I Samuel 31:9 - Sră Goh 2018

⁹ Bol khai koh bồ khai dê mơ tă ai ală phan tòmlơh khai dê, mơ sồr ală cau kong sồr lòt làm tiah cau Philistin nàng yal jơnau chò hòp tòm hìu duh khoai ală yàng rùp ràk bol khai dê, mơ digùl làng bol bol khai dê.

I Samuel 31:9 Mawu Ofanana

II Samuel 1:20

Bañ yal jơnau do tòm Gat, bañ yal jơnau hơ̆ tòm ală gùng Askalôn dê, rngòt ală kòn ùr cau Philistin dê chò hòp, rngòt ală kòn ùr cau ò kong siat gơltau dê hòn chò.

I Samuel 17:51

Behơ̆ Dabit ntoat tus mơ ntào hơđang cau Philistin. Khai at đào cau Philistin dê mơ tă gơ bơh di sơmprồm gơ dê. Tơnơ̆ mơ tŭ Dabit neh tơnchơt cau Philistin rau gen Dabit ai đào koh bồ cau Philistin dê. Tòm tŭ làng bol Philistin gŏ cau pràn kơldang khin cha mơ jak tòmlơh bol khai dê neh chơt rau gen bol khai ntoat dô.

I Samuel 17:54

Dabit ai bồ Gôliat cèng gơ tus hơ Jerusalem, mơya khai ơn ală phan tòmlơh Gôliat dê tòm sàl khai dê.

I Samuel 31:4

Sol đơs mơ cau àñ phan tòmlơh khai dê lah: “Tă tĕ đào mê mơ srơp añ, rngòt ală cau ò siat gơltau ne rơp tus srơp añ mơ lơh ƀàssìl di añ mòn!” Mơya cau àñ phan tòmlơh khai dê rngòt ngan mơ ò bài lơh behơ̆; behơ̆ Sol ai đào khai dê mơ tòmpừ is să khai di cồng gơ.

I Samuel 31:8

Ngai hìng, tòm tŭ cau Philistin tus nàng tă ai phan cau neh chơt, gen bol khai gŏ ƀồc Sol mơ ƀồc pe nă kòn klau khai dê hơđang mơnơm Gilbôa.