I Samuel 3:17 - Sră Goh 2018

¹⁷ Heli lùp lah: “Ñchi bơta Kơnràñ neh đơs mơ mê taih? Bañ pồn bơh di añ. Dan Yàng Tom Trồ lơh mê in kung behơ̆ mơ kơnjơ̆ rlau ngan, dilah mê pồn mơ añ jơnau lơi Kơnràñ neh đơs mơ mê.”

I Samuel 3:17 Mawu Ofanana

II Samuel 14:18

Gen cau bơtau ho mơ cau ùr lah: “Bañ pồn mơ añ bơh bơta añ rơp lùp ai.” Cau ùr đơs lah: “Dan cau tòm añ jê la bơtau đơs tĕ.”

II Samuel 19:13

Kung đơs tĕ mơ Amasa lah: ‘Mê ò di la poac mhàm añ jê ơ? Dilah mê ò lơh gơs cau kwang ling ala Jôap di đap añ bơh tŭ do, gen dan Yàng Tom Trồ lơh glài añ kơnjơ̆.’”

II Samuel 3:35

Gen jơh làng bol tus rềp mơ dan Dabit sa dô êt phan sa tòm tŭ trồ gam ngai; mơya Dabit srat să lah: “Dan Yàng Jehôwa lơh añ dô bă kơnjơ̆ rlau jơh, dilah añ sa piang lă hala phan sa lơi ndai lài mơ tŭ mattơngai mut!”

II Samuel 3:9

Behơ̆ dan Yàng Tom Trồ lơh di añ dô bă kơnjơ̆, dilah ò gơlik gơs ală bơta Yàng Jehôwa neh srat să ho bal mơ Dabit, mơ añ rơp bơtào kơ̆ khai in,

I Ală Bơtau 22:16

Mơya bơtau đơs mơ khai lah: “Nđò dơ̆ rau añ pal sồr mê srat să ò yal añ in bơta lơi rlau mơ jơnau song tòm sơnđan Yàng Jehôwa ò ơ?”

II Ală Bơtau 6:31

mơ bơtau đơs lah: “Behơ̆ dan Yàng Tom Trồ lơh di añ kơnjơ̆ rlau tai, dilah ngai do bồ Elise dê, kòn klau Saphat, gam hơđang pơnì khai dê.”

Đơs Crih 141:5

Lòi cau song ring pù lơh añ; hala cau dòn song bơto pơnniam wơl añ. Mơya bañ lòi mơñà cau iơh bơsak dê bong di bồ añ, Bơh añ hòi dan sùm tòmdră mơ ală broă iơh bơsak bol khai dê.

Jeremi 38:14

Bơtau Jedekia sồr jòi Jeremi mơ cèng is khai di tiah mpồng dơ̆ pe hìu Yàng Jehôwa dê. Bơtau đơs mơ Jeremi lah: “Añ gơs dô bơta lùp mê, bañ pồn añ dô êt lơi!”

Jeremi 42:4

Gen cau gơnoar hwơr Jeremi ho lah: “Añ kơno rau! Do, añ rơp hòi dan Jehôwa Yàng Tom Trồ bol mê dê, jat be jơnau bol mê dan, bơta lơi Yàng Jehôwa ho wơl, añ rơp yal bol mê in git, ò pồn dô êt lơi mơ bol mê.”

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Mice 2:7

Ơ hìu Jakôp; di pal sơl đơs lah Hwềng Yàng Jehôwa ò gam ơt ơl ơ? Kơnràñ lơh ală bơta behơ̆ sơl ơ? Jơnau đơs Añ jê ò di gơs kwơ cau lơi in lòt jat ală gùng song ring ò ơ?

Khà Làng Bol 23:17

Behơ̆ Balaam rê wơl hơ Balak mơ gŏ khai ntào di gah phan ơn duh khoai khai dê bal mơ ală cau kwang dờng Môap dê. Balak lùp Balaam lah: “Ñchi jơnau Yàng Jehôwa neh đơs taih?”

Mathiơ 26:63

Mơya Yàng Jesu ơm mŏ mŏ. Cau gơnoar dờng lam bồ ơn phan duh khoai đơs mơ Kơnràñ lah: “Añ sồr mê sơnio Yàng Tom Trồ gam kis sùm, srat să mơ yal tĕ bol hi in, mê ngan la Bơtau Krist, Kòn Yàng Tom Trồ dê ơ?”

Rutơ 1:17

Mè chơt tiah lơi gen añ rơp chơt tiah hơ̆, mơ geh tơp tềng hơ̆ sơl. Dan Yàng Jehôwa lơh añ dô bă kơnjơ̆ ngan dilah gơs bơta lơi rlau mơ bơta chơt gơcah is añ mơ mè.”

I Samuel 14:44

Sol đơs lah: “Ơ Jônathan, dilah mê ò chơt gen dan Yàng Tom Trồ lơh añ dô bă kơnjơ̆ rlau jơh!”

I Samuel 20:13

Mơya dilah bèp añ gơs nùs kòñ lơh iơh di bi, gen dan Yàng Jehôwa lơh iơh rmơh rlau jơh di añ dilah añ ò ai bi in git mơ sồr bi dô pleh lơngap lơngai. Dan Yàng Jehôwa ơm bal mơ bi kung be Kơnràñ neh ơm bal mơ bèp añ.

I Samuel 25:22

Dan Yàng Tom Trồ lơh gơwèt mơ Dabit oă rlau tai, dilah tus diàng drim hìng añ lòi gam kis dô nă cau klau lơi gơrê bal mơ khai.”

I Samuel 3:16

Mơya Heli hòi Samuel mơ đơs lah: “Ơ Samuel, kòn klau añ jê.” Samuel ho lah: “Do añ.”