô ngai.

I Samuel 3:11

Mơ Yàng Jehôwa đơs mơ Samuel lah: “Sền Añ mòr lơh dô êt bơta tòm Israel, mơ rơp lơh nggồr jơh bàr đah tồr cau lơi kơno bơta hơ̆.

I Samuel 3:12

Tòm ngai hơ̆ Añ rơp lơh gơlik wil tơl bơta tòmdră mơ Heli, jơh ală bơta Añ neh đơs bơh hìu khai dê, bơh sơnròp tus di lồi dut.

I Samuel 4:16

Cau hơ̆ đơs mơ Heli lah: “Añ pa tus bơh di tiah tòmlơh; ngai do añ neh dô bơh di tiah tòmlơh.” Heli lùp lah: “Ơ kòn, neh gơlik gơs mbe lơi taih?”

I Samuel 4:18

Tòm tŭ khai yal bơh Đài Bơta Ho Bal Yàng Tom Trồ dê, gen Heli gơpừ sơrplàng bơh di cơnòng khai dê di gah mpồng mut tòm ƀòn. Khai pă ngko mơ chơt, bơh khai neh kra mơ lơmă. Khai neh tề làm Israel tòm poan jơt nam.