I Samuel 4:11 - Sră Goh 2018

¹¹ Đài Bơta Ho Bal Yàng Tom Trồ dê gơkòl kup cèng, mơ bàr nă kòn klau Heli dê la Hôpni mơ Phineas kong tơnchơt.

I Samuel 4:11 Mawu Ofanana

Đơs Crih 78:56

Bulah behơ̆, bol khai lòng Yàng Tom Trồ Hơđang Rlau Jơh, mơ sòdră mơ Kơnràñ. Ò prap gàr ală jơnau sồr kràñ cê Kơnràñ dê.

Đơs Crih 78:64

Ală cau gơnoar ơn phan duh khoai bol khai dê kong chơt mơ đào, Mơ ală cau ùr bơnrau ò ñìm rac.

Esai 3:11

Bòl glar cau iơh bơsak in! Bơh ală bơta tê bol khai neh lơh gen rơp geh tơm wơl bol khai in.

Jeremi 7:12

‘Behơ̆ tŭ do, lòt tus tĕ hơ tiah ơm yau Añ jê tòm Silô, tềng hơ̆ Añ neh ơn sơnđan Añ dơ̆ sơnròp, mơ sền gŏ ñchi Añ neh lơh gơ in, tài bơh bơta iơh bơsak làng bol Israel Añ jê.’

I Samuel 2:31

Tŭ tơngai rơp tus tòm tŭ Añ rơp tơnroh bơta pràn mê dê mơ bơta pràn hìu ồng pàng mê dê, nàng ò gơs dô nă cau lơi tòm hìu mê dê rơp kis tus di kra bồ.

I Samuel 2:32

Gen tòm bơta gơlòng bòl glar bol mê rơp sền mơ nùs hàm kòñ di jơh ală bơta pas gơs rơp geh ai pà hơđang Israel; mơ ò gơs dô nă cau lơi tòm hìu mê rơp kis jòng sơnam.

I Samuel 2:34

Bơta neh lơh nền rài kis bàr nă kòn klau mê dê, hơ̆ la Hôpni mơ Phineas, rơp lơh gơs tềl mê in, bàr nă bol khai rơp chơt bal tòm dô ngai.

I Samuel 3:12

Tòm ngai hơ̆ Añ rơp lơh gơlik wil tơl bơta tòmdră mơ Heli, jơh ală bơta Añ neh đơs bơh hìu khai dê, bơh sơnròp tus di lồi dut.

I Samuel 4:21

Khai tơmoh sơnđan kòn hơ̆ la Ikabôt gơs gơtha lah: “Bơta gơklŏ neh cah ngài bơh Israel,” tài bơh Đài Yàng Tom Trồ dê neh gơkòl kup cèng mơ bơta chơt po bèp khai mơ bau klau khai dê.