I Samuel 27:12 - Sră Goh 2018

¹² Akis dòn kơnòm di Dabit, mơ khai kơlôi is lah: “Khai neh lơh să tòm khai gơlik gơs cù kìr di đap làng bol khai dê la Israel, gen tàng khai rơp lơh gơs cau duh broă añ jê sùm sùm.”

I Samuel 27:12 Mawu Ofanana

Sơnròp Gơlik Gơs 34:30

Gen Jakôp đơs mơ Simeôn mơ Lebi lah: “Bol mê neh lơh añ in ò suk ơm, lơh làng bol tòm lơgar do, la cau Kanaan mơ cau Pherijit, gơlik gơjrañ di añ behơ̆. Añ do gơs dô êt cau lơm. Dilah bol khai pơjum bal mơ lơh añ, gen ngan añ mơ hìu nhă añ rơp gơkòl roh rui.”

II Samuel 10:6

Tòm tŭ cau Ammôn gŏ bol khai neh gơlik gơs bơta cù kìr gơwèt mơ Dabit, gen cau Ammôn sồr cau lòt ơpah cau Aram tòm Bet Rehôp mơ Jôba bàr jơt rbô ling lòt jơng, kung bơh bơtau Maaka dô rbô nă, bơh lơgar Top jơt bàr rbô nă.

Lik Ejiptơ 5:21

gen bol khai đơs lah: “Dan Yàng Jehôwa sền sơwì ală ồng mơ cahrña ală ồng! Ală ồng neh lơh bol hi in gơlik gơs kung be bơta ƀô ồm di đap mat Pharaôn mơ ală cau duh broă khai dê, mơ ơn đào tòm tê bol khai nàng tơnchơt bol hi.”

I Samuel 13:4

Behơ̆ jơh Israel neh kơno jơnau yal lah: “Sol neh brồ lơh dô nơm theng mpồl ling Philistin dê, mơ tŭ do cau Israel neh gơlik gơs cù kìr di đap cau Philistin.” Mơ làng bol geh hòi pơjum bal mơ Sol tòm Gilgal.

I Samuel 27:11

Dabit ò lòi kis dô nă cau klau hala dô nă cau ùr lơi nàng cèng tus hơ Gat, bơh khai kơlôi lah: “Rngòt bol hơ̆ rơp yal tơlik bơh bol he mơ đơs lah: ‘Hơ̆ la bơta Dabit neh lơh.’” Mơ hơ̆ la bơta mơ Dabit òs lơh tòm tŭ khai kis tòm lơgar Philistin.

I Samuel 28:1

Tòm ală ngai hơ̆ cau Philistin pơjum ală mpồl ling bol khai dê nàng lơh kơlìn tòmlơh mơ Israel. Akis đơs mơ Dabit lah: “Mê pal git lah mê mơ ală cau mê dê rơp lòt bal mơ añ tòm mpồl ling.”