I Samuel 26:10 - Sră Goh 2018

¹⁰ Dabit đơs tai lah: “Di ngan kung be Yàng Jehôwa kis sùm, să tòm Yàng Jehôwa rơp lơh khai, digơlan ngai chơt khai dê rơp tus, hala khai rơp lòt tòmlơh gen khai rơp kong chơt.

I Samuel 26:10 Mawu Ofanana

Sơnròp Gơlik Gơs 47:29

Mòr tus dê tŭ Israel chơt, khai hòi Jôsep kòn klau khai dê mơ đơs lah: “Dilah añ geh bơta nđàc di đap mê dan ơn tĕ tê dê bơnô añ, dan dòn song mơ lơh niam tòm toh be jơnau añ, dan bañ tơp añ tòm ù Ejiptơ.

Sră Jop 14:14

Dilah kòn mơnus chơt, khai rơp kis wơl sơl? Jơh ală ngai bòl glar duh broă añ jê, Añ kơp gơn jơl tus di tŭ bơta hồ toh añ jê neh tus.

Sră Jop 14:5

Ală ngai kòn mơnus di neh lơh nền rau, mơ ală khà kơnhai bol khai neh yal tơnggit oh mi in, Mơ oh mi neh geh lơh nền nhàr nàng gơ ò rgơi lòt rlau.

Sră Jop 7:1

“Ò di la rài kis kòn mơnus pal lơh broă bòl glar tòm dunnia ò ơ? Mơ ò di la ală ngai rài kis bol khai dê kung be ală ngai dô nă cau lơh broă bòl glar ò ơ?

Đơs Crih 37:10

Dô êt jŏ tai, cau iơh bơsak ò gam tai; Bulah mê sền sơwì tòm tiah khai ơm, mơya khai ò gơs tềng hơ̆.

Đơs Crih 37:13

Mơya Yàng Jehôwa dơñŏ di cau iơh bơsak, Bơh Kơnràñ gŏ ngai lơh glài khai mòr tus.

Đơs Crih 94:23

Kơnràñ rơp tơm wơl bol khai in bơh bơta tồi glài iơh bơsak bol khai dê, Mơ pơs tơlik bol khai bơh bơta iơh bơsak bol khai dê; Jehôwa Yàng Tom Trồ bol he dê rơp pơs tơlik bol khai.

Cau Bơto 3:2

Gơs tŭ deh, mơ gơs tŭ chơt; gơs tŭ tam, gơs tŭ dus phan neh tam;

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

Yal Wơl 31:14

Yàng Jehôwa đơs mơ Môise lah; “Ngai chơt mê dê neh rềp rau. Hòi tĕ Jôsue mơ să tòm mê pal lòt tus ntào tòm Sàl Tòm Mat, la tiah Añ rơp ai jơnau gơnoar sồr khai in.” Behơ̆ Môise mơ Jôsue lòt tơlik mat să tòm bol khai tòm Sàl Tòm Mat,

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

Hebrơ 10:30

Bơh bol he git Bơtau neh đơs lah: “Bơta sal tê gơrê hơ Añ, Añ rơp tơm wơl,” mơ tai: “Yàng rơp cahrña làng bol Kơnràñ dê.”

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”

I Samuel 24:12

Dan Yàng Jehôwa cahrña digùl bèp mơ añ mơ dan Yàng Jehôwa sal tê añ in bơh bơta tìs mơ bèp neh lơh di añ, mơya tê añ rơp ò tòmdră mơ bèp.

I Samuel 24:15

Gen tàng dan Yàng Jehôwa cahrña mơ lơh nền digùl bol he. Dan Kơnràñ sền gŏ bơta hơ̆ mơ dong tò broă añ jê; dan Kơnràñ ơm đah mơ añ tòmdră mơ bèp.”

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.

I Samuel 25:38

Pơgap tòm jơt ngai tơnơ̆ gen Yàng Jehôwa lơh Nabal, mơ khai chơt.

I Samuel 25:39

Tòm tŭ Dabit kơno Nabal neh chơt, gen khai đơs lah: “Jòng ro Yàng Jehôwa neh cahrña bơh Nabal neh sền òsơp dê añ, Kơnràñ neh kơryan cau duh broă Kơnràñ dê klàs bơh di bơta lơh tìs, mơ neh lơh bơta tìs Nabal dê tuh wơl hơđang bồ tòm khai dê.” Gen Dabit sồr đơs mơ Abigail, dan lùp bau mơ khai.

I Samuel 31:4

Sol đơs mơ cau àñ phan tòmlơh khai dê lah: “Tă tĕ đào mê mơ srơp añ, rngòt ală cau ò siat gơltau ne rơp tus srơp añ mơ lơh ƀàssìl di añ mòn!” Mơya cau àñ phan tòmlơh khai dê rngòt ngan mơ ò bài lơh behơ̆; behơ̆ Sol ai đào khai dê mơ tòmpừ is să khai di cồng gơ.

I Samuel 31:6

Behơ̆ Sol, pe nă kòn klau khai dê, cau àñ phan tòmlơh khai dê, mơ jơh ală cau khai dê chơt bal tòm dô ngai hơ̆.