I Samuel 3:13 - Sră Goh 2018

¹³ Bơh Añ neh đơs mơ khai lah Añ rơp lơh glài hìu nhă khai dê sùm sùm, tài bơh tồi glài mơ khai neh git; tài bơh ală kòn klau khai dê neh lơh ală bơta tràl sơrbil di Yàng Tom Trồ, mơ khai ò kơryan bol khai.

I Samuel 3:13 Mawu Ofanana

I Ală Bơtau 1:6

Bèp khai ò tŭ lơi kơryan hala lùp khai lah: “Ñchi bơh tài mê lơh bơta be do taih?” Mơ tai, Adônija kung hàng klau ngan, deh tơnơ̆ mơ Apsalôm.

I Ală Bơtau 2:44

Bơtau kung đơs mơ Simei lah: “Mê git tòm nùs mê dê jơh ală bơta iơh mê neh lơh di Dabit bèp añ. Behơ̆, Yàng Jehôwa rơp sal wơl broă iơh mê dê hơđang bồ mê.

II Yal Yau 20:12

Ơ Yàng Tom Trồ bol hi dê, Kơnràñ rơp ò cahrña hơđang bol khai ơ? Bơh bol hi ò gơs gơnoar pràn nàng tòmdră mơ mpồl ling gal ngan do neh lòt tus brồ lơh bol hi. Bol hi ò git ñchi pal lơh, mơya mat bol hi tơnggòr sền di Kơnràñ.”

Jơnau Pơnđik 19:18

Pù tơmàl tĕ kòn mê dê tòm tŭ gam bơta gơn kơnòm; mơya bañ gơs nùs kòñ tơnchơt khai.

Jơnau Pơnđik 29:15

Gai mơng mơ bơta lah pơrhơng ai gòi bơta jak chài; ai cau kơnòm să lòt gơlềng gơlàng lơh ƀàssìl mè khai in.

Cau Bơto 7:22

Bơh nùs mê kung git lah oă dơ̆ să tòm mê neh srat rma cau ndai.

Ejekiel 18:30

Gen tàng, Yàng Jehôwa đơs lah: ‘Ơ hìu Israel, Añ rơp cahrña bol mê, kòp nă jat gùng dà khai dê. Gơjrañ sang glài tĕ! Pơrlac ngài tĕ bơh di jơh ală bơta tìs bol mê neh lơh; dilah ò, gen bơta tồi glài rơp la bơta tơnroh bol mê.

Ejekiel 7:3

Tŭ do bơta lồi dut neh tus hơđang mê. Añ rơp tuh tơlik bơta gơjrañ Añ jê hơđang mê. Añ rơp cahrña mê jat gùng dà mê dê, mơ rơp lơh glài mê bơh jơh ală bơta cù kìr mê dê.

Jôel 3:12

Lòi tĕ ală làng bol ñă ntào, lòi tĕ bol khai lòt tus tòm thòng Jehôsaphat, bơh tềng hơ̆ Añ rơp nggui nàng cahrña jơh ală làng bol ơm gùt dar.

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Yal Wơl 17:12

Cau lơi tòmdră ò dòn bơr cau kwang cahrña hala cau gơnoar ơn phan duh khoai ơm ntào tềng hơ̆ duh broă Jehôwa Yàng Tom Trồ bol mê dê gen cau hơ̆ pal kong tơnchơt. Bol mê pal tă sang bơta iơh bơsak bơh di Israel.

Yal Wơl 21:18

“Dilah dô nă cau klau gơs dô nă kòn klau kơldang bồ mơ jak tòmdră, ò dòn bơr mè bèp khai, mơ rơp ò iat bol khai tòm tŭ bol khai lơh glài tơmàl khai,

I Jang 3:20

dilah nùs bol he lơh nền glài he, gen Yàng Tom Trồ la dờng rlau mơ nùs he dê, mơ Kơnràñ git jơh ală bơta.

I Samuel 2:12

Tŭ hơ̆ ală kòn klau Heli dê la ơlă ơlai; bol khai ò wèt sền di Yàng Jehôwa,

I Samuel 2:17

Tồi glài ală cau pơnu do la dờng ngan di đap mat Yàng Jehôwa, bơh bol khai sền òsơp di phan ơn duh khoai Yàng Jehôwa dê.