I Samuel 3:9 - Sră Goh 2018

⁹ Behơ̆ Heli sồr Samuel lah: “Rê bic tĕ, mơ dilah Kơnràñ hòi mê, gen mê pal đơs tĕ lah: ‘Ơ Yàng Jehôwa, dan đơs tĕ bơh cau duh broă Kơnràñ dê ơm iat.’” Behơ̆ Samuel rê mơ bic wơl di tiah khai dê.

I Samuel 3:9 Mawu Ofanana

Đơs Crih 85:8

Lòi añ in kơno jơnau Jehôwa Yàng Tom Trồ rơp đơs, Bơh Kơnràñ rơp đơs jơnau lơngap lơngai mơ làng bol Kơnràñ dê, mơ cau dòn song Kơnràñ dê, bal mơ cau gơs nùs rê wơl mơ Kơnràñ.

Đơs Crih 85:9

Ngan bơta dong klàs Kơnràñ dê ơm rềp di ală cau duh rngòt di Kơnràñ, tồ bơta gơklŏ rgơi ơm tòm lơgar bol he.

Lik Ejiptơ 20:19

Bol khai đơs mơ Môise lah: “Ồng đơs tĕ mơ bol hi gen bol hi rơp iat, mơya bañ lòi Yàng Tom Trồ đơs mơ bol hi, rngòt bol hi pal chơt.”

Esai 6:8

Gen añ kơno sap Yàng Jehôwa đơs lah: “Añ rơp sồr ñcau taih? Mơ ñcau rơp lòt bol he in taih?” Añ đơs lah: “Gơs añ do, dan sồr añ lòt!”

Daniel 10:19

Bơtau hơ̆ đơs mơ añ lah: “Ơ cau geh kòñ gơboh ngan, bañ rngòt, ơm tĕ lơngai. Pràn kơldang mơ khin cha tĕ!” Tòm tŭ Bơtau hơ̆ đơs mơ añ gen añ gơs wơl pràn kơldang mơ đơs lah: “Ơ Yàng añ jê, dan đơs tĕ, bơh Yàng neh ai añ in gơs pràn kơldang.”

Broă 9:6

mơya ntào tĕ, mut tòm ƀòn dờng, cau rơp yal mê in ală bơta mê pal lơh.”

Jôsue 5:14

Khai ho lah: “Ò bal mơ đah lơi, tŭ do añ tus lơh gơs cau at bồ mpồl ling Yàng Jehôwa dê.” Gen Jôsue tơmbic să blup mat di ù, duh khoai mơ lùp lah: “Ơ Yàng añ jê, ñchi jơnau Yàng sồr cau duh broă Kơnràñ dê taih?”

I Samuel 3:10

Yàng Jehôwa tus ntào tềng hơ̆, hòi kung be ală dơ̆ lài: “Ơ Samuel! Samuel!” Gen Samuel đơs lah: “Dan đơs tĕ bơh cau duh broă Kơnràñ dê ơm iat.”

I Samuel 3:8

Yàng Jehôwa hòi Samuel dơ̆ pe, mơ Samuel guh lòt tus hơ Heli mơ đơs lah: “Do añ, ồng neh hòi añ.” Gen Heli đal git hơ̆ la Yàng Jehôwa neh hòi cau kơnòm klau do.