I Samuel 3:19 - Sră Goh 2018

¹⁹ Samuel sơlo dờng, Yàng Jehôwa ơm bal mơ khai, mơ Kơnràñ ò lòi dô jơnau đơs lơi Kơnràñ dê gơlik ò kwơ.

I Samuel 3:19 Mawu Ofanana

Sơnròp Gơlik Gơs 21:22

Tòm tŭ hơ̆ bơtau Abimelek mơ Pikôl, cau gơnoar dờng at bồ ling khai dê, đơs mơ Abraham lah: “Yàng Tom Trồ ơm bal mơ mê tòm kòp broă mê lơh.

Sơnròp Gơlik Gơs 28:15

Mơ Añ ơm bal mơ mê, mê lòt tiah lơi Añ rơp sền gàr mê tềng hơ̆ mơ cèng mê rê wơl hơ lơgar do, bơh Añ ò gơs tŭ lơi sang mê tus di tŭ Añ neh lơh sir rau ală bơta Añ neh ho mơ mê.”

Sơnròp Gơlik Gơs 39:2

Jôsep ơm tòm hìu cau tòm khai dê la cau Ejiptơ. Yàng Jehôwa ơm bal mơ khai, gen khai gơlik gơs cồng nha sùm.

Sơnròp Gơlik Gơs 39:3

Cau tòm khai dê gŏ Yàng Jehôwa ơm bal mơ khai mơ Kơnràñ lơh jơh ală broă bơh tê Jôsep di gơlik cồng nha.

I Ală Bơtau 8:56

“Pal jòng ro Yàng Jehôwa, la bơtau neh ai bơta rlô lơngap lơngai làng bol Israel Kơnràñ in, jat be ală jơnau Kơnràñ neh ho! Bơh ală jơnau niam mơ Kơnràñ neh ho mơ dĭ gơna Kơnràñ dê la Môise, ò gơs dô jơnau lơi ò gơlik di ngan ò.

II Ală Bơtau 10:10

Gen git tĕ lah rơp ò gơs bơta lơi dùh tòm ù tòm ală jơnau Yàng Jehôwa dê, la jơnau Yàng Jehôwa neh đơs bơh hìu Ahap; tài bơh Yàng Jehôwa neh lơh gơlik gơs be jơnau Kơnràñ neh đơs kơnòm di Elise dĭ gơna Kơnràñ dê.”

II Ală Bơtau 15:12

Behơ̆, tòm toh be jơnau Yàng Jehôwa neh yal Jehu in lah: “Jơi bơtiàn mê rơp nggui hơđang sơbàn Israel jơl tus di rài dơ̆ poan.” Ngan behơ̆, hơ̆ la bơta neh gơlik tus.

II Ală Bơtau 22:16

Yàng Jehôwa đơs be do: Ngan Añ rơp cèng bơta rung rài tus hơđang tiah do mơ hơđang làng bol ơm tòm hơ̆, lơh wil tơl ală jơnau tòm sră mơ bơtau Juda neh sền.

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Esai 55:11

behơ̆ jơnau đơs Añ jê kung behơ̆ sơl, gơ neh lik bơh di bơr Añ, gen rơp ò rê wơl gòi, mơya rơp lơh gơlik gơs tơnggume broă Añ rơndap, mơ lơh wil tơl broă mơ Añ neh jào.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Luka 1:28

Cau gơnrơh mut đơs mơ khai lah: “Ơ cau geh bơta nđàc dờng, lơngai ai in. Yàng ơm bal mơ ai.”

Luka 1:80

Mơ tai, kòn hơ̆ rhòi dờng, hwềng nùs sơlo pràn kơldang ơm tòm ƀlàng bràs jơl tus dê ngai tơlik mat mơ Israel.

Luka 2:40

Kòn dềt rhòi dờng, sơlo pràn kơldang, bềng lìu bơta jak chài, mơ bơta nđàc Yàng Tom Trồ dê ơm hơđang Kơnràñ.

Luka 2:52

Yàng Jesu sơlo jak chài, să jan sơlo dờng, sơlo niam nùs Yàng Tom Trồ mơ cau sơl.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Yal Wơl 18:22

Dilah jơnau dô nă cau gơnoar hwơr ai sơnđan Yàng Jehôwa mơ bơto yal mơ jơnau hơ̆ ò gơlik gơs hala ò gơlik di ngan, hơ̆ la jơnau bơto yal mơ Jehôwa Yàng Tom Trồ ò gŏ đơs. Cau gơnoar hwơr hơ̆ neh đơs jat nùs is khai dê. Bañ rngòt di khai.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Jôsue 21:45

Tòm jơh ală jơnau ho pơgon niam mơ Yàng Jehôwa neh bơtào mơ hìu Israel, ò gơs jơnau lơi ò gơlik gơs; jơh ală neh gơlik di ngan lơm.

Ală Kwang Cahrña 13:24

Cau ùr hơ̆ deh dô nă kòn klau mơ tơmoh sơnđan la Samsôn. Khai rhòi dờng mơ Yàng Jehôwa ai lơngai khai in.

I Samuel 10:7

Tòm tŭ ală tềl do gơlik gơs di ngan gen lơh jat tĕ bơta lơi mê pal lơh, bơh Yàng Tom Trồ ơm bal mơ mê.

I Samuel 12:2

Tŭ do bol mê gơs dô nă bơtau la cau lam bồ bol mê. Ai đah pơnah mơ añ gen să kra mơ kò sŏ, mơya ală kòn klau añ jê gam ơm mơ bol mê. Añ neh tề lam bol mê bơh tŭ añ gam pơnu jơl tus di ngai do.

I Samuel 16:18

Dô nă cau tòm mpồl cau duh broă ho lah: “Añ neh gŏ dô nă kòn klau Jese cau Betlehem git rơs kơñi. Khai la dô nă cau khin cha mơ la dô nă cau ling jak tòmlơh, git kơrhia tòm jơnau đơs, niam klau, mơ Yàng Jehôwa ơm bal mơ khai.”

I Samuel 18:12

Sol rngòt di Dabit, tài bơh Yàng Jehôwa ơm bal mơ khai, mơ Kơnràñ neh sang lòi Sol.

I Samuel 18:14

Dabit gơlik cồng nha dờng tòm kòp ală broă khai lơh; tài bơh Yàng Jehôwa ơm bal mơ khai.

I Samuel 18:5

Broă lơi Sol sồr Dabit lơh gen Dabit lơh gơlik cồng nha niam tian gơs Sol bơtào khai hơđang tòm mpồl ling. Bơta hơ̆ niam nùs jơh làng bol mơ niam nùs ală cau duh broă Sol sơl.

I Samuel 2:21

Yàng Jehôwa kah tus di Anne, khai bun mơ deh pe nă kòn klau mơ bàr nă kòn ùr. Mơ kơnòm dềt Samuel rhòi dờng di đap Yàng Jehôwa.

I Samuel 2:26

Tŭ hơ̆ kơnòm dềt Samuel jơh să jan geh dờng mơ geh bơta nđàc gơwèt mơ Yàng Jehôwa mơ kòn mơnus sơl.

I Samuel 9:6

Mơya cau duh broă ho lah: “Gơs dô nă cau Yàng Tom Trồ dê tòm ƀòn do, khai la dô nă cau geh ki ngàm ngan; jơh ală bơta khai đơs gơlik di ngan. Tŭ do, bol he lòt lă tus tềng hơ̆. Digơlan khai rơp yal bol he in git gùng lơi pal lòt.”