I Samuel 30:12 - Sră Goh 2018

¹² hơ̆ la dô pet ƀañ plai ƀal ro mơ bàr nơm ƀañ plai ño. Khai neh sa mơ gơs pràn wơl bơh khai neh ò sa phan lơi hala hùc dà lơi tòm pe ngai mơ pe mang.

I Samuel 30:12 Mawu Ofanana

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Ñìm Rac 1:11

Jơh làng bol khai dê rơnđơh ndang lòt jòi phan sa ndang. Bol khai tòmgơl phan màng tài bơh phan sa, nàng geh wơl bơta pràn bol khai dê. Ơ Yàng Jehôwa, dan wèt sền, bơh añ neh gơlik gơs ò kwơ ngan!

Mathiơ 27:63

mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’

Ală Kwang Cahrña 15:19

Gen Yàng Tom Trồ pò dô nơm trồm lŭ tòm Lehi, gơs dà hòr lik bơh dê gơ. Tòm tŭ Samsôn neh hùc dà rau, gen hwềng nùs khai gơrê wơl, mơ khai gam kis. Behơ̆, cau sơnđan tiah hơ̆ la En Hakkôre, gam tòm Lehi tus di ngai do.

I Samuel 14:27

Mơya Jônathan ò kơno la bèp khai neh kơt làng bol tòm jơnau srat să, gen khai ai gai jra at tòm tê mơ iurŭ cồng gơtòm sìng lơwe. Khai sa liap dà lơwe mơ mat khai gơlik àng loh.

I Samuel 30:11

Bol khai bàn dô nă cau Ejiptơ ơm tòm ƀlàng gen lam khai tus hơ Dabit. Bol khai ai cau hơ̆ in dà hùc mơ phan sa,

I Samuel 30:13

Dabit lùp khai lah: “Mê gơrê bal mơ ñcau mơ tus bơh tiah lơi taih?” Khai ho lah: “Añ la cau Ejiptơ ơm dĭ mơ dô nă cau Amalek. Cau tòm añ jê neh sang añ, tòm tŭ añ kòl kòp jê neh pe ngai do.