I Samuel 26:8 - Sră Goh 2018

⁸ Abisai đơs mơ Dabit lah: “Yàng Tom Trồ neh jào cau sò tơm ồng dê tòm tê ồng ngai do, gen tàng tŭ do lòi añ pơng khai tòm ù dô tê lơm mơ đào; añ ò càng srơp tai dơ̆ bàr.”

I Samuel 26:8 Mawu Ofanana

II Samuel 16:9

Gen Abisai kòn klau Jeruya đơs mơ bơtau lah: “Ñchi bơh tài dô nơm so chơt ne khin srat rma cau tòm añ jê la bơtau taih? Lòi añ lòt koh bồ khai dê.”

Đơs Crih 31:8

Yàng ò bơtào añ tòm tê cau sò tơm, Kơnràñ ơn jơng añ jê di tiah ơnàng.

Jeremi 40:15

Gen Jôhanan, kòn klau Kareah đơs òm mơ Gedalia tòm Mispa lah: “Dan ai añ in lòt, añ rơp tơnchơt Ismael, kòn klau Nethania, mơ ò gơs cau lơi git. Mbe rgơi lòi khai tă bơta kis ồng dê, mơ kòp nă cau Juda tơrgòm gùt dar ồng rơp nrah nring, mơ làng bol Juda gam wơl rơp chơt roh?”

Nahum 1:9

Ñchi bơh tài bol mê bơtào kai gơrmơ̆i tòmdră mơ Yàng Jehôwa taih? Kơnràñ rơp tơnlồi jơh; ò gơs cau sò tơm lơi rơp guh dơ̆ bàr.

Rôma 11:32

Bơh Yàng Tom Trồ neh krơ̆ jơh ală cau tòm bơta ò dòn bơr, nàng Kơnràñ kòñ nđàc jơh tơl nă cau.

Yal Wơl 32:30

Dô nă cau mbe rgơi ting bơtrơh dô rbô nă, hala bàr nă cau mbe rgơi ting bơtrơh jơt rbô nă ntoat dô; mìng dilah Pơnai Lŭ bol khai dê neh tac bol khai, mơ Yàng Jehôwa neh sang lòi bol khai?

Jôsue 21:44

Mơ Yàng Jehôwa ai bol khai in rlô bơh ală đah jat be Kơnràñ neh srat să ho nền mơ ală ồng pàng bol khai dê. Ò gơs dô nă cau sò tơm lơi rgơi ntào jai di đap bol khai. Bơh Yàng Jehôwa neh jào jơh ală cau sò tơm tòm tê bol khai.

Ală Kwang Cahrña 1:4

Tòm tŭ cau Juda brồ lơh, Yàng Jehôwa jào phi cau Kanaan mơ cau Pheres tòm tê bol khai dê; bol khai tơnchơt jơt rbô nă cau tòm Bejek.

I Samuel 23:14

Dabit ơm tòm ală tiah kơ̆ cê ƀlàng ngềt ngơt dê, tòm tiah kơh mơnơm ƀlàng ngềt ngơt Jip dê. Sol ting jat khai kòp ngai, mơya Yàng Jehôwa ò jào khai tòm tê Sol dê.

I Samuel 24:4

Ală cau jat Dabit đơs mơ khai lah: “Do la ngai bơh bơta hơ̆ mơ Yàng Jehôwa neh đơs mơ ồng lah: ‘Añ rơp jào phi cau sò tơm mê dê tòm tê mê nàng mê lơh di khai bơta lơi gơlơh niam mê in.’” Gen Dabit lòt òm tus mơ kơñau koh mum tiang ào jrùh Sol dê.

I Samuel 24:5

Tơnơ̆ mơ hơ̆ tòm nùs nhơm Dabit dê gơkòl lah pơrhơng, tài bơh khai neh koh mum tiang ào jrùh Sol dê.

I Samuel 26:23

Yàng Jehôwa rơp ai phan ƀàn kòp nă cau in jat bơta song ring mơ bơta dòn song khai dê. Bơh Yàng Jehôwa neh jào bơtau tòm tê añ ngai do, mơya añ ò bài ơn tê di cau mơ Yàng Jehôwa neh bong mơñà.

I Samuel 26:7

Behơ̆ Dabit mơ Abisai lòt tus hơ mpồl ling tòm trồ mang; tềng hơ̆ Sol ơm bic lơhă tòm dơlam sàl, mơ tà khai dê sơntơp di ù rềp di bồ khai.

I Samuel 26:9

Mơya Dabit đơs mơ Abisai lah: “Bañ tơnroh khai! Bơh cau lơi rgơi pò tê tòmdră di cau Yàng Jehôwa neh bong mơñà mơ ò gơkòl tìs glài sơl ơ?”