I Samuel 30:8 - Sră Goh 2018

⁸ Mơ Dabit hòi lùp Yàng Jehôwa lah: “Añ pal ting jat mpồl phà kơñau do sơl? Añ rơp bàn bol khai sơl?” Yàng Jehôwa ho lah: “Ting jat tĕ, ngan mê rơp bàn bol khai mơ rgơi dong tă ală cau kòl kup.”

I Samuel 30:8 Mawu Ofanana

Sơnròp Gơlik Gơs 14:16

Khai cèng wơl tơl jơh ală phan, mơ kung lam kòn cau oh khai la Lot mơ jơh ală phan khai dê, ală cau ùr mơ làng bol rê wơl.

II Samuel 5:19

Dabit hòi lùp Yàng Jehôwa lah: “Añ pal guh mơ brồ lơh cau Philistin sơl? Kơnràñ rơp jào phi bol khai tòm tê añ sơl?” Yàng Jehôwa ho khai lah: “Lòt tĕ, bơh Añ rơp jào phi cau Philistin tòm tê mê.”

II Samuel 5:23

Behơ̆ Dabit hòi lùp Yàng Jehôwa mơ Kơnràñ ho lah: “Mê bañ guh song di đap bol khai, mơya lòt dar tĕ đah ngkòi bol khai, di đap ală tòm chi bơñàng.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Lik Ejiptơ 15:9

Cau sò tơm đơs lah: ‘Añ rơp ting jat, añ rơp ting jat bàn bol khai. Añ rơp tòmpà phan tòmpìt geh; Bơta añ kơp kòñ rơp geh hừh nùs bơh bol khai; Añ rơp tă đào añ jê mơ tê añ rơp tơnroh bol khai.’

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Ală Kwang Cahrña 20:18

Làng bol Israel guh hơ Betel mơ hòi lùp Yàng Tom Trồ lah: “Ơ Yàng, ñcau tòm bol hi pal guh lài nàng tòmlơh mơ cau Benjamin?” Yàng Jehôwa ho lah: “Juda rơp guh lài.”

Ală Kwang Cahrña 20:23

Bol khai guh ñìm di đap Yàng Jehôwa jơl tus di mho mơ hòi lùp Yàng Jehôwa lah: “Bol hi pal guh tòmlơh tai mơ cau Benjamin la oh mi bol hi dê sơl?” Yàng Jehôwa ho lah: “Guh tĕ tòmlơh mơ bol khai.”

Ală Kwang Cahrña 20:28

gơs Phinea kòn Eleajar, sau Arôn duh broă di đap gơ), mơ lah: “Bol hi pal lòt tòmlơh tai mơ ală oh mi bol hi dê la cau Benjamin hala bol hi pal ơm taih?” Yàng Jehôwa ho lah: “Lòt tĕ, bơh ngai hìng añ rơp jào phi bol khai tòm tê bol mê dê.”

Ală Kwang Cahrña 8:4

Gen Gideôn tus mơ tiă gan hiòng Jordan, khai bal mơ pe rhiang nă cau jat khai, bòl glar òsô tai mơ jơgloh ngan.

I Samuel 10:22

Behơ̆ bol khai lùp tai Yàng Jehôwa lah: “Ơ Yàng, cau hơ̆ neh tus tềng do sơl?” Yàng Jehôwa ho lah: “Sền ne khai ơm pồn să he digùl ală phan mơna.”

I Samuel 14:37

Behơ̆ Sol lùp Yàng Tom Trồ lah: “Añ pal mù jat cau Philistin sơl? Kơnràñ rơp jào phi bol khai tòm tê cau Israel sơl?” Mơya Yàng Tom Trồ ò ho wơl khai in tòm ngai hơ̆.

I Samuel 23:2

Dabit hòi lùp Yàng Jehôwa lah: “Añ pal lòt brồ lơh ală cau Philistin do sơl?” Yàng Jehôwa ho lah: “Lòt tĕ brồ lơh cau Philistin mơ dong tă Keila.”

I Samuel 23:4

Gen Dabit hòi lùp Yàng Jehôwa tai mơ Yàng Jehôwa ho khai lah: “Mù tĕ hơ Keila, bơh añ rơp jào cau Philistin tòm tê mê dê.”

I Samuel 28:6

Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.

I Samuel 30:18

Dabit ai wơl jơh ală phan mơ cau Amalek neh ai, mơ dong tă bàr nă bau ùr khai dê.

I Samuel 30:19

Ò gơs phan lơi roh, cau dềt hala cau dờng, kòn klau hala kòn ùr, phan pìt kup hala phan lơi bol hơ̆ neh ai; Dabit cèng brê wơl jơh ală phan.