I Samuel 26:19 - Sră Goh 2018

¹⁹ Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’

I Samuel 26:19 Mawu Ofanana

Sơnròp Gơlik Gơs 44:18

Gen Juda lòt tus rềp mơ Jôsep mơ đơs lah: “Bơh kơnràñ la ndròm bal mơ Pharaôn, dan să mơ kơnràñ bañ gơjrañ di cau dĭ kơnràñ dê, lòi añ đơs dô jơnau nàng kơnràñ in iat.

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

II Samuel 14:16

Digơlan cau bơtau rơp iat mơ dong tă cau duh broă bơtau klàs bơh di tê cau kòñ tơnroh añ mơ kòn klau añ bơh di sre brê mơ Yàng Tom Trồ neh ai bol hi in.’

II Samuel 16:10

Mơya bơtau ho lah: “Ơ ală kòn klau Jeruya, ñchi bơta gơkoă digùl bol mê mơ añ taih? Dilah khai srat rma gen hơ̆ la Yàng Jehôwa neh đơs mơ khai lah: ‘Srat rma tĕ Dabit.’ Behơ̆ ñcau rgơi lùp lah: ‘Ñchi bơh tài mê lơh behơ̆ taih?’”

II Samuel 16:11

Dabit đơs mơ Abisai mơ jơh ală cau dĭ gơna khai dê lah: “Kòn klau añ la poac mhàm tòm añ mơ kòñ tơnchơt añ, tơ ài lah cau Benjamin do! Lòi tĕ khai, mơ lòi khai srat rma; bơh Yàng Jehôwa neh sồr khai lơh behơ̆.

II Samuel 20:19

Bol hi la làng bol ơm ring lơngai mơ dòn song tòm Israel, ồng jòi nàng tơnroh dô nơm ƀòn dờng mơ la dô nă mè tòm Israel. Ñchi bơh tài ồng kòñ sa loan sre brê Yàng Jehôwa dê taih?”

II Samuel 21:3

Dabit lùp cau Gabaôn lah: “Ñchi bơta añ pal lơh bol mê in taih? Mbe añ kòñ lơh nàng tơwài glài nàng dan bol mê ai lơngai sre brê Yàng Jehôwa in taih?”

II Samuel 24:1

Dô dơ̆ tai, bơta gơjrañ Yàng Jehôwa dê hìt tòmdră mơ Israel. Kơnràñ chồl nùs Dabit tòmdră mơ bol khai, mơ đơs lah: “Lòt tĕ kòp khà làng bol Israel mơ Juda.”

I Ală Bơtau 22:22

Hwềng hơ̆ ho lah: “Añ rơp lòt mơ lơh gơs dô nơm hwềng đơs blac tòm bơr ală cau gơnoar hwơr khai dê.” Yàng Jehôwa đơs lah: “Mê la cau pơndòm ơniai khai, lòt tĕ mê rơp lơh behơ̆, mơ rơp gơlik gơs.”

I Yal Yau 21:1

Satan ntào tòmdră mơ Israel, mơ chồl nùs Dabit kòp khà làng bol Israel.

Đơs Crih 120:5

Bòl glar añ in bơh añ ơm ing tòm Mesek, Mơ añ pal ơm digùl ală sàl Kedar dê.

Đơs Crih 20:4

Dan Kơnràñ ai mê in bơta nùs mê kơp kòñ, Lơh gơlik gơs ală bơta kơlôi bơyai mê dê!

Jơnau Pơnđik 30:10

Bañ đơs iơh cau dong broă cau mơ cau tòm khai dê, rngòt khai srat rma mê, mơ mê gơkòl glài.

Esai 60:5

Gen mê rơp sền gŏ mơ gơs muh mat àng lơr, nùs mê rơp rơm ngòt mơ bơta hòn chò; tài bơh bơta tơngkah tơngkañ ală dàlềng dê rơp geh cèng tus hơ mê, bơta pas gơs ală lơgar dê rơp tus hơ mê.

Lebi 26:31

Añ rơp lơh ală ƀòn dờng bol mê dê gơlik gơs ală gơnru tơrlah tơrlơm mơ lơh ală tiah sàng goh bol mê dê gơlik gơs tiah sang lòi srau gòi, mơ Añ rơp cù kìr di ƀô bơlhu ală phan ơn bol mê dê.

Khà Làng Bol 36:7

Ò gơs sre brê lơi tòm Israel rgơi tă bơh dê jơi bơtiàn do mơ bơtơl tòm jơi bơtiàn ne, bơh kòp nă cau Israel pal prap gàr ù tiah dòp geh bơh dê ồng pàng bol khai dê.

Khà Làng Bol 36:9

Ò gơs sre brê lơi rgơi tă bơh jơi bơtiàn do mơ ai jơi bơtiàn ne in bơh kòp jơi bơtiàn Israel dê pal prap gàr ù tiah neh pơrdòn.’”

Rôma 14:15

Dilah bơh phan sa mơ mê lơh oh mi he in moat jrùng, gen mê ò tai lơh lòt jat bơta kòñ gơboh ò. Bañ tài bơh phan sa mơ lơh roh rui cau mơ Bơtau Krist neh kong chơt ala.

Galati 5:12

Kơp kòñ lah ală cau lơh dơrcul oh mi, bol khai rơp koh is să tòm bol khai dê la niam rlau!

Yal Wơl 13:3

gen bol mê ò di iat ală jơnau cau gơnoar hwơr hala cau mpau hơ̆. Bơh Jehôwa Yàng Tom Trồ bol mê dê kòñ lòng bol mê nàng git bol mê jơh nùs mơ jơh hwềng soàn kòñ gơboh di Kơnràñ hala ò.

II Timôthe 4:14

Aleksandria la cau chài tiar kòng, neh lơh iơh di añ oă ngan; Yàng rơp sal wơl khai in jat be broă khai dê.

I Samuel 18:10

Ngai tơnơ̆, gơs dô nơm hwềng iơh bơh Yàng Tom Trồ sồr tus dô bă pràn kơldang ngan hơđang Sol. Khai ơm đơs is khai dê kung be cau sơnrang tòm hìu khai dê, Dabit pĕ kơñi be òs. Sol at tà tòm tê,

I Samuel 24:9

Dabit đơs mơ Sol lah: “Ñchi bơh tài bơtau iat jơnau cau đơs lah: ‘Dabit jòi bơta nàng lơh iơh di bơtau taih’?

I Samuel 25:24

Khai cùn di jơng Dabit mơ đơs lah: “Ơ kơnràñ añ jê, lòi glài hơ̆ gơtuh hơđang mìng dô nă añ. Dan lòi cau duh broă kơnràñ dê đơs mơ kơnràñ; dan iat tĕ ală jơnau đơs cau duh broă ồng dê.

I Samuel 27:1

Dabit đơs tòm nùs khai dê lah: “Gơs dô ngai lơi, añ rơp gơkòl tơnroh bơh tê Sol dê. Bơta niam rlau jơh añ in la dô pleh hơ lơgar cau Philistin. Gen Sol rơp roh bơta gơn kơnòm, ò jòi añ tai tòm dơlam nhàr lơgar Israel, mơ añ rơp lik klàs bơh tê khai.”