I Samuel 3:1 - Sră Goh 2018

¹ Tŭ hơ̆, kơnòm klau Samuel duh broă Yàng Jehôwa hơđơm gơnoar Heli dê. Jơnau Yàng Jehôwa dê ò hwan gơs tòm pah tơngai hơ̆, bơta gơtơnggŏ ò òs gơlik gơs.

I Samuel 3:1 Mawu Ofanana

Đơs Crih 74:9

Bol hi ò gŏ tai ală tềl sơnio bol hi dê; Ò tai gơs cau gơnoar hwơr, Mơ digùl bol hi kung ò gơs cau lơi git gam nđò jŏ tai.

Jơnau Pơnđik 29:18

Tiah lơi siơ̆u bơta gơtơnggŏ làng bol rơp gơlềng gơlàng; mơya cau lơi prap gàr bơta sồr lam geh lơngai lơngò ngan!

Esai 13:12

Añ lơh kòn mơnus in dô êt rlau mơ màh ngan, dô êt rlau mơ màh Ôphir dê.

Ejekiel 7:26

Rung rài do gơbơtơl hơđang rung rài ndai, jơnau pơnro do gơpơnjat jơnau pơnro ne. Bol khai rơp pơnđơl jòi bơta gơtơnggŏ bơh di cau gơnoar hwơr; jơnau bơto tơngkah bơh cau gơnoar ơn phan duh khoai rơp roh rui, jơnau bơto sơnio bơh di ală cau kwang kra kung rơp ò gơs.

I Samuel 2:11

Gen Elkana rê hìu tòm Rama, mơya cau kơnòm dềt ơm duh broă Yàng Jehôwa, di đap mat Heli la cau gơnoar ơn phan duh khoai.

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.

I Samuel 2:35

Añ rơp bơtào tơngguh Añ in dô nă cau gơnoar ơn phan duh khoai dòn song, khai rơp lơh ală bơta jat nùs mơ bơta kơlôi Añ jê. Añ rơp bơtào kơ̆ hìu khai dê, mơ khai rơp duh broă di đap cau geh bong mơñà Añ jê sùm sùm.

I Samuel 2:36

Gen kòp nă cau gam wơl tòm hìu mê dê rơp lòt tus cùn khoai di đap khai nàng geh dô pet priă mơ dô pet piang lă, mơ rơp đơs lah: “Dan bơtào añ tòm dô nơm broă cau ơn phan duh khoai dê, tồ añ geh sa dô pet piang lă.”’”

I Samuel 3:15

Samuel ơm bic jơl tus diàng drim, gen khai pò ală mpồng hìu duh khoai Yàng Jehôwa dê. Khai rngòt ò khin yal Heli in bơh bơta gơtơnggŏ.

I Samuel 3:21

Yàng Jehôwa kư̆ tơlik mat tòm Silô, mơ Kơnràñ neh yal tơlik să tòm Kơnràñ dê mơ Samuel tòm Silô bơh jơnau đơs Kơnràñ dê.