I Samuel 28:1 - Sră Goh 2018

¹ Tòm ală ngai hơ̆ cau Philistin pơjum ală mpồl ling bol khai dê nàng lơh kơlìn tòmlơh mơ Israel. Akis đơs mơ Dabit lah: “Mê pal git lah mê mơ ală cau mê dê rơp lòt bal mơ añ tòm mpồl ling.”

I Samuel 28:1 Mawu Ofanana

I Samuel 13:5

Làng bol Philistin pơjum bal nàng tòmlơh mơ Israel, bol khai gơs pe rbô nơm rơndeh lòs tòmlơh, mơ prau rbô cau ling hào ơseh, mơ mpồl cau ling oă be bràs di gah dàlềng, bol khai guh lơh sàl tòm Mikmas, đah mattơngai lik Bet Aben dê.

I Samuel 17:1

Tŭ hơ̆ làng bol Philistin pơjum ală mpồl ling bol khai dê nàng tòmlơh; bol khai pơjum tòm Sukôt gơrê bal mơ Juda, mơ bol khai bơtào sàl digùl Sukôt mơ Aseka, tòm Ephes Dammim.

I Samuel 27:12

Akis dòn kơnòm di Dabit, mơ khai kơlôi is lah: “Khai neh lơh să tòm khai gơlik gơs cù kìr di đap làng bol khai dê la Israel, gen tàng khai rơp lơh gơs cau duh broă añ jê sùm sùm.”

I Samuel 31:1

Tŭ hơ̆ cau Philistin tòmlơh mơ cau Israel. Cau Israel dô bơh di đap cau Philistin, mơ gơs oă cau gơplơ̆ chơt hơđang mơnơm Gilbôa.

I Samuel 7:7

Tòm tŭ cau Philistin neh kơno la làng bol Israel neh pơjum tòm Mispa, gen ală cau kwang at bồ bol khai dê guh nàng tòmlơh mơ Israel. Mơ tòm tŭ Israel kơno bơta hơ̆ gen bol khai rngòt di cau Philistin.