I Samuel 28:6 - Sră Goh 2018

⁶ Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.

I Samuel 28:6 Mawu Ofanana

II Samuel 22:42

Bol khai kơp gơn, mơya ò gơs cau lơi dong klàs bol khai, bol khai hòi dan mơ Yàng Jehôwa mơya Kơnràñ ò ho wơl bol khai in.

Đơs Crih 74:9

Bol hi ò gŏ tai ală tềl sơnio bol hi dê; Ò tai gơs cau gơnoar hwơr, Mơ digùl bol hi kung ò gơs cau lơi git gam nđò jŏ tai.

Lik Ejiptơ 28:20

tòm sèng poan gơs lŭ màng rmit, lŭ kĕ pơrhê mơ lŭ màng gơcrà. Ală lŭ màng do rơp ơn tòm ală dơwàng màh bơka hàng mơnĕ.

Lik Ejiptơ 28:30

Hơđang ồi dềt kơt ntơh kung pal kơt Urim mơ Thumim nàng bol gơ ơm hơđang nùs Arôn dê tòm tŭ khai tus di đap Yàng Jehôwa. Behơ̆ di đap Yàng Jehôwa, Arôn rơp àñ sùm hơđang nùs khai dê ală bơta lơh nền gơwèt hơ ală kòn klau Israel dê.

Jơnau Pơnđik 27:1

Bañ jòng să bơh ngai hìng; bơh kòn ò git ngai hìng rơp gơlik gơs bơta lơi.

Jeremi 23:28

Lòi cau gơnoar hwơr lơi gơs mpau yal tĕ mpau; ai cau lơi neh dòp leng jơnau Añ, yal wơl tĕ jơnau Añ dô bă dòn song! Rhe ngan gơs pơnah bal mơ kòi mi ơ?” Yàng Jehôwa đơs behơ̆.

Ñìm Rac 2:9

Ală mpồng ƀòn dờng gơkram tòm ù; Kơnràñ neh tơnroh mơ dơrkă ală kai kal gơ dê. Cau bơtau mơ ală kwang at bồ gơ dê ơm digùl ală lơgar ò gơs bơta sơnio lam tai! Ală cau gơnoar hwơr ò dòp bơta tơnggŏ bơh Yàng Jehôwa.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Lebi 8:8

Khai ơn ồi kơt ntơh di Arôn mơ ơn Urim mơ Thumim tòm ồi kơt ntơh.

Mice 3:7

Ală cau sền dà rơp ƀàssìl, mơ ală cau juh proh rơp kong sền òsơp. Jơh tơl nă bol khai rơp jơm lơmpiat bol khai dê, tài bơh ò gơs jơnau ho wơl bơh di Yàng Tom Trồ.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Mathiơ 1:20

Mơya tòm tŭ Jôsep kơlôi sơnơng bơh bơta hơ̆, gen dô nă cau gơnrơh Yàng dê tơnggŏ mơ khai tòm mpau mơ đơs lah: “Ơ Jôsep, kòn sau Dabit, bañ rngòt dòp tĕ Mari la bau mê, bơh kòn mơ khai neh bun hơ̆ la bơh Yàng Hwềng Goh.

Jang 9:31

Bol he git lah Yàng Tom Trồ ò dòp jơnau cau glài dê, mơya dilah cau lơi duh rngòt di Kơnràñ mơ lơh jat nùs kòñ Kơnràñ dê, gen Kơnràñ iat jơnau khai dê.

Yal Wơl 33:8

Bơh Lebi khai neh đơs lah: “Thumim dan ai Lebi in, mơ ai Urim cau Kơnràñ kòñ gơboh. Kơnràñ neh lòng khai tòm Masa; Kơnràñ neh tòm pơndang mơ khai tòm dà Meriba;

Jakơ 4:3

Oh mi hòi dan mơ ò dòp geh tài bơh dan tìs jơnau, nàng ngui jat nùs hàm kòñ is he dê.

I Samuel 14:37

Behơ̆ Sol lùp Yàng Tom Trồ lah: “Añ pal mù jat cau Philistin sơl? Kơnràñ rơp jào phi bol khai tòm tê cau Israel sơl?” Mơya Yàng Tom Trồ ò ho wơl khai in tòm ngai hơ̆.

I Samuel 28:15

Gen Samuel đơs mơ Sol lah: “Ñchi bơh tài mê lơh dơrcul añ mơ hòi añ guh taih?” Sol ho lah: “Añ ơm tòm bơta bòl glar dờng ngan. Bơh cau Philistin lơh kơlìn tòmlơh mơ añ, mơ Yàng Tom Trồ neh sang lòi añ mơ ò ho wơl añ in tai, bulah bơh ală cau gơnoar hwơr hala bơh ală bơta mpau. Behơ̆ añ neh hòi ồng nàng yal añ git ñchi añ pal lơh.”

I Samuel 28:5

Tòm tŭ Sol gŏ mpồl ling Philistin gen khai rngòt; mơ nùs khai rơm să rngòt oă ngan.